Author: LANKA24X7

උඩරට වතුකරය ආශ්‍රිත ප්‍රදේශවල මත්වතුර අළෙවිය සීඝ්‍ර ලෙස පහළ ගොස් ඇති බව වාර්තා වෙනවා. උඩරට මත්පැන්හල් හිමිකරුවෝ පවසන්නේ රජය විසින් අවසන් වරට මත්පැන් වර්ගවල මිල වැඩි කිරීමත් සමග පෙර පැවැති අළෙවියට සාපේක්ෂව මේ වනවිට අළෙවිය සියයට හැත්තෑවක පමණ ප්‍රමාණය දක්වා පහළ ගොස් ඇති බවයි. මිල වැඩි කිරීමට පෙර දිනකට ලක්ෂ හතක පමණ මට්ටමේ පැවැති තම මත්පැන්හලේ දෛනික අළෙවිය මේ වනවිට ලක්ෂ දෙකක පමණ මට්ටමට පහත බැස ඇති අතර විදුලි බිල හා සේවක වැටුප් ගෙවීමෙන් පසු ලාභයක් ඉතිරි නොවන තත්ත්වයට පත්ව ඇති බවයි වාර්තා වෙන්නේ. මත්පැන් වර්ගවල අළෙවිය අඩුවීමට ප්‍රධානතම හේතුව කෙටි කාලයක් තුළ අවස්ථා රැසකදී විශාල ලෙස මිල ගණන් ඉහළයාම…

අද (26) දිවයිනේ බස්නාහිර, සබරගමුව සහ වයඹ පළාත්වලත් මහනුවර, නුවරඑළිය, ගාල්ල සහ මාතර දිස්ත්‍රික්කවලත් විටින් විට වැසි ඇති වෙනවා. එමෙන්ම, දිවයින පුරා සෙසු ප්‍රදේශවල ප්‍රධාන වශයෙන් සාමාන්‍ය කාලගුණයක් පවතිනු ඇතැයි කාලගුණවිද්‍යා දෙපාර්තමේන්තුව විසින් නිකුත් කරන ලද නිවේදනයේ සඳනන්. මධ්‍යම කඳුකරයේ බටහිර බෑවුම් ප්‍රදේශවලත්, උතුරු සහ උතුරු-මැද පළාත්වලත්, මොනරාගල, හම්බන්තොට සහ ත්‍රිකුණාමලය දිස්ත්‍රික්කවලත් විටින් විට පැයට කිලෝමීටර් 40ක පමණ තරමක් තද සුළං බලාපොරොත්තු විය හැකියි.

හන්තාන අධි සංවේදී පරිසර කලාපයේ ඉඩම් කැබලි 20ක් කොටස් කිරිමට ගෙන තිබු තීරණය නතර කරන ලෙස මධ්‍යම පළාත් ආණ්ඩුකාර නීතිඥ ලලිත් යූ. ගමගේ විසින් නියෝග කර තිබෙනවා. ආණ්ඩුකාරවරයා මෙම නියෝගය නිකුත් කළේ මහනුවර දිස්ත්‍රික් ලේකම් කාර්යාලයේදී පැවති මධ්‍යම පළාත් සම්බන්ධීකරණ කමිටු රැස්වීමේදී, හන්තාන වත්ත පහල එක්සත් සුබ සාධක සංගමය විසින් ඉදිරිපත් කොට තිබූ ලිපියක් සලකා බැලීමෙන් අනතුරුවයි එම නියෝගය නිකුත් කර ඇත්තේ. ආණ්ඩුකාරවරයා වැඩිදුරටත් සදහන් කළේ, ඉඩම් කට්ටි කිරීම පිළිබඳව තවදුරටත් විමර්ශනය කළ යුතු බවයි. මහනුවර නගරය 1993දී උග්‍ර පානීය ජල හිඟයකට මුහුණ දීමට සිදු වූ බවත් ඊට ප්‍රධාන හේතුවක් වී ඇත්තේ කන්ද උඩරට පරිසර හානිය බවත් ඔහු පවසනවා. මෙම…

