Author: LANKA24X7

අධ්‍යාපන ක්‍රමයේ වෙනසක් සිදු නොවුණහොත් රටට අනාගතයක් නොමැති බව ජනාධිපති රනිල් වික්‍රමසිංහ පවසනවා. ජනාධිපතිවරයා මේ බව කියා සිටියේ නුගේගොඩ අනුලා විද්‍යාලයේ වාර්ෂික ත්‍යාග ප්‍රදානෝත්සවයට ඊ (16) එක්වෙමින්. මේ අතර කෘත්‍රිම බුද්ධි තාක්ෂණය සදහා පාසල් පද්ධතිය ඇතුළු සමස්ත විශ්වවිද්‍යාල පද්ධතිය දැන් සිටම සූදානම් විය යුතු බවද ජනාධිපති රනිල් වික්‍රමසිංහ මෙහිදී ප්‍රකාශ කළා. එම අවස්ථාවට අධ්‍යාපන අමාත්‍ය සුසිල් ප්‍රේම්ජයන්ත් ඇතුළු මැති ඇමතිවරු පිරිසක් එක්ව සිටියා.

ශ්‍රී ලංකා සිමෙන්ති සංස්ථාවේ කන්කසන්තුරේ කර්මාන්ත ශාලාවේ සිටි හමුදාව ඉවත් කිරිමට උපදෙස් දුන් පිරිස ගැන විධිමත් විමර්ෂණයක් සිදුකර, සිදුව ඇති වංචාව ඔප්පු කළ යුතු බව සිමෙන්ති සංස්ථාවේ හිටපු සභාපති නීතිඥ ගාමිණී ඒකනායක පවසනවා. ඔහු පවසන්නේ කර්මාන්ත ශාලාවේ තිබූ රුපියල් බිලියන 2කට වැඩි වටිනාකමකින් යුතු යකඩ තොගයක් සොරකම් කර ඇත්තේ වත්මන් ප්‍රාථමික කර්මාන්ත රාජ්‍ය අමාත්‍ය චාමර සම්පත් දසනායක මහතාගේ අනුබල දීම මත බවයි. ශ්‍රී ලංකා සිමෙන්ති සංස්ථාවේ කන්කසන්තුරේ කර්මාන්ත ශාලාවේ තිබූ රුපියල් බිලියන 2කට වැඩි වටිනාකමකින් යුතු යකඩ තොගයක් කපා ඉවත් කරගැනීමේ ජාවාරමක් සිදුව තිබෙනවා. සිමෙන්ති සංස්ථාවේ හිටපු සභාපති නීතිඥ ගාමිණී ඒකනායක මහතා සදහන් කරන්නේ වත්මන් ප්‍රාථමික කර්මාන්ත රාජ්‍ය අමාත්‍ය චාමර…

ආබාධ සහිත තැනැත්තන්ගේ සුබසාධනය වෙනුවෙන් වෙන්කර තිබු මුදල් වැඩිකිරීම පිළිබඳව තොරතුරු වාර්තා වෙනවා. එම දීමනා මෙම වර්ෂයේ සිට වැඩිකිරීමට තීරණය කළ බවයි සමාජ සවිබලගැන්වීමේ රාජ්‍ය අමාත්‍යවරයා පවසන්නේ. ආබාධිතවූවන්ගේ අධ්‍යාපන ආධාරය රුපියල් 10,000 සිට 20,000 දක්වා වැඩි කෙරෙන අතර ආබාධිතවූවන්ගේ ස්වයං රැකියා ආධාරය රුපියල් 25,000 සිට 40,000 දක්වා ඉහළ දමන බවයි වාර්තා වෙන්නේ. ආබාධිතවූවන්ගේ උපකරණ සඳහා දුන් රුපියල් 15,000 ආධාරය රුපියල් 35,000 දක්වා ඉහළ යන අතර ආබාධිතවූවන්ගේ නිවාස ඉදිකිරීම් සඳහා දුන් 250,000 ආධාරය රුපියල් ලක්ෂ 05 දක්වා වැඩි කෙරෙන බවයි සඳහන් වෙන්නේ. ආබාධිතවූවන්ගේ නිවාස අලුත්වැඩියා කිරීමට දුන් රුපියල් 150,000 ආධාරය රුපියල් 250,000 දක්වා ඉහළ දමන අතර ආබාධිතවූවන්ට වැසිකිළි ඉදිකර ගැනීමට ලබාදෙන…

කාලගුණ විද්‍යා දෙපාර්තමේන්තුව නිවේදනය කරන්නේ අද (17) බස්නාහිර සහ සබරගමුව පළාත්වලත් ගාල්ල සහ මාතර දිස්ත්‍රික්කවලත් වැසි ස්වල්පයක් ඇති විය හැකි බවයි. දිවයිනේ සෙසු ප්‍රදේශවල ප්‍රධාන වශයෙන් වැසි රහිත කාලගුණ තත්ත්වයක් පවතින බවද සඳහන්. උතුරු, උතුරු-මැද සහ වයඹ පළාත්වලත් ත්‍රිකුණාමලය සහ හම්බන්තොට දිස්ත්‍රික්කවලත් විටින් විට හමන පැ.කි.මී. (40-45) ක පමණ තරමක තද සුළං ඇතිවිය හැකි බවයි එම නිවේදනයේ සඳහන් වන්නේ.

