Author: LANKA24X7

කොළඹ රිජ්වේ ආර්යා ළමා රෝහලේ රුධිර කාන්දුකරණ ඒකකයට නාවික සමාජීය මෙහෙවර ව්‍යෘපෘතිය මඟින් නිර්මාණය කළ වෛද්‍ය ශ්‍රේණියේ ප්‍රති ආශ්‍රැතිකරණ යන්ත්‍රයක් ඊ (6) පිරිනැමීය. නාවික හමුදාධිපති, වයිස් අද්මිරාල් ප්‍රියන්ත පෙරේරා මහතාගේ ප්‍රධානත්වයෙන් එම යන්ත්‍රය පිරිනැමීය. නාවික හමුදාධිපති වයිස් අද්මිරාල් ප්‍රියන්ත පෙරේරාගේ උපදෙස් හා මඟපෙන්වීම මත ක්‍රියාත්මක කළ නාවික සමාජීය මෙහෙවර ව්‍යෘපෘතිය සඳහා පූර්ණ මූල්‍ය දායකත්වය සෞඛ්‍ය අමාත්‍යංශය දුන් බවත් මෙම යන්ත්‍රය මඟින් එකවර රෝගීන් 15 ක් සඳහා ප්‍රතිකාර ලබාදිය හැකි අතර එය රෝගින් 25 ක් දක්වා පුළුල් කළ හැකි බවත් නාවික හමුදාව කීය. මෙම අවස්ථාව සඳහා නාවික සමාජීය මෙහෙවර ව්‍යෘපෘතියේ ජ්‍යෙෂ්ඨ සම්බන්ධීකාරක කමාණ්ඩර් බුද්ධික රන්දිමාල් ඇතුළු නාවික හමුදා නිලධාරීන් සහ රිජ්වේ…

අත්‍යවශ්‍ය නඩත්තු කටයුත්තක් හේතුවෙන් කොළඹ ප්‍රදේශ කිහිපයකට අද (7) පස්වරුවේ සිට ජල සැපයුම අත්හිටුවීමට සිදු වන බව ජාතික ජලසම්පාදන හා ජලසම්පාදන හා ජලාපවහන මණ්ඩලය පවසයි. ඒ අන අද (7) පස්වරු 5.00 සිට (8) පෙරවරු 8 දක්වා පැය 15ක කාලයක් මෙලෙස ජල සැපයුම අත්හිටුවන බව එම මණ්ඩලය දැනුම් දෙනු ලබයි. කොළඹ 11,12, 13, 14 සහ 15 යන ප්‍රදේශවලට මෙලෙස ජල සැපයුම අත්හිටුවීමට නියමිතය.

සමාජ මාධ්‍ය හරහා ජාතීන් අතර හා ආගම් අතර ගැටුම් ඇති වන ආකාරයෙන් නබිනායකතුමා සම්බන්ධයෙන් ප්‍රකාශයක් සිදු කළ කළැයි කියන සිද්ධියක් සම්බන්ධයෙන් පරිගණක අපරාධ කොට්ඨාසය විසින් ඊයේ (6) අත්අඩංගුවට ගනු ලැබු ජෝතිර්වේදි ඉන්දික තොටුවත්ත මෙම 20 දක්වා රිමාන්ඩ් බාරයට පත් කර ඇත. සැකකරු අද පස්වරුවේ මාලිගාකන්ද ප්‍රධාන මහේස්ත්‍රාත් ලෝචනා අබේවික්‍රම වීරසිංහ මහත්මිය හමුවට ඉදිරිපත් කිරීමෙන් අනතුරුව මෙලෙස රිමාන්ඩ් බාරයට නියම කළාය.

රුපියල් දොලොස් කෝටි විසි ලක්ෂයක් වටිනා “කුෂ් ” නැමැති ගංජා කිලෝ ග්‍රෑම් 18 බරැති තොගයක් කැනඩාවේ සිට ත්‍යාග ලෙස සදහන් කරමින් , ශ්‍රී ලංකාවේ කොළඹ පිහිටි ලිපිනයකට එවා තිබියදී පෑලියගොඩ මිඩ්කෝ ගුදම් බඩු ගබඩාවේ සේවය කරන රේගු නිලධාරීන් පිරිසක් විසින් ඊයේ (06) දින සවස අත්අඩංගුවට ගෙන ඇති බව රේගු මාධ්‍ය ප්‍රකාශක සීවලී අරුක්ගොඩ මහතා පැවසීය . මෙම “කුෂ් ” තොගය තුනී ලෑලි වලින් සකස් කළ පෙට්ටි තුනක ව්‍යාජ පතුල් සකසා ඒ තුළ සඟවා කැනඩාවේ සිට භාණ්ඩ ප්‍රවාහනය කරන බහාලුමක් තුළ බහා ශ්‍රී ලංකාවට එවා තිබුණි . ගංජා තොගය අත් අඩංගුවට ගත් රේගු නිලධාරීන් විසින් මේ පිළිබඳ වැඩිදුර විමර්ශන කටයුතු සදහා…