අද මධ්‍යම රාත්‍රියේ සිට බිත්තර සඳහා පනවා තිබූ උපරිම සිල්ලර මිල ඉවත් කිරීමට වෙළඳ අමාත්‍යාංශය තීරණය කර තිබෙනවා. ඊට අදාළ ගැසට් නිවේදනය අද රාත්‍රියේදී නිකුත් කෙරුනු ඇති. පසුගිය අප්‍රේල් මස 29 වනදා සුදු බිත්තරයක් සඳහා රුපියල් 44 ක් සහ රතු බිත්තරයක් සඳහා රුපියල් 46 ක් ලෙස උපරිම සිල්ලර මිලක් පනවා තිබුණා. මේ අතර අද සිට සතොස ආයතනය මගින් ආනයනික බිත්තර රුපියල් 35 ක මුදලකට මිලදී ගැනීමට හැකියාව පවතින බව වෙළඳ අමාත්‍ය නලීන් ප්‍රනාන්දු ප්‍රකාශ කළා. ඒ අනුව එහි මූලික අදියර ලෙස බස්නාහිර පළාත තුළ පවතින තම අලෙවිසැල් 144 ක් තුළින් මෙම මිලට බිත්තර ලබාගත හැකි බවයි ලංකා සතොස නිවේදනය කළේ.…

අම්පාර – දිඝවාපිය ප්‍රධාන මාර්ගයේ මානික්කම්මඩුව පාලම අසලදී පොලිස් අණ නොතකා පලාගිය යතුරු පැදියක් ලුහුබැඳ ගිය පොලිසිය එල්ල කළ වෙඩි ප්‍රහාරයකින් යතුරු පැදියේ පිටුපස ගමන් කළ අයකු තුවාල ලබා ඇතැයි පොලිසිය කියයි.. දීඝවාපිය සිට එරගම දෙසට ධාවනය වූ යතුරු පැදිකරුට නවතින ලෙස කොට්ඨාස රථවාහන අංශයේ නිලධාරින් මානික්කම්මඩුව පාලම අසලදී අණ කර ඇති නමුත් ඔවුන් නොනවත්වා පළා ගොස් ඇත. එවිට යතුරු පැදිය ලුහුබැඳ ගිය පොලීසිය අවස්ථා දෙකකදි ඔවුන්ට තවතින අණ කළත් තවදුරටත් පලායාමට උත්සාහ කළ විට තබන ලද වෙඩි පහරින් මෙසේ පසු අසුනේ ගමන් කල අයගේ දකුණු පාදයකට වෙඩි වැදී ඔහු අම්පාර මහ රෝහලට ඇතුලත් කර ඇත. යතුරු පැදිකරු අත් අඩංගුවට…

මීගමුව පොලිස් වසමේ ලියනගේමුල්ල, සීදුව ප්‍රදේශයේ වයස අවුරුදු 17ක ගැහැණු දරුවෙක් අතුරුදන්ව තිබේ. පොලිස් මාධ්‍ය කොට්ඨාසය එම දැරියගේ ඡායාරූපයක් නිකුත් කරමින් මේ බව සඳහන් කර ඇත. අතුරුදන්ව ඇති දැරියගේ පියා විසින් මීගමුව පොලීසියට කරන ලද පැමිණිල්ලක් මත විමර්ශන ආරම්භ කර තිබේ. එලෙස අතුරුදන්ව ඇත්තේ ගයාත්‍රි දෙව්ශානි සූරියසිංහ නමැති පාසල් සිසුවියකි. දැරිය පිළිබඳ තොරතුරක් මෙතෙක් අනාවරණය වී නොමැති අතර, ඇය සොයාගැනීමට පොලීසිය මහජන සහාය පතයි. අතුරුදන් දැරියගේ ඡායාරූපය ඉහතින් දක්වා ඇති අතර, ඇය පිළිබඳ යම් තොරතුරක් වෙතොත් පහත දුරකථන අංක වෙත දැනුම්දෙන ලෙස පොලීසිය දැනුම් දෙයි. මීගමුව මුලස්ථාන පොලිස් පරීක්ෂක – 0718 591 630 මීගමුව පොලීසිය – 0312 222 227

බම්බලපිටිය පොලිස් ක්ෂේත්‍ර බලකා මුලස්ථාන තුළ පෙරේදා (23) පස්වරුවේ ඇති වූ පිපිරීමේ සිද්ධිය පිළිබඳව පරීක්‍ෂණ ආරම්භ කර ඇති බව පොලිසිය පවසනවා. මෙහිදී ‘කඳුඵ ගෑස් බෝම්බයක්’ පුපුරා ඇති බවත් එම පිපිරීමෙන් පොලිස් නිලධාරීයෙක් තුවාල ලබා රෝහල්ගතකර ඇති බවයි පොලිස් ආරංචි මාර්ග සඳහන් කරන්නේ. කොළඹ නගර සභාව අසළ එදින පස්වරුවේ පැවැති විරෝධතාවක් පාලනය කිරීමට රැගෙන ගිය ‘කඳුඵ ගෑස් බෝම්බයක්’ නැවත රැගෙන ඒමේදී එසේ පුපුරා ගොස් ඇතැයි සැකකරන බවද, එම සිදුවීම සම්බන්ධයෙන් නාරාහේන්පිට පොලිසිය විමර්ශන ආරම්භ කර තිබෙනවා.

