Subscribe to Updates
Get the latest creative news from FooBar about art, design and business.
Author: LANKA24X7
ඉන්දීය අග්‍රාමාත්‍ය නරේන්ද්‍ර මෝදි ගුජරාඨ ප්‍රාන්තයට ඔබ්බෙන් අරාබි මුහුදේ කිමිඳී, ක්‍රිෂ්ණා දෙවියන් වෙනුවෙන් විශේෂ පූජාවක් පැවැත්වීය. හින්දු විශ්වාසයට අනුව, ක්‍රිෂ්ණා දෙවියන්ගේ පූජණීය නගරය ලෙස සැලකෙන්නේ ද්වාරකා ය. මෙම පුරාණ පූජණීය නගරය මුහුදේ ගිලී ගිය බව හින්දු විශ්වාසයයි. ද්වාරකා පූජණීය නගරයේ යැයි විශ්වාස කෙරෙන නටබුවන් යැයි විශ්වාස කෙරෙන නටබුන්, ද්වාරකා වෙරළ තීරයට ඔබ්බෙන් පුරා විද්‍යාඥයන්ට හමු වී ඇත. ආරක්ෂක අංශ සාමාජිකයන් සහ කිමිඳුම්කරුවන් කණ්ඩායමක් ද පිරිවරා ගෙන, ඔවුන්ගේ සහාය ලබාගෙන, ඔක්සිජන් ටැංකි ආධාරයෙන්, ඉන්දීය අග්‍රාමාත්‍යවරයා එම නටබුන් ඇති මුහුදු පතුළට කිමිඳී ක්‍රිෂ්ණා දෙවියන් වෙනුවෙන් පූජාව පැවැත්වූ අතර, එම දසුන් මේ වනවිට ඉන්දීය මාධ්‍ය ඔස්සේ ද ප්‍රසිද්ධියට පත් වී ඇත.
මාර්තු මස ‘එට්කා ගිවිසුම’ අත්සන් කිරීමෙන් පසු ඕනෑම ඉන්දියානුවකුට රැකියාවකට සහ වෙළඳාමකට ශ්‍රී ලංකාවට නිදහසේ පැමිණිය හැකි බවත් කලක් ගත වූ පසු ශ්‍රී ලංකාව ඉන්දියානුවන්ගෙන් පිරීයාම සහ ශ්‍රී ලාංකිකයන් මෙරට සුළුතරය බවට පත්වීම නොවැළැක්විය හැකි බවත් ජාතික නිදහස් පෙරමුණේ නායක, පාර්ලිමේන්තු මන්ත්‍රී විමල් වීරවංශ මහතා පැවසීය. ශ්‍රී ලංකාවට එතැන් සිට ස්වෛරීත්වය අහිමි වන බවත් රට ආර්ථිකමය වශයෙන් ‘හතරගාතයෙන්’ වැටුණු මේ මොහොතේ රනිල් වික්‍රමසිංහ ජනාධිපතිවරයා රටේ ස්වෛරීත්වය බිල්ලට දීම කරමින් සිටින බවත් දිනේෂ් ගුණවර්ධනලා සහ රාජපක්ෂලා එම පාපතර මෙහෙයුමට ”පහන” අල්ලන බවත් වීරවංශ මහතා කීය. කඩුවෙල කොස්වත්තේදී ‘9න් පසුව, ශ්‍රී ලංකාවේ ඉරණම’ මැයෙන් පැවති ජන හමුවක් අමතමින් විමල් වීරවංශ මහතා එසේ…
වැලිගම පැළෑණ මුහුදු තීරයේ සර්ෆින් ක්‍රීඩාවේ යෙදී සිටි රුසියන් ජාතිකයකු (37) මුහුදේ ගිලී මියගොස් ඇතැයි වැලිගම පොලිසිය පවසයි. ඔහු සංචාරයක් සඳහා දිවයිනට පැමිණ වැලිගම ප්‍රදේශයේ හෝටලයක නවාතැන් ගෙන සිට ඇත. මිතුරකු සමග වැලිගම පැළෑණ මුහුදු තීරයට පැමිණ සර්ෆින් ක්‍රීඩාවේ යෙදී සිටියදී ඊයේ (25) මෙම අනතුර සිදුව තිබේ.
