Author: LANKA24X7

රජය විසින් පාර්ලිමේන්තුවට ඉදිරිපත් කර තිබෙන මාර්ගගත ආරක්ෂණ පනත් කෙටුම්පතේ ඇතැම් වගන්ති ආණ්ඩුක්‍රම ව්‍යවස්ථාවට පටහැනි යැයි තීන්දුවක් ලබාදෙන ලෙස ඉල්ලා ශ්‍රේෂ්ඨාධිකරණයට තවත් පෙත්සම් තුනක් ඉදිරිපත් කර තිබේ. රජයේ හිටපු ප්‍රවෘත්ති අධ්‍යක්ෂ ජනරාල් ආචාර්ය රංග කලංසූරිය විසින් එක් පෙත්සමක් ඉදිරිපත් කළේය. යුනෙස්කෝ ආයතනයේ හිටපු අධ්‍යක්ෂ විජයානන්ද ජයවීර හා මාධ්‍ය නීති සංසදය විසින් අනිත් පෙත්සම් 2ක් ඉදිරිපත් කරනු ලැබීය. එම පෙත්සම්වල වගඋත්තරකරු ලෙස නීතිපතිවරයාව නම්කර තිබේ. පෙත්සම්කරුවන් කියා සිටින්නේ සමාජ මාධ්‍ය නියාමනය කිරීමට යැයි සඳහන් කරමින් රජය විසින් මාර්ගගත ආරක්ෂණ පනත් කෙටුම්පත පාර්ලිමේන්තුවට ඉදිරිපත්කර තිබෙන බවයි. මෙම පනත් කෙටුම්පතේ අන්තර්ගත විධිවිධාන වලින් මාධ්‍යවේදීන්ගේ නිදහස බරපතළ ආකාරයෙන් කප්පාදුවීමක් සිදුවන බවත් පෙත්සම්කරුවන් පෙන්වා දෙයි.…

ඊශ්‍රායලයට පලස්තීන හමාස් සංවිධානය එල්ලකළ දරුණු ප්‍රහාර හේතුවෙන් මැද-පෙරදිග උණුසුම් වී තිබේ. විශේෂයෙන්ම මෙම තත්ත්වය ලෝක තෙල් මිල වැඩිවීමට බලපෑ හැකි බව ජාත්‍යන්තර විචාරකයෝ පවසති. හමාස් සංවිධානය ට උදව් කරනු ලබන්නේ ඉරානය යි. විවිධ වෙළෙඳ බාධක පනවා තිබුණද ආසියානු වෙළෙඳපොළට ඉරාන බොර තෙල් සැපයුම නොකඩවා සිදුවෙයි. නමුත් ඊශ්‍රායලය – පලස්තීන ගැටුම් තවත් උත්සන්න වුවහොත් ඉරාන බොර තෙල් සැපයුමට ද බාධා එල්ලවීම නොවැලක්විය හැකි කරුණකි. මේ තත්ත්වය හමුවේ බ්‍රෙන්ට් බොර තෙල් බැරලයක මිල ඩොලර් 4කින් පමණ අද (09) ඉහළ ගොස් තිබුණි. එහි මිල දැක්වුණේ ඩොලර් 86ක් ලෙසයි.

අවදානම් තත්ත්වයේ පවතින මුහුදුබඩ මාර්ගයේ බම්බලපිටිය සහ වැල්ලවත්ත දුම්රිය ස්ථානයට පිවිසීම සඳහා ඉදිකර ඇති ගුවන් පාලම් පිළිබඳ අද (09) දිනයේ තාක්ෂණික ඇගයීමක් සිදුකරන බව ජාතික ගොඩනැගිලි පරීක්ෂණ සංවිධානය පවසයි. එම සංවිධානයේ ව්‍යුහාත්මක පරීක්ෂණ සහ ව්‍යාපෘති කළමණාකරන අංශයේ අධ්‍යක්ෂ ධම්මිකා කහහේන්ගොඩ මහත්මිය පැවසුවේ, සිය සංවිධානයේ කණ්ඩායමක් අද දින එම ප්‍රදේශවලට පිටත් කර හරින බවය. “දැනට අවදානම් තත්ත්වයේ පවතින ඔවර් හෙඩ් වැල්ලවත්ත හා බම්බලපිටිය පාලම් දෙක සම්බන්ධයෙන් කොළඹ නගර සභාව සහ ශ්‍රී ලංකා දුම්රිය දෙපාර්තමේන්තුව අපි දැනුම්වත් කරලා තියෙනවා. ඒ ආයතන දෙකටම අපගේ තාක්ෂණික දැනුම අවශ්‍ය නම් එය ලබා දිය හැකි බව දන්වා තිබෙනවා. නමුත් මේ දක්වා ඒ සඳහා අවශ්‍ය කටයුතු සිදුනොවුණ…