ගොඩ වැලි කැපීම සිදුකරන ව්‍යාපාරිකයකුගෙන් රුපියල් තුන් ලක්ෂ පනස් දහසක අල්ලස් මුදලක් ලබාගත් හම්බන්තොට ප්‍රාදේශිය කැණීම් ඉංජිනේරුවරයා සහ රියදුරා මේ මස 18 තෙක් රිමාන්ඩ් භාරයේ තැබීමට හම්බන්තොට මහේස්ත්‍රාත් හා දිසා විනිසුරු විනිසුරු ඕෂධ මිගාර මහාරච්චි මහතා ඊයේ නියෝග කළේය. හම්බන්තොට භූ විද්‍යා හා පතල් කාර්යාංශයේ ප්‍රාදේශිය ඉංජිනේරුවරයා සහ රියදුරු වැලි කැණීම් සිදු කරන ව්‍යාපාරිකයකුලෙන් රුපියල් ලක්ෂ තුන හමාරක මුදලක් අල්ලස් ලෙස ගනිද්දී අල්ලස් ‍හෝ දූෂණ චෝදනා විමර් ශන කොමිසන් සභාවේ නිළධාරීන් අම්බලන්තොට දී අත් අඩංගුවට ගෙන ප්‍රකාශ සටහන් කර ගැනීමෙන් පසුව හම්බන්තොට මහේස්ත්‍රාත් අධිකරණය හමුවට ඉදිරිපත් කෙරිණි. අම්බලන්තොට වලවවත්ත ප්‍ර දේශයෙ වැලි කැණීම් කටයුතු සිදුකරන සිය ව්‍යාපාරය බාධාවකින් තොරව පවත්වාගෙන…

ශ්‍රී ලංකා රාජ්‍ය ඉංජිනේරු සංස්ථාවේ සහ ජාතික යන්ත්‍රා්පකරණ ආයතනයේ සේවකයන් 1,417ක ස්වේච්ඡා විශ්‍රාම වන්දි යෝජනා ක්‍රමය සඳහා මහා භාණ්ඩාගාරය රුපියල් කෝටි 376 (මිලියන 3,764)ක මුදලක් ලැබුණු බව ශ්‍රී ලංකා රාජ්‍ය ඉංජිනේරු සංස්ථාවේ සභාපති නීතිඥා රත්නසිරි කළුපහන මහතා පැවසීය. වන්දි ලබා විශ්‍රාම යන සේවකයන් 1,417 ට වයස 55 ට වැඩි සේවකයන් 252 ක් සහ වයස 55 ට අඩු සේවකයන් 1,165 ක් ඇතුළත් බවත් භාණ්ඩාගාරයෙන් ලැබුණු මුදලින් එම ආයතන දෙකේ විශ්‍රාම ලැබූ, මියගිය සහ ඉල්ලා අස්වූ සේවකයන් 910 කට ව්‍යවස්ථාපිත ගෙවීම් කළ යුතු බවත් සභාපතිවරයා කීය. කොවිඩ් වසංගතය සහ රට ආර්ථික වශයෙන් කඩා වැටීම් ආදි හේතූන් නිසා එම සංස්ථාවේ සේවකයන් 1,800 කට…

එක්දින ලෝක කුසලාන ක්‍රිකට් තරගාවලියේ පළමු වටයේ දෙවැනි තරගය ලෙස හයිද්‍රාබාද්හිදී ඊයේ (6) පැවැති තරගයේදී පාකිස්තානු පිල ලකුණු 81 කින් නෙදර්ලන්තය පරාජය කිරීමට සමත් විය. ලකුණු 287 ක ඉලක්කය හඹාගිය නෙදර්ලන්ත පිල ඕවර 41 කදී ලකුණු 205 කට සීමා කිරීමට පාකිස්තානු පන්දු යවන්නෝ සමත් වූහ. මොහොමඩ් රිස්වාන් (68) සහ සවුද් ශාකීල් (68) අර්ධ ශතක රැස්කරමින් සිවුවැනි කඩුල්ලට ලකුණු 120 ක සම්බන්ධතාවක් පැවැත්වූහ. පාකිස්තානු පිල ඕවර 49 කදී සියලු දෙනා දැවී 286 (ඉමාන් උල් හක් 15, මොහොමඩ් රිස්වාන් 68, සවුද් ශාකීල් 68, මොහොමඩ් නවාස් 39, ශදාබ් ඛාන් 32, හැරිස් රවුෆ් 16, ශහීන් ෂා අෆ්රිඩි නොදැවී 13, බාස් ඩී ලීඩ් 62/4, කොලින්…