ශ්‍රී ලංකාව සහ මෙරට වරායන් ඇතුළු මහජන දේපල ලෝක බලවතුන් සහ එම රටවල්වල සමාගම් ඔවුන්ගේ යටත් විජිතයක් ලෙස සළකන්නේ යැයි පෙරටුගාමී සමාජවාදී පක්ෂයේ අධ්‍යාපන ලේකම් පුබුදු ජයගොඩ මහතා ඊයේ (25) පැවසීය. කලාපීය බලවතුන්, අධිරාජ්‍යවාදීන් පමණක් නොව විදෙස් සමාගම් පවා මෙරට දේපළ භාවිතා කරන ආකාරයෙන් ඔවුන් මෙරට යටත් විජිතයක් ලෙස කටයුතු කරමින් සිටින බවත් ඔවුන් විවිධ ව්‍යාපෘතිවලදී ගිවිසුම් කඩකරමින් කටයුතු කරන බවත් ජයගොඩ මහතා කීය. පුබුදු ජයගොඩ මහතා කොළඹදී පැවැති විශේෂ මාධ්‍ය හමුවකදී එසේ පැවසීය. කොළඹ වරාය නගරයේ ඉදිකිරීම් සඳහා කොන්ත්‍රාත්තු චීන සමාගමක් ලබාගත් බවත් කොළඹ වරායේ නැගෙනහිර බහාලුම් පර්යන්තය සහ ජයා බහාලුම් පර්යන්තය පුළුල් කිරීමේ කොන්ත්‍රාත්තු සඳහා එම සමාගමට වරාය…
මෙවර උසස් පෙළ විභාගයට පෙනී සිටි සිසුන්ට ඉංග්‍රීසි භාෂාව මාර්ගෝපදේශනය සහ කැමති වෘත්තිය විෂයක් නොමිලයේ හැදෑරීමට මාර්තු 5 වැනිදා සිට පියවර ගන්නා බව අධ්‍යාපන අමාත්‍ය ආචාර්ය සුසිල් ප්‍රේමජයන්ත මහතා පැවසීය. දිවයින පුරා මධ්‍යස්ථාන 300 ක් යොදා ගනිමින් මෙම පුහුණු වැඩසටහන ක්‍රියාවට නැංවෙන බවද මෙවර සාමාන්‍ය පෙළ විභාගය අවසන් වූ පසු ඊට පෙනී සිටි සිසුන්ටද මේ ආකාරයේම පුහුණු වැඩසටහන් සැලසුම් කර ඇති බවද අමාත්‍යවරයා වැඩිදුරටත් සඳහන් කළේය. ඉදිරියේදී පාසලට පැමිණෙන සියලු ගුරුවරුන් තොරතුරු තාක්ෂණ දැනුමෙන් හොඳින් සන්නද්ධව සිටිය යුතු බවද අවධාරණය කළ අමාත්‍යවරයා, දැනට සෑම කලාපයකටම එක බැගින් පිහිටුවා ඇති පරිගණක සම්පත් මධ්‍යස්ථාන ඇසුරින් ගුරුවරුන් පුහුණු කිරීමට විශාල වැඩ පිළිවෙලක් ක්‍රියාවට…
ජනාධිපතිවරණයට අද ඇඳුම් මහගෙන ඉන්න අය එදා පාර්ලිමේන්තුවේ හිටියත් කිසිම කෙනෙක් වගකීම බාරගත්තේ නැතැයි එක්සත් ජාතික පක්ෂයේ උප නායක අකිල විරාජ් කාරියවසම් මහතා පැවසීය. ජනපති බය නැතුව ඔහුගේ අත්දැකීම් සමඟ රට ඉදිරියට ගෙන ගොස් දැන් වැල් පාලමේ යම්තාක් දුරකට රට එගොඩ කරගෙන තිබෙන බව කී කාරියවසම් මහතා අවුරුදු එකහමාරක් ඇතුළත ජනාධිපතිවරයා මේ වික්‍රමය කර තිබෙන බව සඳහන් කළේය. අකිල විරාජ් කාරියවසම් මහතා මේ බව කීවේ කෑගල්ල දිස්ත්‍රික් සම්මේලනය අමතමිනි. දැන් තියෙන්නේ දේශපාලන ප්‍රශ්නයක් නොව ආර්ථික ප්‍රශ්නයක් බව කී කාරියවසම් මහතා දේශපාලන ප්‍රශ්න විසඳන්න නම් රටේ නායකයන් ඕන තරම් සිටින බවත් ආර්ථික ප්‍රශ්න වලට විසඳුම් තියෙන්නේ රනිල් වික්‍රමසිංහ ජනාධිපතිවරයා සතුව පමණක්…