ඉදිරි මහ කන්නයට අවශ්‍ය යුරියා පොහොර අද (09) සිට බෙදාහැරීමට පියවර ගන්නා බව කෘෂිකර්ම අමාත්‍යංශය පවසයි. කෘෂිකර්ම අමාත්‍ය මහින්ද අමරවීර මහතා විසින් රජයට අයත් පොහොර සමාගම් වෙත මේ වන විට ඊට අදාළ උපදෙස් ලබාදී ඇති බව එම අමාත්‍යාංශය පැවසුවේය.‍ ඒ අනුව අද සිට යුරියා පොහොර මෙට්‍රික් ටොන් 21,000ක් බෙදාහැරීමට නියමිත අතර කිලෝ ග්‍රෑම් 50ක යුරියා පොහොර මිටියක් රුපියල් 9,000ක මුදලකට අලෙවි කිරීමට නියමිතය. එම පොහොර සියලු ගොවිජන සේවා මධ්‍යස්ථාන වෙතින් මිල දී ගැනීමට අවස්ථාව සලසා දී ඇති බව කෘෂිකර්ම අමාත්‍යංශය සඳහන් කළේය. ඊට අමතරව ගොවීන්ගේ අභිමතය පරිදි රසායනික පොහොර හෝ කාබනික පොහොර මිල දී ගැනීම සඳහා වී වගා කරන සෑම…

පවතින අයහපත් කාලගුණ තත්ත්වය හේතුවෙන් දිවයිනේ දිස්ත්‍රික්ක රැසක පවුල් 18,898කට අයත් පුද්ගලයින් 71,320 දෙනෙකුට බලපෑම් එල්ල වී ඇති බව ආපදා කළමනාකරන මධ්‍යස්ථානය පවසයි. එම මධ්‍යස්ථානය සඳහන් කළේ, රත්නපුර, කෑගල්ල, කොළඹ, කළුතර, ගම්පහ, මාතර, ගාල්ල, නුවරඑළිය, පුත්තලම, කුරුණෑගල, යාපනය සහ මඩකලපුව යන දිස්ත්‍රික්කවලට වාර්ෂාව හේතුවෙන් බලපෑම් එල්ල වී ඇති බවය. ආපදාවට ලක්වු පවුල් 555කට අයත් පුද්ගලයින් 1,910 දෙනෙකු මේ වන විට ආරක්ෂිත ස්ථාන 16ක රඳවා තිබේ. එමෙන්ම ආපදා තත්ත්වය හේතුවෙන් නිවාස 12කට පුර්ණ හානි සිදු වී ඇති අතර නිවාස 1,004ක් අර්ධ වශයෙන් හානියට පත්ව ඇති බව සඳහන්ය. මේ අතර ගාල්ල, මාතර සහ කළුතර යන දිස්ත්‍රික්ක සඳහා නායයෑමේ රතු නිවේදන නිකුත් කළ…

ජාත්‍යන්තර මූල්‍ය අරමුදලේ වාර්ෂික සමුළුව අද (09) මොරොක්කෝවේදී ආරම්භ වීමට නියමිතව තිබේ. රටවල් රැසක මුදල් අමාත්‍යවරුන්, මහ බැංකු අධිපතිවරුන් ඇතුළු නිලධාරීන් රැසක් ඊට එක්වීමට නියමිත බව සඳහන්. ඒ අනුව මෙවර සමුළුවට ශ්‍රී ලංකාව නියෝජනය කරමින් මුදල් රාජ්‍ය අමාත්‍ය ශෙහාන් සේමසිංහ, මහ බැංකු අධිපති ආචාර්ය නන්දලාල් වීරසිංහ, මුදල් අමාත්‍යංශ ලේකම් මහින්ද සිරිවර්ධන යන මහත්වරුන් ඇතුළු පිරිසක් සහභාගී වීමට නියමිතය. ශ්‍රී ලංකාව ජාත්‍යන්තරය හමුවේ ඇතිකරගත් විශ්වාසය තවදුරටත් තහවුරු කරගැනීමට මෙම සමුළුව අවස්ථාවක් කරගන්නා බව ඒ සම්බන්ධයෙන් අදහස් දක්වමින් ශෙහාන් සේමසිංහ රාජ්‍ය අමාත්‍යවරයා පැවසුවේය. එමඟින් ශ්‍රී ලංකාව තුළ දැනට සිදුවෙමින් පවතින ආර්ථික ස්ථායීකරණය 2024 වසරේ දී ආර්ථික වර්ධනයක් කරා ගමන් කරවීමට අවශ්‍ය පසුබිම…

ඊශ්‍රායලය සහ පලස්තීනය අතර පවතින යුද ගැටුම්වලින් මේ දක්වා දෙපාර්ශවයේම 1,000කට අධික පිරිසක් මියගොස් තිබේ. මේ වන විට දෙපාර්ශවය අතර පවතින ගැටුම් උග්‍ර අතට පත්වෙමින් පවතින බව විදෙස් වාර්තා සඳහන් කළේය. ගැටුම්වලින් මේ වන විට ඊශ්‍රායල ජාතිකයින් 600 කට අධික සංඛ්‍යාවක් මියාගොස් ඇති බවට තොරතුරු වාර්තා වන අතර පලස්තීනයේ මරණ 413ක් පමණ සිදුව ඇත. මේ අතර මෙම ප්‍රහාරවලින් ඊශ්‍රායලයේ රැඳී සිටි නේපාල සිසුන් 10 දෙනෙකු ද මියගොස් ඇති බව නේපාල රජය තහවුරු කර ඇති බව විදෙස් වාර්තා වැඩිදුරටත් සඳහන් කළේය.

