Author: LANKA24X7

කොළඹ කලාපයේ බස් රථ ප්‍රමුඛථා මංතීරු වැඩ සටහන සිට 14 දා දක්වා සති දෙකක කාලයක් නියමු ව්‍යාපෘතියක් ලෙස ක්‍රියාත්මක කිරීමට පොලිසිය පියවර ගෙන තිබේ . මේ අනුව මෙට සිට 14 දා දක්වා මෙම නියමු ව්‍යාපෘතිය වැල්ලවත්ත සැවෝයි සිනමා ශාලාව අසල සිට ගාලු පාර ,පිටකොටුව දක්වා බස් රථ ඇතුළුවීම පෙරවරු 6.00 සිට 9.00 දක්වාද මරදාන පාර බොරැල්ල හන්දියේ සිට පිටකොටුව ඕල්කට් මාවත ඇතුළුවීම පෙරවූ 6.00 සිට 9.00 දක්වාද පිටවීම පස්වරු 4.00 සිට 9.00 දක්වාද වන ලෙස ක්‍රියාත්මක කෙරෙන බව පොලිසිය පවසයි. ලංකා ගමනාගමන මණ්ඩලයට අයත් සියලු බස් රථ ,පුද්ගලික බස් රථ ,පාසල් බස් හා වෑන් රථ ,කාර්යාල කාර්ය මණ්ඩල ප්‍රවාහනය කරන…

කාන්තා අධ්‍යාපනයට වැඩි අවධානයක් ලබාදීමෙන් රටේ ආර්ථිකය ශක්තිමත් වීම, නිෂ්පාදන ධාරිතාව වර්ධනය වීම මෙන්ම ශ්‍රම බලකායේ කාන්තා සහභාගිත්වය ඉහළ යන බවත් විපක්ෂ නායක සජිත් ප්‍රේමදාස මහතා කොළඹදී පැවසිය. ඒ තුළින් කාන්තා අයිතීන්, සමාජීය අයිතීන් හා ආර්ථික අයිතීන් කාන්තාවන් තුළ නිර්මාණය වන බවත් විපක්ෂ නායකවරයා ප්‍රකාශ කාළ්ය. ජනගහනයෙන් සියයට 52ක් වන කාන්තා පරපුර අමතක නොකළ යුතු යැයි රජයට මතක් කරන බවත් නුගේගොඩ ශාන්ත ජෝසෆ් බාලිකා විද්‍යාලයේ පැවැති නාද අභිමන් වැඩසටහන එක්වෙමින් ඔහු පැවසීය.

මධ්‍යම පළාතේ ප්‍රබල දේශපාලනඥයකු නීති විරෝධීව මෙරටට ආනයනය කළ රුපියල් කෝටි 1 1/2 අධික වටිනා සුඛෝපභෝගී ජිප් රථයක් රුපියල් කෝටියකට අලෙවි කිරීම සදහා මෙරටට වාහන ගෙන්වා අලෙවි කරන ප්‍රධාන පෙළේ වාහන අලෙවි ප්‍රදර්ශනාගාරයක හිමිකරුවෙක්ට අයත් නාරාහේන්පිට සුපිරි මහල් නිවාස සංකීර්ණයක රථගාලක නවතා තිබියදි පානදුර වලාන මධ්‍යම දුෂණ මර්දන ප්‍රහාරක ඒකකය ඊයේ (1) අත්අඩංගුවට ගනු ලැබ ඇත. මෙම වාහන සමග එය විකිණීමට සුදානමින් සිටි වාහන ප්‍රදර්ශනාගාර හිමිකරු ද අත්අඩංගුවට ගත් බව පොලිසිය පවසයි. මෙම ජිප් රථය 2008 වසරේ සිට 2022 වසර දක්වා දේශපලනඥයාගේ නමින් ව්‍යාජ තොරතුරු ඇතුළත් කර මෝටර් රථ ප්‍රවාහන කොමසාරිස් දෙපාර්තමේනතුවේ ලියාපදිංචි කර ඇති බවත්, 2022 වසරේ දී එය…

පානදුර වලාන ප්‍රදේශයේ පවත්වාගෙන යන බාලිකා නිවාසයක ගැහැනු ළමයින් තිදෙනකු ඊයේ පස්වරුවේ පලාගොස් ඇති බව පානදුර දකුණ පොලිසිය පවසයි. එම බාලිකා නිවාසයේ පාලිකාව කළ පැමිණිල්ලක් මත අනුව පරීක්ෂණ ආරම්භ කළ බව පොලිසිය කීය. පලාගොස් ඇති ගැහැනු ළමුන් තිදෙනා වයස අවුරුදු 13, 14 සහ 16 වියැති අයවලුන් බවත් , ඔවුන් බේරුවල , බිබිල සහ රාගම ප්‍රදේශයේ අයවලුන් බවත් සදහන් වේ. ඔවුන් සන්තකයේ ජංගම දුරකථන තිබී දහවල් බාලිකා නිවාසයේ පාලිකාවට හමුව ඇති අතර, එහිදී ඇතිවූ කතාබහකින් පසු ජංගම දුරකථන පොලොවේ ගසා පලාගොස් ඇති බවද සදහන් වේ.

