Author: LANKA24X7

අද (01) දිනයේ සිට ක්‍රියාත්මකවන පරිදි දුම්වැටියේ මිල ඉහළ දමා තිබේ. සුරාබදු ඉහළ දැමීමත් සමඟ දුම්වැටියක මිල මෙලෙස ඉහළ දැමීමට කටයුතු කළ බව ලංකා දුම්කොළ සමාගම පවසයි. ඒ අනුව, කාණ්ඩ 4ක් යටතේ දුම්වැටියක මිල රු. 5/-, රු. 15/-, රු. 20/-, සහ රු. 25/ ක් ලෙස ඉහළ දමා තිබේ.

මෙරට 19 වන ගුවන් හමුදාපතිවරයා ලෙස එයාර් මාර්ෂල් උදේනි රාජපක්ෂ මහතා අද වැඩ භාරගෙන තිබේ. ශ්‍රී ලංකා ගුවන් හමුදා වත්මන් මාණ්ඩලික ප්‍රධානී එයාර් වයිස් මාර්ෂල් උදේනි රාජපක්ෂ මහතා, ජනාධිපතිවරයා විසින් එයාර් මාර්ෂල් නිලයට අද උසස් කිරීමෙන් අනතුරුව ගුවන් හමුදාපතිවරයා ලෙස මෙලෙස වැඩ භාරගෙන ඇත. එයාර් වයිස් මාර්ෂල් උදේනි රාජපක්ෂ මහතා ගම්පහ බණ්ඩාරවත්ත පරාක්‍රම විද්‍යාලයෙන් ප්‍රාථමික අධ්‍යාපනය අරඔා පසුව ගම්පහ බණ්ඩාරනායක විද්‍යාලයෙන් මූලික අධ්‍යාපනය අවසන් කර ද්විතීයික අධ්‍යාපනය කොළඔ ආනන්ද විද්‍යාලයෙන් සම්පූර්ණ කර තිබේ. 1988 වසරේ දී ජෙනරාල් ශ්‍රීමත් ජෝන් කොතලාවල ආරක්ෂක විශ්ව විද්‍යාලයේ අංක 06 බඳවාගැනී‍මේ කණ්ඩායමට ඇතුළත් වූ ඒ මහතා 1990 වසරේ ඔක්තෝබර් 5 වැනිදා උපාධිය ලබා ගනිමින් ශ්‍රි…

තෙල්දෙණිය කෙන්ගල්ල ප්‍රදේශයේ වාහන අංගනයකින් කොල්ලකන ලද ජීප් රථ 03ක් සමඟ සැකකරුවන් තිදෙනෙකු අත්අඩංගුවට ගැනීමට පොලීසිය සමත්ව තිබේ. ඊයේ (29) අලුයම කැබ් රථයකින් පැමිණි පිරිසක් විසින් මෙම කොල්ලය සිදුකර ඇත. එහිදී අදාළ වාහන අංගනයේ සිටි සේවකයින් දෙදෙනෙකු බියවද්දා බැඳ දමා සැකකරුවන් වාහන 04ක් කොල්ලකා පළාගොස් ඇත. පොලීසිය පවසන්නේ ඩිෆෙන්ඩර් වර්ගයේ ජිප් රථ 03ක් සහ වෑන් රථයක් මෙලෙස කොල්ලකා රැගෙනගොස් ඇති බවය. සිද්ධිය සම්බන්ධයෙන් තෙල්දෙණිය පොලීසියට ලද තොරතුරකට අනුව කඩිනමින් පොලීසිය විසින් විමර්ශනයක් ආරම්භ කර තිබේ. එහිදී වත්තේගම ප්‍රදේශයේ නිවසක් පිටුපස ගරාජයක තිබී කොල්ලකන ජීප් රථ 03න් 02ක් සොයාගෙන ඇත. පොලීසිය පවසන්නේ එම අවස්ථාවේදී සැකකරුවන් තිදෙනෙකු සමග කොල්ලය සඳහා පැමිණි කැබ්…

