Author: LANKA24X7

විදුලි ගාස්තු සංශෝධනය කිරීම සම්බන්ධයෙන් විදුලිබල මණ්ඩලය විසින් ඉදිරිපත් කර ඇති යෝජනාවලිය පිළිබඳව ලබන සිකුරාදා දිනයේ තීරණයක් ගන්නා බව මහජන උපයෝගීතා කොමිසන් සභාව පවසයි. එහි සභාපති මහාචාර්ය මංජුල ප්‍රනාන්දු මහතා පැවසුවේ, කොමිසන් සභාව ලබන 30 වන සිකුරාදා දිනයේ රැස්වී ඒ පිළිබඳ තීරණයක් ගැනීමට නියමිත බවය. ජුලි මස 01 වැනි දා සිට ක්‍රියාත්මක වන පරිදි විදුලි ගාස්තු අඩු කිරීමට විදුලිබල මණ්ඩලය යෝජනා කර ඇති අතර ඊට අදාළ යෝජනාවලිය සම්බන්ධයෙන් මහජන අදහස් විමසීමට උපයෝගීතා කොමිසම පියවර ගෙන තිබුණි. එම කටයුතු ඊයේ (27) දිනයෙන් අවසන් කෙරුණු අතර මේ වන විට එම අදහස් හා යෝජනා කොමිසම් සභාව විසින් සමාලෝචනය කරමින් සිටින බව උපයෝගීතා කොමිසම…

පානදුර මූලික රෝහලේ දැඩි සත්කාර ඒකකය තාවකාලිකව වසා දැමීම හේතුවෙන් මේ වන විට එම රෝහල් කටයුතුවලට දැඩි බාධා එල්ල වී තිබේ. එම ඒකකය වේයන් විසින් හානී කිරීම හේතුවෙන් සතියක පමණ කාලයක සිට වසා දමා ඇති බව රෝහල් අධ්‍යක්ෂ වෛද්‍ය කාංචනා දිල්රුක්ෂි ඩීරසිංහ මහත්මිය පැවසුවාය. මේ හේතුවෙන් ශල්‍යකර්ම, රිය අනතුරුවලට ලක් වන රෝගීන් මෙන්ම බරපතළ තත්ත්වයේ පසු වන රෝගීන් සඳහා ඇඳන් වෙන් කිරීමේදී රෝහල් කාර්යය මණ්ඩලය දැඩි අපහසුතාවට පත්ව තිබේ. දැඩි සත්කාර ඒකකයේ කටයුතු මේ වන විට රෝහලේ වෙනම ස්ථානයක තාවකාලිකව සිදුකෙරෙමින් පවතින බව රෝහල් අධ්‍යක්ෂ වෛද්‍ය කාංචනා දිල්රුක්ෂි ඩීරසිංහ මහත්මිය පැවසුවාය. මේ සම්බන්ධයෙන් බලධාරීන් දැනුවත් කළද මෙතෙක් ඒ සඳහා විසදුම්…

දේශීය ණය ප්‍රතිව්‍යුහගත කිරීමේ පාර්ලිමේන්තු විවාදයට දින තීරණය කෙරෙන පාර්ලිමේන්තු කටයුතු කාරක සභා රැස්වීම ලබන සිකුරාදාට කල් දමා ඇත. එම පාර්ලිමේන්තු කටයුතු කාරක සභා රැස්වීම අද (27)පැවැත්වීමට නියමිතව තිබිණි. දේශීය ණය ප්‍රතිව්‍යුහගත කිරීමේ පාර්ලිමේන්තු විවාදය ලබන සෙනසුරාදා(1)පැවැත්වීමට නියමිත බව පාර්ලිමේන්තු ආරංචි මාර්ග පවසයි.

කැනඩාවේ අධ්‍යාපන වීසා ලබාදෙන බවට පවසමින් මුදල් වංචා කරන ලද පුද්ගලයෙකු සහ කාන්තාවන් 5දෙනෙක් අත්අඩංගුවට ගෙන ති‌බේ. එම සිද්ධිය සම්බන්ධයෙන් කොළඹ වංචා විමර්ශන කාර්යංශය වෙත පැමිණිලි කිහිපයක් ලැබී තිබුණි. ඒ අනුව, විමර්ශන සිදුකර කොටුව අධිකරයෙන් ලබාගත් සෝදිසි වරෙන්තුවක් මත ඊයේ (26) කඩවත ප්‍රදේශයේ ගොඩනැගිල්ලක පවත්වාගෙන යනු ලැබූ ව්‍යාජ ලේඛන මධ්‍යස්ථානයක් සෝදිසි කර ඇත. එහිදී පරිගණක යන්ත්‍ර 03ක්, ලැප්ටොප් 03ක්, මුද්‍රණ යන්ත්‍ර 04ක්, ස්කෑන් යන්ත්‍ර 01ක්, ව්‍යාජ තැන්පතු සහතික, ගිණුම් ප්‍රකාශ, විවිධ පාස් පොත්, තානාපති කාර්යාලය වෙත යැවීමට සකස් කර තිබූ වත්කම් සම්බන්ධ ලේඛන, විවිධ නිල මුද්‍රා සහ මුදලින් රුපියල් 1,187,130ක් සමග සැකකරුවෙක් හා සැකකාරියන් පස්දෙනෙකු අත්අඩංගුවට ගෙන තිබේ. එසේ අත්අඩංගුවට…