සෙවණගල ප්‍රදේශයේ කුඩා නිවසක දී පාසල් සිසුවියක් මියගොස් තිබෙනවා. දැඩි අගහිඟකම් මධ්‍යයේ මොවුන් ජීවත් වී ඇති අතර පවුලේ දැඩි ආර්ථීක දුෂ්කරතා හේතුවෙන් කලකිරීමෙන් ජීවත්ව ඇති බවයි මූලික විමර්ශනවලින් අනාවරණය වී ඇත්තේ. මෙසේ මියගොස් ඇත්තේ වයස අවුරුදු 16ක් වන සූරියආර ප්‍රදේශයේ පාසල් සිසුවියක්. දැරිය සෙවනගල රෝහලට ඇතුළත් කර ඇති අතර, ඒ වනවිටත් ඇය මියගොස් සිටි බව‍යි වාර්තා වී ඇත්තේ. අප වාර්තාකරු සඳහන් කර සිටියේ මෙම දැරියගේ පියා මීට පෙර මියගොස් ඇති අතර මවට ද ස්ථීර ආදායමක් නොමැති බවයි. කෙසේ වෙතත් මීට පෙර ද මෙම දැරියගේ සහෝදරයකු ද මේ ආකාරයෙන්ම මියගොස් ඇති බවයි වාර්තා වන්නේ.

වෛද්‍යවරුන් පෞද්ගලික අවශ්‍යතා මත විදෙස්ගත වීමේදී සීමා කිහිපයකට යටත්ව පමණක් ඊට අවසර ලබාදීමට සෞඛ්‍ය අමාත්‍යාංශය තීරණය කර තිබෙනවා. ඒ, ගතවූ වසර දෙක ඇතුළත වෛද්‍යවරුන් 2000කට වැඩි පිරිසක් රට හැර ගොස් ඇති බවට වාර්තා පළ වන පසුබිමකයි. සමස්ත ලංකා වෛද්‍ය නිලධාරීන්ගේ සංගමය ද පෙන්වා දෙන්නේ, තවත් වෛද්‍යවරුන් 5000ත් 6000ත් අතර පිරිසක් රට හැරදා යෑමේ සුදානමක් ඇති අතර හෙද නිලධාරීන් රැසක්ද රට හැර යාමේ සූදානමක් පවතින බවයි. වෛද්‍යවරු සහ විශේෂඥ වෛද්‍යවරුන් රට හැරයාම මේ වන විට සෞඛ්‍ය ක්ෂේත්‍රය තුළ බරපතල ගැටලුවක් බවට පත්ව තිබෙනවා. ඒ අනුව නීත්‍යානුකූල නොවන අයුරින් රට හැරයන වෛද්‍යවරුන්ට එරෙහිව නීතිමය පියවර ගන්නා බව සෞඛ්‍ය අමාත්‍යාංශයේ තෘතීයික සත්කාරක සේවා…

රාජ්‍ය ඇමතිනී ඩයනා ගමගේ මහත්මියට එරෙහිව ගොනුකර ඇති පෙත්සම පංච පුද්ගල අභියාචනාධිකරණ විනිසුරු මඩුල්ලක් ඉදිරියේ ගන්නා ලෙස ඉල්ලමින් මෝසමක් ගොනුකර තිබේ. රාජ්‍ය ඇමතිනී ඩයනා ගමගේ මහත්මියගේ පාර්ලිමේන්තු මන්ත්‍රී ධුරය අහෝසි කිරීමේ නියෝගයක් නිකුත් කරන මෙන් ඉල්ලා අදාළ පෙත්සම ගොනුකර ඇත. එම පෙත්සම ඉදිරිපත් කළ සමාජ ක්‍රියාකාරිකයෙකු වන ඔෂල හේරත් මහතා විසින් සිය නීතිඥවරුන් මාර්ගයෙන් මෙම මෝසම අභියාචනාධිකරණය හමුවේ ගොනුකර තිබේ. පෙත්සම්කරු කියා සිටින්නේ මෙම පෙත්සමට අදාළව ඉකුත්දා බෙදුනු නඩු තීන්දුවක් ප්‍රකාශයට පත්වීම හේතුවෙන් අදාළ පෙත්සම යළිත් ත්‍රිපුද්ගල අභියාචනාධිකරණ විනිසුරු මඩුල්ලක් ඉදිරියේ යළිත් විභාග කිරීමට අධිකරණය ඉකුත්දා තීන්දු කළ බවය. ඒ අනුව අදාළ පෙත්සම ලබන සැප්තැම්බර් 14 වනදා විභාගයට ගැනීමට නියමිතව…