පොලිස් නිලධාරින් ලෙස පෙනී සිටිමින් 23 හැවිරිදි තරුණයකු ත්‍රිරෝද රථයක නංවා බලහත්කාරයෙන් පැහැරගෙන යමින් සිටි බව කියන යුද හමුදා සෙබළෙකු සහ තවත් පුද්ගලයෙකු සැකපිට අත්අඩංගුවට ගත් බව පිටකොටුව පොලීසිය පවසනවා. පැහැරගෙන යමින් සිටියදී මෙසේ මුදා ගෙන ඇත්තේ කොස්ගොඩ ප්‍රදේශයේ පදිංචි තරුණයෙක්. මෙම තරුණයා පිටකොටුව බැස්ටියන් මාවත ඔස්සේ පාගමනින් ගමන් කරමින් සිටියදී දුම්රිය ගබඩා සංකීර්ණය ආසන්නයේ දී ත්‍රීරෝද රථයකින් පැමිණි පුද්ගලයන් දෙදෙනෙකු තමන් පොලිස් නිලධාරීන් බව පවසා එම තරුණයාව නතර කරගෙන එම තරුණයා මත්ද්‍රව්‍ය ජාවාරම්කරුවකු බවත් ඔහු ළඟ මත්ද්‍රව්‍ය ඇත්දැයි පරික්ෂා කර බැලීමට පොලිසියට රැගෙන යෑමට අවශ්‍ය බවත් පවසා බලහත්කාරයෙන් ත්‍රිරෝද රථයට දමාගෙන පැහැර ගෙන යමින් සිට ඇතැයි පොලිසිය පවසනවා. එම…

තරුණියකගේ සංස්කරණය කළ ඡායාරූපයක් සමාජ මාධ්‍ය වෙත මුදාහැරීමේ සිද්ධියක් සම්බන්ධයෙන්, යාපනය අච්චුවේලි ප්‍රදේශයේ ඇතිවූ කළහකාරී තත්ත්වයට කාන්තාවන් 25ක් ඇතුළු 31 දෙනෙකු අත්අඩංගුවට ගැනීමට පොලිසිය සමත් වී තිබෙනවා. දකුණු නිර්වේලි ප්‍රදේශයේ පිහිටි නිවසකට 500 දෙනකුගෙන් පමණ සමන්විත පිරිසක් විසින් වටලා පහර දෙන බවට පොලිස් 119 හදිසි ඇමතුම් අංශයට ලැබුණු තොරතුරක් මත රාත්‍රී ජංගම සංචාරයේ නිරතව සිටි අච්චුවේලි පොලිසියේ නිලධාරීන් කණ්ඩායමක් එහි ගොස් තත්ත්වය පාලනය කිරීමට උත්සාහ කර ඇතත් තත්වය පාලනය කර ගැනීමට නොහැකි වූ නිසා තවත් විශේෂ පොලිස් කණ්ඩායමක් එහි ගෙන්වාගෙන තිබුණු බව සඳහන්. තරුණියගේ නිරුවත් ඡායාරූප සමාජ මාධ්‍ය වෙත මුදා හළ බව කියමින් ප්‍රදේශවාසීන් පිරිසක් විසින් පහර දුන් තරුණයාද මුදාගෙන…

ජල නළ එලීම සිදුකළ පුද්ගලයින් කිහිප දෙනෙකුට මිනිස් අස්ථි කොටස් කිහිපයක් හමුවී තිබෙනවා. නළ එලීම සඳහා කාණුවක් කැපීමේදී මෙම අස්ථි කොටස් හමුවී තිබෙන්නේ මුලතිව්, කොක්කුතුඩුවායි ප්‍රදේශයේ පුද්ගලයින් කිහිප දෙනෙකුටයි. එම කොටස් හමුවූ ස්ථානයේ යුද හමුදා නිළධාරීන් භාවිතා කරන කැලෑ නිල ඇදුමකට සමාන නිල ඇදුම්ක කොටස් කිහිපයක්ද හමුවී ඇති බව සඳහන්. අදාළ පිරිස් කෝකිලායි පොලීසිය දැනුවත් කිරීමෙන් අනතුරුව පොලිස් නිලධාරීන් විසින් එම ස්ථානය පරීක්ෂා කොට තිබෙනවා. මුලතිව් අධිකරණ නිලධාරීන්, පොලිස් විශේෂ කාර්‍ය බලකා නිලධාරීන්, පුරාවිද්‍යා නිලධාරීන් සහ කෝකිලායි පොලිස් නිලධාරීන් අදාළ ස්ථානයේ කැනීම් කිරීමට නියමිත බවයි වැඩිදුරටත් වාර්තා වෙන්නේ.

