Author: LANKA24X7

රුපියල් 35ක මිලක් යටතේ සතොස හරහා ආනයනික බිත්තර අලෙවි කිරීමට සැලසුම් කර ඇති බව වෙළෙඳ අමාත්‍ය නලීන් ප්‍රනාන්දු පවසනවා. අමාත්‍යවරයා පෙන්වා දෙන්නේ ඉදිරි සතිය තුළ අදාළ බිත්තර සතොස හරහා අලෙවි කිරීමට බලාපොරොත්තු වන බවයි. ආනයනික බිත්තර මෙතෙක් වෙළෙඳපොළේ අලෙවි කිරීමක් සිදුනොවූ අතර බිත්තර මිලෙහි ඉහළ යාම සැලකිල්ලට ගනිමින් ඒවා පාරිභෝගිකයින්ට ලබාදීමට තීරණය කර තිබෙනවා. ඒ අනුව සතොස සහ සුපිරි වෙළෙඳසැල් සඳහා ආනයනික බිත්තර නිකුත් කිරීමට මේ වන විට තීරණය කර ඇති බව වාර්තා වනවා. දෛනිකව බිත්තර ලක්ෂයක පමණ ප්‍රමාණයක් එලෙස වෙළෙඳපොළට නිකුත් කිරීමට බලාපොරොත්තු වන බව වෙළෙඳ අමාත්‍ය නලීන් ප්‍රනාන්දු සඳහන් කළා.

පොලීසිය විසින්, තායි කාන්තාවන් යොදා ගනිමින් කොළඹ – කොල්ලුපිටියේ පවත්වාගෙන ගිය ගණිකා නිවාසයක් වැටලීමට පියවර ගෙන තිබෙනවා. පොලිසිය සඳහන් කළේ, පුද්ගලයන් දෙදෙනෙක් සහ තායි කාන්තාවන් හතර දෙනෙකු මෙහිදී අත්අඩංගුවට ගත බවයි. සැකකරුවන් වයස අවුරුදු 37 සහ 45 යන වයස්වල පසුවන කොළඹ 02 සහ පයාගල යන ප්‍රදේශවල පසුවන්නන්. සැකකාරියන් 04 දෙනා වයස අවුරුදු 37ත් 40ත් අතර වයස්වල පසුවන්නන් බවයි පොලිසිය කියා සිටියේ. සම්භාහන මධ්‍යස්ථානයක් මුවාවෙන් මෙම ගණිකා නිවාසය පවත්වාගෙන ගොස් තිබෙනවා.

ඉන්දියාව හා ශ්‍රී ලංකාව අතර ධීවර ගැටලුව කඩිනමින් අවසන් කිරීමට අවධානය යොමුව ඇතැයි විදේශ අමාත්‍ය අලි සබ්‍රි මහතා පවසනවා. ඉන්දීය නාලිකාවක් සමග සම්මුඛ සාකච්ඡාවකට එක්වෙමින් අමාත්‍යවරයා පැවසුවේ ඉන්දීය අග්‍රාමාත්‍ය නරේන්ද්‍ර මෝදි මහතාට මෙරට සංචාරයක් සඳහා ආරාධනය කරන බවයි. ඉන්දීය අග්‍රාමාත්‍ය නරේන්ද්‍ර මෝදි ධීවර ගැටලුව සම්බන්ධයෙන් මානුෂීය දැක්මක් තමයි ඉල්ලා සිටියේ. ඒ සම්බන්ධයෙන් ඔබේ මතය ? එහිදී අපි මූලික වශයෙන් කරුණු 2ක් සංවාදයට ලක් කළා. එම කරුණු සියල්ලට අපි එකඟත්වය පළ කළා. ඒ වගේම අපි එකට එක්ව කතාබහ කළා සිදුනොවියයුතු දේ සම්බන්ධයෙන්. ඒ වගේම අපි දෙවනුව අපි අවධානයට යොමු කළේ දැවැන්ත ගැටලුවක්ව පවතින ගැඹුරු මුහුදේ දැල් එලා මසුන් මැරීම. එමගින් මුහුදු…