පෙන්සිල්වේනියාවේ මල් ශාලාවක වසර 128ක් පුරා තැන්පත් කර තිබූ මළ සිරුරකට අවසන් ගෞරව දක්වා භූමදානය කිරීමට කටයුතු කර තිබුණි. ඒ ඔහුගේ අනන්‍යතානය හඳුනාගැනීමෙන් අනතුරවය. මමියක් ලෙස තැන්පත් කර තිබූ මෙම පුද්ගල සිරුර මෙතෙක් කල් හඳුන්වා ඇත්තේ ස්ටෝන්මන් විලී (Stoneman Willie) ලෙසය. ඒ එම සිරුරේ සම ඝනව පැවැතීම හේතුවෙනි. මෙම මමිය, ව්‍යාජ නමකින් පෙනී සිට, 1895 වසරේ සිරගෙදරක දී මියගිය පුද්ගලයෙකුගේ බවට අනාවරණය වී තිබේ. මොහුගේ සත්‍ය නාමය වී ඇත්තේ ජේම්ස් මර්ෆි ය. ශතවර්ෂයකට අධික කාලයකට පසු ජේම්ස් මර්ෆි ගේ මමිය පෙන්සිල්වේනියාවේ රීඩිං නගරයේ සුසාන භූමියක මිහිදන් කිරීමට කටයුතු කර ඇත. එම සොහොන් ගලෙහි ‘Stoneman Willie’ ලෙස විශාල අකුරෙන් කැටයම් කර…

විරාත් කෝලි සහ කේ එල් රාහුල්ගේ සුපිරි පිතිහරඹය හේතුවෙන් ඔස්ට්‍රේලියාව පරදවා විශිෂ්ට ජයක් වාර්තා කිරීමට ඉන්දියාව සමත් විය. මෙම තරගය චෙන්නායි හිදී පැවැත්වුණි. එහිදී කාසියේ වාසිය දිනූ ඔස්ට්‍රේලියාව පළමුව පන්දුවට පහරදීමට තීරණය කළේය. නමුත් ඔවුන්ට ලබාගැනීමට හැකිවූයේ ලකුණු 199ක් පමණි. නමුත් ඉන්දීය ඉනිමේ ආරම්භය සුබ වූයේ නැත. ඔවුන්ගේ පළමු කඩුලු 3ම ලකුණු 2කට දැවී ගියේය. ඉෂන් ක්‍රිෂන්, නායක රෝහිත් ශර්මා සහ ශ්‍රේයස් අයියර් ලකුණු ලබාගැනීමට අපොහොසත් වූහ. අනතුරුව පිටියේ එක්වූ කෝලි සහ රාහුල් ඉන්දියාව ජයග්‍රහණය කරා ගෙන ගියහ. ඔවුන් දෙදෙනා සිව් වැනි කඩුල්ල සඳහා ලකුණු 165ක් එක් කළහ. කෝලි ලකුණු 85යි. ඒ අනුව තරගය කඩුලු 6කින් ජය ගැනීමට ඉන්දියාව සමත්…

ගාසා තීරයේ ගැටුමෙන් ශ්‍රී ලාංකිකයෙකු ද තුවාල ලබා ඇති අතර තවත් ශ්‍රිලාංකිකයෙකු අතුරුදන් බව ඊශ්‍රායලයේ ශ්‍රී ලංකා තානාපති කාර්යාලය පවසයි. ඊශ්‍රායල් ශ්‍රී ලංකා තානාපති නිමල් බණ්ඩාර මහතා පැවසුවේ ඊශ්‍රායලය තුළ ශ්‍රී ලාංකිකයින් 8,000කට අධික පිරිසක් ජීවත් වන බවය. එයින් බොහෝ පිරිසක් අගනුවර වන ටෙල්අවීවි, ජෙරුසලම සහ හයිෆා යන නගර කේන්ද්‍ර කරගනිමින් ජීවත් වන බවද ඒ මහතා සඳහන් කළේය. වැඩිදුරටත් අදහස් දැක්වූ නිමල් බණ්ඩාර මහතා, “දකුණු කලාපයේ සිටි ශ්‍රී ලාංකිකයෙකු තුවාල ලබා තියෙන්නේ. ඔහු සංචාරක හෝටලයක සේවකයෙක්. ඔහුගේ බඩට සහ අතට වෙඩි වැදි තිබෙනවා. ඔහුව රෝහල් ගත කළා. ඔහුගේ තත්ත්වය වඩාත්ම බරපතළ නෑ. තවත් තොරතුරක් වාර්තා වුණා ශ්‍රී ලාංකික තරුණයෙකු පිළිබඳව.…