පිටිදූවේ සිරිධම්ම හිමියන් ත්‍රිපිටක ධර්මයත් බුද්ධ චරිතයත් විකෘතියට පත්කරමින් කරන අනර්ථ දේශනයන් සිදු කිරීමෙන් වළකින ලෙස මල්වතු පාර්ශවයේ මහා නායක හිමියන් ප්‍රමුඛ කාරක සංඝ සභාව දැඩි ලෙස අවවාද කළ බව එම පාර්ශවයේ මහා ලේඛකාධිකාරී පහමුණේ ශ්‍රී සුමංගල හිමියන් ඊයේ (01) ප්‍රවෘත්ති සාකච්ඡාවක් කැඳවමින් අවධාරණය කළේය. පිටිදූවේ සිරිධම්ම හිමියන් මල්වතු පාර්ශවයේ මහනායක හිමිපාණන් වහන්සේ ඇතුළු සානු නායක කාරක සංඝ සභාව හමුවට පසුගිය (31) කැඳවා ත්‍රිපිටක ධර්මයත් බුද්ධ චරිතයත් විකෘතියට පත්කරමින් සිදුකරගෙන යන අනර්ථ දේශනා වහාම නතර කරන ලෙස උන්වහන්සේට දැඩි ලෙස අවවාද කළ බව මහා ලේඛකාධිකාරී හිමියන් එහිදී අවධාරණය කළේය. එහිදී පිටිදූවේ සිරිධම්ම හිමියන් මල්වතු මහනායක හිමිපාණන් ප්‍රමුඛ සානු නායක කාරක…

පාර්ලිමේන්තුවේදී පසුගියදා සම්මත වූ තවත් පනත් කෙටුම්පත් දෙකකට කතානායක මහින්ද යාපා අබේවර්ධන මහතා සිය සහතිකය සඳහන් කළේය. අධිකරණ, බන්ධනාගාර කටයුතු සහ ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍ය නීතිඥ (ආචාර්ය) විජේදාස රාජපක්ෂ මහතා ඉදිරිපත් කළ ජ්‍යෙෂ්ඨ උපදේශන නීතිඥ බහුමානය ප්‍රදානය කිරීමේ පනත් කෙටුම්පත සඳහා කතානායකවරයා සිය සහතිකය සටහන් කර ඇත.මෙම පනත් කොටුම්පත 2023 ඔක්තෝබර් මස 18වැනිදා පාර්ලිමේන්තුවේ දෙවනවර කියවීමෙන් අනතුරුව සම්මත විය. එමෙන්ම ගාල්ල දිස්ත්‍රික්ක පාර්ලිමේන්තු මන්ත්‍රී ගයන්ත කරුණාතිලක මහතා පෞද්ගලික මන්ත්‍රී යෝජනාවක් වශයෙන් ඉදිරිපත් කළ බලපිටිය ශ්‍රී රාහුලාරාම පුරාණ විහාරස්ථ සාමණේර ආකල්ප සංවර්ධන භික්ෂු විද්‍යාලය (සංස්ථාගත කිරීම) යන පනත් කෙටුම්පත සඳහාද කථානායකවරයා සිය සහතිකය සටහන් කර ඇත. මෙම පනත් කොටුම්පත 2023 ඔක්තෝබර්…

අයවැය විවාදය දින 26 ක් පැවැත්වීමට පාර්ලිමේන්තු කටයුතු පිළිබඳ කාරක සභාව තීරණය කළේය. ජනාධිපති රනිල් වික්‍රමසිංහ මහතා ලබන වර්ෂය සඳහා විසර්ජන පනත් කෙටුම්පත (අයවැය) ලබන 13 වැනිදා පාර්ලිමේන්තුවට ඉදිරිපත් කිරීමට නියමිතය. අයවැය දෙවැනි වර කියවීමේ විවාදය ලබන 14 වැනිදා සිට ආරම්භ වේ. එම විවාදය ලබන 21 දක්වා (ඉරිදා දින හැර) දින හතක් පැවැත්වේ. ඉන්පසු කාරක කාරක සභා අවස්ථාවේ විවාදය ලබන 22 සිට දෙසැම්බර් මස 13 වැනි දා දක්වා දින 19ක් පැවැත්වීමට පාර්ලිමේන්තු කටයුතු පිළිබඳ කාරක සභාව තීරණය කළේය. අයවැය තෙවැනි වර කියවීමේ අවසාන ඡන්ද විමසීම දෙසැම්බර් මස 13 වැනිදා සවස 6.00ට පැවැත්වීමට නියමිතය. සෑම දිනකම උදේ 9.00 සිට සිට සවස…