රජයේ ප්‍රමුඛ වැඩසටහනක් වන අස්වැසුම සහනාධාර වැඩපිළිවෙළ තාවකාලිකව අත්හිටුවා,අසාධාරණයට ලක්වූවන්ට සාධාරණය ඉටුකරන්නැයි ඉල්ලා මන්ත්‍රීවරුන්ගේ අත්සනින් යුත් ලිපියක් ජනාධිපති රනිල් වික්‍රමසිංහට බාර දීමට ආණ්ඩුවේම මන්ත්‍රීවරුන් පිරිසක් තීරණය කර තිබෙනවා. මෙම ලිපිය බාර දීම සඳහා මූලිකත්වය ගෙන ඇත්තේ,සමෘද්ධි සංවර්ධන හා කෘෂිකර්ම පර්යේෂණ නිෂ්පාදන සහකාර නිලධාරීන්ගේ සංගමයේ ප්‍රධාන ලේකම්වරයා මෙන්ම,ආණ්ඩුව නියෝජනය කරන ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී එස් ඒ ඩී ජගත් කුමාරයි. මෙම ලිපියට අත්සන් ගැනීමේ කටයුතු පාර්ලිමේන්තුවේ දී ගිය සතියේ ආරම්භ වූ අතර,පසුගිය (21)වන විට මන්ත්‍රීවරුන් පනස් දෙදෙනකු ඊට අස්සන් තබා ඇතැයි පාර්ලිමේන්තු මන්ත්‍රී ජගත් කුමාර සඳහන් කළා. ආණ්ඩුවේ මැති ඇමතිවරුන් මෙන්ම, විපක්ෂය නියෝජනය කරන මන්ත්‍රීවරුන් ද මේ සඳහා අත්සන් කර…

බස්නාහිර, සබරගමුව සහ වයඹ පළාත්වලත් මහනුවර, නුවරඑළිය, ගාල්ල සහ මාතර දිස්ත්‍රික්කවලත් අද (24) දිනයේ දී වැසි වාර කිහිපයක් ඇති විය හැකි බව කාලගුණ විද්‍යා දෙපාර්තමේන්තුව නිකුත් කළ නිවේදනයේ සඳහන්. එම නිවේදනයේ සඳහන් වන්නේ උතුරු පළාතේ ද වැසි ස්වල්පයක් ඇති විය හැකි බවයි. එමෙන්ම අම්පාර සහ මඩකළපුව දිස්ත්‍රික්කවල සවස් කාලයේ දී හෝ රාත්‍රී කාලයේ දී ස්ථාන ස්වල්පයක වැසි හෝ ගිගුරුම් සහිත වැසි ඇතිවිය හැකියි. දිවයිනේ සෙසු ප්‍රදේශවල ප්‍රධාන වශයෙන් වැසි රහිත කාලගුණ තත්ත්වයක් පවතින අතර, මධ්‍යම කඳුකරයේ බටහිර බෑවුම් ප්‍රදේශවලත්, උතුරු සහ උතුරු-මැද පළාත්වලත්, මොණරාගල, හම්බන්තොට සහ ත්‍රිකුණාමලය දිස්ත්‍රික්කවලත් විටින් විට හමන පැ.කි.මී. 40 ක පමණ තරමක තද සුළං ඇතිවිය හැකි…

ගම්පහ ප්‍රදේශයේ ළමා නිවාසයක රැදි සිටි බාල වයස්කාර ගැහැණු ළමයින් තිදෙනෙක් නිවාසයෙන් පළා ගොස් ඇති බවට වාර්තා වෙනවා. අදාල ගැහැනු ලමයි තිදෙනාගේ වයස අවුරුදු 16ක්. සිද්ධිය සමිබන්ධයෙන් අදාළ ළමා නිිවාසයේ පාලිකාව විසින් ගම්පහ මූලස්ථාන පොලිසිය වෙත පැමිණිල්ලක් ඉදිරිපත් කර තිබෙනවා. ගම්පහ මුලස්ථාන පොලිසිය පවසන්නේ, පලා ගිය ගැහැනු ළමයි සොයා පුළුල් පරීක්ෂණ අරඹා ඇති බවයි.