වෛද්‍යවරුන් සඳහා විදෙස් නිවාඩු අනුමත නොකර සිටීම සම්බන්ධයෙන් මෙතෙක් තීරණයක් ගෙන නොමැති බව සෞඛ්‍ය අමාත්‍ය කෙහෙළිය රඹුක්වැල්ල මහතා පවසයි. වෛද්‍යවරුන්ගේ විදෙස් නිවාඩු අනුමත නොකිරීමට සෞඛ්‍ය අමාත්‍යංශය තීරණයක් ගෙන ඇති බවට පළ වන වාර්තා සම්බන්ධයෙන් “අද දෙරණ” කළ විමසීමක දී අමාත්‍යවරයා මේ බව කියාසිටියේය. කෙසේ වෙතත් අමාත්‍යවරයා සඳහන් කළේ, පවතින ගැටලුකාරී තත්ත්වය හමුවේ මෙරට තුළ රඳවා ගැනීම සම්බන්ධයෙන් සෞඛ්‍ය ක්ෂේත්‍රයේ සියලු වෘත්තීය සමිති සමග සාකච්ඡා කිරීමට බලාපොරොත්තු වන බවය. මේ අතර අද (16) පැවති මාධ්‍ය හමුවක දී සීමා පැනවීමට පෙර වෛද්‍යවරුන්ගේ ගැටලු සඳහා විසඳුම් ලබාදීමට රජය පියවර ගත යුතු බව රජයේ වෛද්‍ය නිලධාරීන්ගේ සංගමයේ ලේකම් වෛද්‍ය හරිත අලුත්ගේ මහතා පැවසුවේය. “වෛද්‍යවරු…

විකිරණ විද්‍යා තාක්ෂණවේදීන්ගේ හිඟය හේතුවෙන් දිවයින පුරා රෝහල් රැසක සීටී, එම්.ආර්.අයි, පෙට් ආදී පරීක්ෂණ නැවතීමේ අවදානමක් පවතින බව රජයේ විකිරණ විද්‍යා තාක්ෂණවේදීන්ගේ සංගමය පවසයි. එහි ප්‍රධාන ලේකම් ධර්මකීර්ති ඈපා මහතා සඳහන් කළේ, රත්තපුර, ගාල්ල, බදුල්ල, කොළඹ ජාතික රෝහල තුළ දැඩි අවදානම් තත්ත්වයක් මතුව ඇති බවය. “දිවයින පුරා රෝහල්වල විකිරණ තාක්ෂණවේදීන්ගේ දැඩි හිඟයකට මේ වනවිට මුහුණ පා තිබෙනවා. විශේෂයෙන්ම සීටී, එම්.ආර්.අයි, පෙට් ආදී පරීක්ෂණ කරන ස්ථානයන්හි නිලධාරීන් විශ්‍රාම යෑම හේතුවෙන් ඉදිරියේ දී මේ පරීක්ෂණ නතරවීමේ අවදානමක් තියෙනවා. එතකොට රත්නපුර, ගාල්ල, බදුල්ල, ශ්‍රී ලංකා ජාතික රෝහලේ යන ස්ථානවල සීටී, එම්.ආර්.අයි, පෙට් ආදී පරීක්ෂණ නතරවීමේ අවදානමක් තියෙනවා. මේ ආකාරයෙන්ම විශ්‍රාම යෑම හා නිලධාරීන්…

දිය පිපාසයෙන් එන සතුන්ට වස දමා ඝාතනය කර මස් පිණිස විකිණීමේ ජාවාරමක් සෙල්ලකතරගම ප්‍රදේශයෙන් වාර්තා වී තිබේ. සෙල්ලකතරගම ප්‍රදේශයට මායිම් ව ඇති යාල රක්ෂිත ප්‍රදේශයන් හී දඩයම්කරුවන් විසින් දිය කඩිති හා වැව් ආශ්‍රිතව වළවල් සාදා ඒවාට වස මිශ්‍ර කර මෙම ක්‍රියාව සිදුකර ඇති බව වනජීවී නිලධාරීන් අනාවරණය කරගෙන ඇත. පසුව එම සතුන් දඩයම් කර, සතුන්ගේ මස් කතරගම ප්‍රදේශයන්ට පැමිණෙන පිරිස් වෙත හා විවිධ ප්‍රදේශයන් තුළ අලෙවි කරමින් මෙම ජාවරාම සිදුකරගෙන ගොස් ඇති බව සඳහන්ය. විශේෂයෙන් කතරගම වන්දනාවේ පැමිණෙන වන්දනාකරුවන් ඉලක්ක කරගනිමින් ඔවුන්ට අවශ්‍ය මස් ලබා දීමට මෙම ක්‍රියාව සිදුකර තිබෙන බව වාර්තා වෙයි. ඒ අයුරින් වස දමා මියගිය සතුන්ගේ මස්…