මෙම 2023 වසරේ නොබෙල් සාම ත්‍යාගයෙන් පිදුම් ලැබූ, ඉරාන මානව ක්‍රියිකාරිනී නර්ගේස් මොහොමදී, තෙහෙරාන් අගනුවර එවින් බන්ධනාගාරයේ සිට, රහසේ නොබෙල් කමිටුවට ලිපියක් යවා සාම ත්‍යාගය පිරිනැමීම සම්බන්ධයෙන් ස්තුති කර ඇතැයි විදෙස් මාධ්‍ය පවසයි. 51 හැවිරිදි මොහොමදී, ඉරානයේ කාන්තා අයිතීන් වෙනුවෙන් හඬ නැගූ මානව ක්‍රියාකාරිනියකි. ඇයට නොබෙල් සාම ත්‍යාගය පිරිනමන බව නොබෙල් කමිටුව නිවේදනය කළේ පසුගිය ඔක්තෝබර් 6 වැනිදාය. කාන්තා අයිතීන් වෙනුවෙන් හඬ නැගීමේ වරදට නර්ගේස් මොහොමදී වසර 31 ක සිර දඬුවමක් විඳිමින් සිටී.

වැඩ වර්ජන නිසා විදෙස් සංචාරක පැමිණීම අඩු වුවහොත් එය රජයේ සහ පෞද්ගලික අංශයේ යෝජිත පඩි වැඩි වීමට බලපෑමක් එල්ල කරනු ඇතැයි එක්සත් ජාතික පක්ෂ සභාපති පාර්ලිමේන්තු මන්ත්‍රී වජිර අබේවර්ධන මහතා පැවසීය. සංචාරක අංශයේ හා පෞද්ගලික අංශයේ ශ්‍රමිකයන් ලබාදෙන බදු මුදල් වැඩ වර්ජන වලින් විනාශ කරන්න එපා යැයි ඉල්ලා සිටින බවද අබෙිවර්ධන මහතා කීය. රජයේ සහ පෞද්ගලික අංශයේ වැටුප් වැඩි කරමින් සමස්ථ ජනතාවටම සහන දීමට ජනාධිපතිවරයා කටයුතු කරනු ඇතැයි ද අබෙිවර්ධන මහතා කීය. රජයේ සේවකයින්ට වැටුප් වැඩි කිරීමේ දී පෞද්ගලික අංශයේ සේවකයින් උපයන මුදලින් හා සංචාරක ව්‍යාපාරයන්හි යෙදෙන අය ලබාදෙන බදු මුදල් වලින් එම වැටුප් ගෙවීම සිදුවනු ඇතැයි කී අබෙිවර්ධන මහතා…

දිවයින පුරා රජයේ රෝහල් ආවරණය කරමින් පළාත් මට්ටමින් සංකේත වැඩ වර්ජනයක් ආරම්භ කරන බව රජයේ වෛද්‍ය නිලධාරීන්ගේ සංගමය පවසයි. රජයේ වෛද්‍ය නිලධාරීන්ගේ සංගමයේ ලේකම් වෛද්‍ය හරිත අලුත්ගේ අද පැවති මාධ්‍ය හමුවකට එක්වෙමින් මේ බව පැවසීය. එම සංගමය පවසන්නේ පැය 24ක් පුරා ක්‍රියාත්මක මෙම සංකේත වැඩ වර්ජනය හෙටින් ආරම්භ කරන බවය. ඒ අනුව හෙට (02) දිනයේ ඌව පළාතේ සියලුම රජයේ රෝහල්වල වෛද්‍යවරුන් මෙම වැඩ වර්ජනයට එක්වන බවය. අනතුරුව එළඹෙන 03 වනදා උතුරු පළාතේත්, 06 වනදා වයඹ පළාතේත්, 07 වනදා සබරගමුව පළාතේත් සියලුම රජයේ රෝහල්වල මෙම වැඩ වර්ජනය ක්‍රියාත්මක වනු ඇත. 08 වනදා වැඩ වර්ජනය ක්‍රියාත්මක වන්නේ මධ්‍යම පළාතේ සහ නැගෙනහිර පළාතේය.…