ලාදුරු රෝගයට හා සමේ රෝග සඳහා ලබා දෙන ‘ඩැප්සොන්’ ඖෂධය සෞඛ්‍ය අමාත්‍යංශය විසින් පස් ගුණයකින් වැඩි මිලට ගෙන ඇති බව සෞඛ්‍ය වෘත්තියවේදීන්ගේ සංගමයේ සභාපති රවී කුමුදේශ් පවසනවා. ඔහු වැඩිදුරටත් පවසන්නේ, සෞඛ්‍ය අමාත්‍යංශය 2023 වසරේ සිදුකළ ප්‍රසම්පාදනයක දී ‘ඩැප්සෝන්’ ඖෂධය මිලි ග්‍රෑම් 50ක් සහිත පෙති 100ක පැකට්ටුවක් ඩොලර් 58.33 මිලට ගෙන ඇති අතර, මිලි ග්‍රෑම් 25ක් සහිත පෙති 30ක පැකට්ටුවක මිල අමෙරිකානු ඩොලර් 490කට මිලට ගෙන ඇති බවයි. ‘ඩැප්සොන්’ ඖෂධය ලාදුරු රෝගයට හා සමේ ගැටලුවක් වන Dermatitis herpes forms පාලනයට උපකාරි වනවා.

කොළඹ 07 – රොස්මීඩ් පෙදෙසේ මහල් ගොඩනැගිල්ලක පස් වැනි තට්ටුවෙන් ව්‍යාපාරිකයෙකු ඊයේ (23) දහවල් ඇදවැටීමෙන් මරුමුවට පත්ව ඇතැයි කුරුඳුවත්ත පොලිසිය පවසනවා. මෙසේ මි‍යගොස් ඇත්තේ කිරුළපන, සුනේත්‍රා පාරේ පදිංචි වයස අවුරුදු 47ක් වූ අයෙක්. කිසියම් රෝගී තත්ත්වයක් සඳහා ඖෂධ ලබාගෙන ඇතැයි පැවසෙන මෙම පුද්ගලයා එම ගොඩනැගිල්ලෙන් බිමට පැන සියදිවි හානිකර ගත්තාදැයි සැක මතුව ඇති අතර ඒ සම්බන්ධයෙන් පරීක්ෂණ පවත්වාගෙන යන බව පොලිස් නිලධාරියෙක් පැවසුවේ අප කළ විමසීමක දී යි. ගොඩනැගිල්ලෙන් බිමට ඇද වැටී බරපතළ තුවාල ලබා සිටි මෙම ව්‍යාපාරිකයා කොළඹ ජාතික රෝහලට ඇතුළත් කිරීමෙන් පසු ජීවිතක්ෂයට පත් වී තිබෙනවා.

රජයේ සහ රජය අනුමත පාසල්වල දෙවන වාරයේ පළමු අදියර අද ආරම්භ කෙරෙනවා. එය අගෝස්තු 17 වන දා දක්වා ක්‍රියාත්මකයි. එමෙන්ම අගෝස්තු මස 18 වනදා සිට 27 වන දා දක්වා පාසල් නිවාඩු ලබා දෙන අතර දෙවන අදියර ලෙස අගෝස්තු 28 වන දා සිට ඔක්තෝම්බර් 27 වන දා දක්වා පාසල් පැවැත්වෙනු ඇති බවයි අධ්‍යාපන අමාත්‍යංශය පවසන්නේ. තුන්වන වාරයේ පළමු අදියර ඔක්තෝම්බර් 30 වන දා සිට නොවැම්බර් 24 දින දක්වා පාසල් පැවැත්වෙන අතර දෙවන අදියර ලබන වසරේ ජනවාරි පළමුවන දා සිට පෙබරවාරි 16 වන දා දක්වා ක්‍රියාත්මකයි. නොවැම්බර් 25 වන දා සිට දෙසැම්බර් 31 වන දා දක්වා උසස් පෙළ විභාගය සඳහා නිවාඩු ලබා…

උතුරු-දකුණු සහෝදරත්වය විසින්, 1983 ‘කළු ජූලිය’ හී මරාදැමූවන් සිහිකරමින් පහන් දැල්වීමේ වැඩසටහනක් අද(23) බොරැල්ල සුසාන භූමිය ඉදිරියේදී පැවැත්වීමට කටයුතු සූදානම් කර තිබූ‍ අතර, පසුව එය ආරම්භ වීමත් සමග දකු් ජනතාව විසින් එයට දැඩි විරෝධයක් එල්ල විය. අනතුරුව දෙපිරිස අතර උණූසුම් තත්වයක් හට ගෙන ඇති බවට වාර්තාවේ. පසුව තත්වය පාලනය කිරීමට පොලිසීය හා යුධ හමුදාව මැදිහත් වී දෙපිරිස විසුරුවා හැරීමට කටයුතු කර ඇති බවට වාර්තාවේ.