ප්‍රංශයේ විරෝධතා තුන්වන දිනටත් ක්‍රියාත්මක වන බව විදෙස් මාධ්‍ය වාර්තා කර තිබේ. 17 හැවිරිදි තරුණයෙකු පොලිස් වෙඩි පහරින් මියයාමත් සමග මෙම තත්වය හටගත්තේය. ප්‍රංශයේ නගර රැසක ක්‍රියාත්මක විරෝධතා හේතුවෙන් 200කට ආසන්න පිරිසක් තුවාල ලබා තිබේ. විදෙස් මාධ්‍ය වාර්තා කරන්නේ තත්ත්වය පාලනය කිරීම සදහා 40,000ක පමණ ආරක්ෂක අංශ සාමාජිකයින් පිරිසක් යොදවා ඇති අතර විරෝධතාකරුවන් විශාල පිරිසක් අත්අඩංගුවට ගෙන ඇති බවය. විරෝධතාකරුවන් විසින් දේපලවලට හානි කර ඇති අතර මෝටර් රථ 40ක් පමණ ගිනි තබා විනාශ කර ඇති බවට වාර්තා පළවෙයි. මේ අතර මෙවැනි නොසන්සුන්තාවක් පවතින වාතාවරණයක් තුළ ප්‍රංශ ජනාධිපතිවරයා ප්‍රකට ගායක එල්ටන් ජෝන්ගේ උත්සවයකට සහභාගී වීම සම්බන්ධයෙන් ජනතාවගේ අප්‍රසාදය පළ වී ඇති…

අද දිනයේ සබරගමුව පළාතේත් ගාල්ල සහ මාතර දිස්ත්‍රික්කවලත් විටින් විට වැසි ඇතිවන බව කාලගුණවිද්‍යා දෙපාර්තමේන්තුව පවසයි. බස්නාහිර සහ වයඹ පළාත්වලත් මහනුවර සහ නුවරඑළිය දිස්ත්‍රික්කවලත් වැසි වාර කිහිපයක් ඇතිවිය හැකි බවද එම දෙපාර්තමේන්තුව පවසයි. මේ අතර ඌව පළාතේත් අම්පාර සහ මඩකලපුව දිස්ත්‍රික්කවලත් සවස් කාලයේදී හෝ රාත්‍රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇතිවිය හැකිය. මේ අතර මධ්‍යම කඳුකරයේ බටහිර බෑවුම් ප්‍රදේශවලත්, උතුරු සහ උතුරුමැද පළාත්වලත් පුත්තලම සහ ත්‍රිකුණාමලය දිස්ත්‍රික්කවලත් විටින් විට හමන පැයට කිලෝමීටර් 40ත් 45ත් අතර තරමක තද සුළං ඇතිවිය හැකිය. මේ අතර ගිගුරුම් සහිත වැසි සමග ඇතිවිය හැකි තාවකාලික තද සුළං මගින් සහ අකුණු මගින් සිදුවිය හැකි…

හිටපු නීති සම්පාදක සහ සමාජ ක්‍රියාකාරිකයෙකු ලෙස ප්‍රසිද්ධ සුනිල් බාබු පාන්ට් නේපාලයේ ප්‍රථම විවෘත සමලිංගික පාර්ලිමේන්තු මන්ත්‍රීවරයා ලෙස පත්වී තිබෙනවා. ඔහු LGBTQ ප්‍රජාව සම්බන්ධයෙන් විශේෂ අධ්‍යාපනයක් ලබා ඇති අතර මේ පිළිබඳව මිනිසුන් දැනුවත් කිරීමද සිදුකළ පුද්ගලයෙක් වනවා. පසුගිය දිනක මොහු කත්මණ්ඩු නුවර මේ සම්බන්ධයෙන් දැනුවත් කරමින් පා ගමනක් ද සංවිධානය කර තිබෙනවා. මේ මන්ත්‍රීවරයා සංක්‍රාන්තික ලිංගිකයන් හරහා නේපාලයේ සංචාරක කර්මාන්තය දියුණු කිරීමට උත්සාහ ගන්නා බවයි වාර්තා වන්නේ. එමෙන්ම මේ ක්‍රමය හරහා සංචාරක කර්මාන්තය දියුණු කිරීමට නේපාල රජයේ සහයෝගය ලබාදෙනු ඇති බවට ඔහු විශ්වාස කරන බවද විදෙස් මාධ්‍ය වාර්තා කළා.

ශ්‍රී ලංකාව තුළ රත්තරන් මිල මේ දිනවල එකම පරාසයක පවතින බවත් මිල සුළු ඉහළ සහ පහළ යෑම් දිනෙන් දින දැකිය හැකි බව දේශීය රත්තරන් ව්‍යාපාරිකයෝ පවසනවා. කැරට් 22 ක රත්තරන් පවුමක මිල රුපියල් 146,000 ත් 148,000 ත් අතර ද, කැරට් 24 ක රත්තරන් පවුමක මිල රුපියල් 167,000 ත් 169,000 ත් අතර ද, අද දිනයේ පැවැති බව හෙට්ටිවීදිය රන් ව්‍යාපාරිකයෝ ප්‍රකාශකර සිටියා.