බණ්ඩාරගම, ගුංගමුව ප්‍රදේශයේ ඊයේ (24) සිදු කරන ලද වැටලීමකදී බලපත්‍රයක් නොමැතිව පුපුරණ ද්‍රව්‍ය ළඟ තබා ගෙන සිටි සැකකරුවකු පුපුරණ ද්‍රව්‍ය ද සමඟ අත්අඩංගුවට ගෙන තිබෙනවා. පොලිසිය විසින් අත්අඩංගුවට ගෙන ඇති පුපුරණ ද්‍රව්‍ය අතර වෝටර් ජෙල් කූරු 23, ඇමෝනියා කිලෝ 08 ග්‍රෑම් 218, ඩෙටනේටර් කැප් 45, කළු වෙඩි බෙහෙත් කුඩු ග්‍රෑම් 444, සේවා නූල් අඩි 215ක් තිබුණ බව පොලිසිය පවසනවා. අත්අඩංගුවට ගත් සැකකරු වයස අවුරුදු 52ක් වූ බණ්ඩාරගම ප්‍රදේශයේ පදිංචිකරුවෙක්. සැකකරු අද (25) පානදුර මහේස්ත්‍රාත් අධිකරණයට ඉදිරිපත් කිරීමට නියමිත අතර බණ්ඩාරගම පොලිසිය වැඩිදුර විමර්ශන සිදු කරනවා.

ජාතික සංහිඳියා වැඩසටහන පිළිබඳව පාර්ලිමේන්තුව නියෝජනය කරන පක්ෂ නායකයින් දැනුවත් කිරීම සඳහා ජනාධිපති රනිල් වික්‍රමසිංහගේ ප්‍රධානත්වයෙන් සර්ව පාක්ෂික සමුළුවක් ලබන 26 වැනිදා ජනාධිපති ලේකම් කාර්යාලයේදී පැවැත්වීමට නියමිතයි. පාර්ලිමේන්තුව නියෝජනය කරන සියලුම දේශපාලන පක්ෂ සහ ස්වාධීන කණ්ඩායම් නායකයින්ට මේ සඳහා ආරාධනා කර තිබෙනවා.

කංසා මිලිග්‍රෑම් අසූපන්දහස් දහයක් සන්තකයේ තබාගැනීම ඇතුළු චෝදනාවන් කිහිපයක් යටතේ තන්තිරිමලේ පොලිසියට අනුයුක්තව සේවය කළ ජේ.ඩී සදුන් නැමැති කොස්තාපල්වරයා අනුරාධපුර කොට්ඨාස දූෂණ මර්ධන අංශය මගින් අත්අඩංගුවට ගැනීම සම්බන්ධයෙන් පොලිස්පතිවරයා සමාව ඉල්ලා තිබෙනවා. පොලිස්පතිවරයා වෙනුවෙන් පොලිස් විශේෂ විමර්ශන කාර්යාංශයේ අධ්‍යක්ෂ ජ්‍යෙෂ්ඨ පොලිස් අධිකාරි ඩී.එස්.වික්‍රමසිංහ මෙලෙස සමාව ඉල්ලා සිටියේ අදාළ කොස්තාපල්වරයාට එරෙහිව පැවති නඩුව මැදවච්චිය මහේස්ත්‍රාත් ප්‍රියන්ත හාල්යාල ඉදිරියේ කැඳවූ අවස්ථාවේදීයි. පොලිස්පතිවරයා සහ පොලිස් දෙපාර්තමේන්තුව වෙනුවෙන් මෙහිදී විවෘත අධිකරණයේ විශේෂ ප්‍රකාශයක් කරමින් ජ්‍යෙෂ්ඨ පොලිස් අධිකාරිවරයා කියා සිටියේ විත්තිකාර පොලිස් කොස්තාපල්වරයා අනුරාධපුර කොට්ඨාස දූෂණ මර්ධන අංශය මගින් අත්අඩංගුවට ගෙන ඇත්තේ අනීතිකව, පළිගැනීමේ චේතනාවෙන් , සැලසුම් සහගතව බවට විමර්ශනවලදී හෙළිවූ බවයි. මේ නිසා තම…