පෙම්වතිය මිය ගොස් දින කිහිපයකට පසු ඇය නොමැතිව ජීවත් වෙන්නට නොහැකි බව පවසා දිවි නසා ගත් තරුණයකු සම්බන්ධ පුවතක් බලන්ගොඩ ප්‍රදේශයෙන් වාර්තා වෙනවා. මෙසේ මියගොස් ඇත්තේ බලංගොඩ වැලිගෙපොල ප්‍රදේශයේ පදිංචි 22 හැවිරිදි තරුණයෙක් බවයි සඳහන් වෙන්නේ. පවුලේ ඇති ප්‍රශ්න නිසා මෙම තරුණයාගේ පෙම්වතිය මීට දින කිහිපයකට ඉහතදී සියදිවි නසා ගෙන ඇති අතර එදා සිට මෙම තරුනයා මහත් දුක සේ කාලය ගතකොට තිබෙනවා. පසුව සිය පෙම්වතිය නොමැතිව සිටිය නොහැකි බව පවසමින් මෙම තරුණයා ගෙල වැළලාගෙන ඇති බවටයි වාර්තා වෙන්නේ. මිය යාමට පෙර ඔහුගේ පෙම්වතිය ගැන ඔහු තම ෆේස්බුක් ගිණුමේ සටහනක්ද තබා තිබෙනවා.

රනිල් වික්‍රමසිංහ ජනාධිපතිවරයා මාස දෙකක් ඇතුළත පෝලිම් යුගය නිමා කළේ ගෑස් ටික වත් ගෙනෙන්නට ඩොලර් මිලියනයක් නොතිබූ තිබූ රටක් බාර ගෙන බව කිසිවිටෙක අමතක කළයුතු නැතැයි එක්සත් ජාතික පක්ෂ නියෝජ්‍ය නායක රුවන් විජයවර්ධන මහතා පැවසීය. අනේකවිධ චෝදනා වලට මුහුණ දෙමින් ජනාධිපති රනිල් වික්‍රමසිංහ මහතා රට බංකොලොත් භාවයෙන් මුදා ගෙන තිබෙන බවද විජයවර්ධන මහතා කීය. “රනිල් වික්‍රමසිංහ මහතා අග්‍රාමාත්‍ය ධුරයට පත්වන පත්වන විට පැවතියේ ගෑස් ටික ගේන්න ඩොලර් මිලියනයක් වත් නැති රටක්.අනතුරුව රනිල් වික්‍රමසිංහ මහතා මෙරට ව්‍යාපාරිකයන් සහ බැංකු සමග සාකච්ඡා කොට මුදල් හොයාගෙන ගෑස් ගෙන්වා ගන්නට හැකියාව ලැබුණා. එතැන් සිට තමයි ටිකෙන් ටික මුදල් අතින් ශක්තිමත් කරගෙන රටෙි මූලික අවශ්‍යතා…

රජය විසින් අස්වැසුම වැඩසටහන සඳහා ප්‍රතිලාභීන් තෝරා ගැනීම සහ සහන දීම සම්බන්ධයෙන් විශාල ගැටලුවක් පවතින බව විපක්ෂ නායක සජිත් ප්‍රේමදාස මහතා කොළඹදී පැවසීය. මෙම වැඩසටහන සඳහා රජයේ තෝරා ගැනීමේ ක්‍රමවේදය මඟින් ලක්ෂ 70ක් වූ දුප්පතුන්ගෙන් කොටසටකට මෙම සහන නොලැබී යාමේ තත්ත්වයක් උදාවන බවත් විපක්ෂනායකවරයා ප්‍රකාශ කළේය. අස්වැසුම වැඩසටහන යනු ඇස් වසා ප්‍රතිලාභ ඉවත් කිරීමේ වැඩසටහනක් බවට පෙනී යන බවත් පාර්ලිමේන්තු සංකීර්ණයේදී විපක්ෂයේ විධායක සභාව රැස්වූ අවස්ථාවේදී ඔහු පැවසීය.