දිවයිනේ ප්‍රදේශ කිහිපයකින් නාඳුනන මළ සිරුරු 04ක් හමු ව ඇති බව පොලීසිය පවසයි. පොලීසිය පවසන්නේ, එම මළ සිරුරු කුරුවිට, පෑලියගොඩ, මාරවිල සහ රාගම යන පොලිස් වසම්වලින් හමු ව ඇති බව ය. කුරුවිට පොලිස් වසමේ පිංවල ප්‍රදේශයේ කුරු ගඟේ නිරුවත් මෘත ශරීරයක් තිබී සොයාගෙන ඇත. මළ සිරුර මේ වන තෙක් හඳුනාගෙන නොමැති අතර, එය වයස අවුරුදු 35ත් 40ත් අතර උස අඩි 05යි අඟල් 08ක පමණ පිරිමි පුද්ගලයකුගේ බවට අනුමාන කළ හැකි බව වාර්තා වේ. මේ අතර පෑලිගොඩ – 04 කණුව හා පට්ටිය හන්දිය අතර ප්‍රදේශයේ දී දුම්රියක ගැටුණු පුද්ගලයෙකුගේ නාඳුනන මෘත ශරීරයක් හමු ව තිබේ. මරණකරු වයස අවුරුදු 35ක් පමණ වන…
රුපියල් ලක්ෂ 84කට අධික මුදල් වංචාවක් සම්බන්ධයෙන් චීන ජාතික කාන්තාවක් අත්අඩංගුවට ගෙන තිබේ. සැකකාර කාන්තාව ඊයේ (24) කොල්ලුපිටිය ප්‍රදේශයේ දී අත්අඩංගුවට ගෙන ඇත. මෙම කාන්තාව ව්‍යාපාර කටයුත්කත් සඳහා රුපියල් ලක්ෂ 84කට අධික මුලක් ලබාගෙන නැවත ලබා නොදී වංචා කිරීමක් සම්බන්ධ ව පසුගිය ජනවාරි 31 වැනි දා කොළඹ වංචා විමර්ශන කාර්යාංශයට ලද පැමිණිල්ලක් මත සිදු කරන ලද විමර්ශනයක දී මෙම කාන්තාව අත්අඩංගුවට ගෙන ඇත. අත්අඩංගුවට ගත් සැකකාරිය 52 හැවිරිදි චීන ජාතික කාන්තාවකි. සිද්ධිය සම්බන්ධයෙන් කොළඹ වංචා විමර්ශන කාර්යාංශය වැඩිදුර විමර්ශන සිදුකරයි.
මෝදර පොලිස් වසමේ අවන්හලක ප්‍රධාන දොරටුව අසල දී එම අවන්හලේ කළමනාකරු වෙඩි තබා ඝාතනය කිරීමට තැන් කිරීමේ අපරාධයට අධාර අනුබල දුන් සැකකරුවන් දෙදෙනෙකු අත්අඩංගුවට ගෙන තිබේ. ඊයේ (24) එම සැකකරුවන් අත්අඩංගුවට ගත් බව පොලීසිය පවසයි. එක් සැකකරුවෙකු ඊයේ උදෑසන කාලයේ දී කොළඹ උතරු කොට්ඨාස අපරාධ විමර්ශන අංශයේ නිලධාරින් විසින් අත්අඩංගුවට ගෙන මෝදර පොලිස් ස්ථානය වෙත ඉදිරිපත් කර තිබිණි. අත්අඩංගුවට ගත් සැකකරු වයස අවුරුදු 36ක් වන කොටහේන ප්‍රදේශයේ පදිංචිකරුවෙකි. සැකකරු ඊයේ අලුත්කඩේ අංක 06 මහෙස්ත්‍රාත් අධිකරණය වෙත ඉදිරිපත් කිරීමෙන් අනතුර ව එළැඹෙන 05 වැනි දා දක්වා රක්ෂිත බන්ධාගාරගත කර තිබිණි. එම සැකකරුගෙන් කරන ලද ප්‍රශ්න කිරීමේ දී අනාවරණය වූ තොරතුරු මත…
රත්ගම විජයරත්න මාවත දුම්රිය හරස් මාර්ගයේදී යතුරුපදියකින් ගමන් ගත් නාවික හමුදා සෙබළකු දුම්රියක ගැටීමෙන් ඔහු එම ස්ථානයේදීම මිය ගොස් ඇති බව රත්ගම පොලිසිය පවසයි. මියගොස් ඇත්තේ. බද්දේගම ප්‍රදේශයේ පදිංචි, බූස්ස පිටිවැල්ල නාවික හමුදා කඳවුරේ සේවය කරමින් සිටි නාවික සෙබළෙකි. මරදාන සිට බෙලිඅත්ත බලා ධාවනය වෙමින් තිබූ දුම්රියේ ගැටීමෙන් මෙම අනතුර සිදුව තිබේ. නාවික හමුදා සෙබළා රාජකාරිය නිම කොට යතුරුපැදියෙන් නිවස බලා යමින් සිටිය දී දුම්රියේ ගැටී ඇත. රත්ගම පොලිසිය මේ පිළිබඳ වැඩිදුර පරීක්ෂණ පවත්වයි.