පුද්ගල දත්ත ආරක්ෂා කිරිමේ කටයුතු ඉදිරියට ගෙන යාම වෙනුවෙන් සභාපතිවරයකු ඇතුළු අධ්‍යක්ෂ මණ්ඩලයක් පත් කිරීමට ජනාධිපති රනිල් වික්‍රමසිංහ මහතා කටයුතු යොදා තිබේ. ජනාධිපතිවරයා මෙම පියවර ගෙන ඇත්තේ ජනාධිපති කාර්ය මණ්ඩල ප්‍රධානී සාගල රත්නායක සහ තාක්ෂණික කටයුතු පිළිබඳ රාජ්‍ය අමාත්‍ය කනක හේරත් මහත්වරුන්ගේ සහභාගීත්වයෙන් පැවැති සාකච්ඡාවකදීය. ඒ අනුව පුද්ගල දත්ත ආරක්ෂා කිරීමේ සභාපති ලෙස අර්ජුන හේරත් මහතා ද අධ්‍යක්ෂ මණ්ඩල සාමාජිකයන් ලෙස ජනනාත් ප්‍රනාන්දු, සුලක්ෂණ ජයවර්ධන, සෞම්‍ය අමරසේකර, ෂෙහාන් විජේතිලක, බිසර සෙනවිරත්න හා නිෂිත් අබේසූරිය පත් කර තිබේ. පුද්ගල දත්ත ආරක්ෂා කිරීමේ පනත 2022 වර්ෂයේ මුල භාගයේ සම්මත වුවද වසරකට වැඩි කාලයක් ගත වුවත් එය ක්‍රියාත්මක නොවීම නිසා මෙලෙස සභාපතිවරයකු හා…

රථවාහන රාජකාරියේ නිරතවී සිටියදී මෝටර් රථයකට යටවීමෙන් ජීවිතක්ෂයට පත් පොලිස් කොස්තාපල්වරයාව සැරයන් නිලයට උසස් කර තිබේ. කොළඹ කුරුඳුවත්ත නිදහස් වටරවුම අසලදී ඊයේ (05) සවස සිදුවූ එම අනතුරෙන් බරපතළ තුවාල ලද පොලිස් නිලධාරියා අද (06) අලුයම ජීවිතක්ෂයට පත්විය. අදාළ පොලිස් නිලධාරියා රථවාහන හැසිරවීමේ රාජකාරිවල නිරතවී සිටියදී එකවරම කඩාවැදුණු මෝටර් රථයක් එම නිලධාරියාව යට කරගෙන වටරවුමේ ජල පොකුණට ගොස් නතරවී තිබුණි. සිද්ධියෙන් මියගිය පොලිස් නිලධාරියා 25 හැවිරිදි වලස්මුල්ල ප්‍රදේශයේ පදිංචිකරුවෙකි. රිය අනතුර සම්බන්ධයෙන් රථය පැදවූ 27 හැවිරිදි නාරාහේන්පිට ප්‍රදේශයේ පදිංචි පුද්ගලික ආයතනයක තාක්ෂණික ඉංජිනේරුවෙකු ලෙස කටයුතු කරන අයෙකුව අත්අඩංගුවට ගෙන තිබේ.

අපරාධ පරීක්ෂණ දෙපාර්තමේන්තුවේ හිටපු පොලිස් පරීක්ෂක සුගත් මෙන්ඩිස් මහතාගේ මූලික මිනිස් අයිතිවාසිකම් උල්ලංඝනය කර ඇතැයි ශ්‍රේෂ්ඨාධිකරණය අද (06) තීන්දු කළේය. ඒ, මරණීය දණ්ඩනය නියමවී සිටින හිටපු නියෝජ්‍ය පොලිස්පති වාස් ගුණවර්ධන මහතාගේ නඩුවට අදාළව ව්‍යාජ සාක්ෂි හඳුන්වා දුන්නේ යැයි අත්අඩංගුවට ගෙන වැඩ තහනමට ලක්කිරීම තුළිනි. එම මූලික අයිතිවාසිකම් උල්ලංඝනය කිරීම වෙනුවෙන් රජය විසින් පෙත්සම්කරුට රුපියල් මිලියනයක වන්දියක් මාස තුනක් ඇතුළත ගෙවා අවසන් කළ යුතු බවත් තීන්දුවේ සඳහන් වෙයි. පෙත්සම්කරුට නීතියෙන් හිමි වියයුතු සියලු වැටුප් වර්ධක, දීමනා හා උසස්වීම් සියල්ල ලබාදීමට පියවර ගන්නා ලෙසත් විනිසුරුවරයා කළ නියෝගය සඳහන් ය. ප්‍රියන්ත ජයවර්ධන, මහින්ද සමයවර්ධන යන විනිසුරුවරුන්ගේ එකඟත්වය ඇතිව ශ්‍රේෂ්ඨාධිකරණ විනිසුරු එස්. තුරෛරාජා මහතා…