ශ්‍රී ලංකා පොදුජන පෙරමුණ තුළ ජනාධිපතිවරණයට ඉදිරිපත්වීමට අපේක්‍ෂකයන් සිටින බවත් මැතිවරණයට නාමයෝජනා ඉදිරිපත් කිරීමට ආසන්න කාලයේදී එම පක්‍ෂයේ අපේක්‍ෂකයා නම් කරන බවත් ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී නීතිඥා සාගර කාරියවසම් මහතා ඊයේ (26) පැවසීය. ඊළඟ ජනාධිපතිවරණය 2024 වසරේ සැප්තැම්බර් මාසයෙන් පසුව පැවැත්වීමට නියමිත තිබීම නිසා එයට වසරකට වැඩි කාලයක් පැවතීම හේතුවෙන් අපේක්‍ෂකයකු නම් කිරීමට ඉක්මන් නොවන බව කී කාරියවසම් මහතා එම අවස්ථාවේදී රටට වඩාත් අවශ්‍ය අපේක්‍ෂකයා කවුද කියන තීරණය ගන්නා බව ද සඳහන් කළේය. ඒ අවස්ථාවේදී ආර්ථික නඟා සිටුවීමයි වඩා වැඳගත් වුවහොත් ඒ සම්බන්ධයෙන් ඉතා දක්‍ෂ අපේක්‍ෂකයෙක් ශ්‍රී ලංකා පොදුජන පෙරමුණ සතුව සිටින බවත් එසේ නැත්නම් ඒ අවස්ථවේදී ආරක්‍ෂාව…

ගුරුවරුන්ට පාසලේ තමන්ගෙන් ඉගෙන ගන්නා සිසුන්ගෙන් මුදල් අයකර අමතර පන්ති පැවැත්වීම තහනම් කරමින් මධ්‍යම පළාතේ අධ්‍යාපන ලේකම්වරයා චක්‍රලේඛයක් නිකුත් කර ඇත. මුදල් අය නොකර යහපත් චේතනාවෙන් යුතුව තමන්ගෙන් පාසලේ දී ඉගෙන ගන්නා සිසුන්ට අමතර පන්තිවල ඉගැන්වීමට බාධාවක් නොවන බව ද එම චක්‍රලේඛයේ සඳහන්වේ. මධ්‍යම පළාත් ආණ්ඩුකාර ලලිත් යූ. ගමගේ මහතාගේ උපදෙස් මත මෙම චක්‍රලේඛය නිකුත් කර තිබේ. වඩාත් සාධාරණ පාසල් අධ්‍යාපනයක් මධ්‍යම පළාත තුළ ස්ථාපිත කිරීමේ අරමුණින් මෙම පියවර ගන්නා බව ද එහි සඳහන් කර ඇත. මේ අතර චක්‍රලේඛය උල්ලංඝනය කරමින් කටයුතු කරන ගුරවරුන්ට එරෙහිව විනය පියවර ගන්නා බව ද ඒ සම්බන්ධයෙන් ලැබෙන පැමිණිලි සලකා බලා ස්ථාන වැටලීම් කරන බව…

දේශීය ණය ප්‍රතිව්‍යුහගත කිරීමේ පාර්ලිමේන්තු විවාදය සඳහා අවශ්‍ය නම් දින දෙකක් වුව ද ලබාදීමට හැකියාව ඇති බව ජනාධිපති රනිල් වික්‍රමසිංහ මහතා අමාත්‍ය මණ්ඩලයට දැනුම් දුන්නේය. දේශීය ණය ප්‍රතිව්‍යුහගතකරණය ට අදාළ යෝජනාව විවාදයට ගැනීම සඳහා පාර්ලිමේන්තුව ලබන 1 වැනි දා රැස්වීමට නියමිතව ඇති අතර ජනාධිපතිවරයා අමාත්‍ය මණ්ඩලයට දැනුම්දී ඇත්තේ අවශ්‍ය නම් දෙදිනක් වුවද විවාදය පැවැත්වීමට අවස්ථාව දිය හැකි බවයි. විවාදයෙන් අනතුරුව අදාළ යෝජනාව පිළිබඳ ඡන්ද විමසීමක් ද පැවැත්වෙයි.මෙම හදිසි පාර්ලිමේන්තු රැස්වීම හේතුවෙන් මෙම සතියේ කොළඹ රැඳී සිටින ලෙස ආණ්ඩු පක්ෂ ප්‍රධාන සංවිධායක කාර්යාලය ආණ්ඩු පක්ෂයේ මන්ත්‍රීවරුන්ට දැනුම් දී තිබේ.