Author: LANKA24X7

ශ්‍රී ලංකා පොදු ජන පෙරමුණින් සම්බන්ධවූ මන්ත්‍රීවරුන් අතර සමග ජන බලවේගයේ සමගියට බාධා කරන කිසිම හැදියාවක් නැති නොසන්ඩාල කඩාකප්පල්කාරීන්ද සිටින බව විපක්ෂයේ ප්‍රධාන සංවිධායක, මහනුවරදී දිස්ත්‍රික් පාර්ලිමේන්තු මන්ත්‍රී නීතිඥ ලක්ෂ්මන් කිරිඇල්ල මහතා පැවසීය. ඔවුන් සාමූහිකව වැඩ නොකරන බවටද මන්ත්‍රීවරයා චෝදනා කළේය. ශ්‍රී ලංකා පොදු ජන පෙරමුණින් සමඟ ජන බලවේගයට ආ මන්ත්‍රීවරුන්ට මැතිවරණයේදී නාමයෝජනා දෙන බවට පොරොන්දුවක් ලබාදී නැති බවද සමග ජන බලවේගයේ සමගියට බාධා කරන කිසිවෙකුටත් පක්ෂයේ ඉඩක් නැති බවද ඔහු කීවේය. ආණ්ඩු පක්ෂයේ සිට විපක්ෂයට පැමිණි අය අතර හොඳ අයද සිටින බව ලක්ෂ්මන් කිරිඇල්ල මහතා පැවසීය. මහනුවර දිස්ත්‍රික්කයේ පොහොට්ටුවේ මන්ත්‍රීවරයකුද සමග ජන බලවේගයට සම්බන්ධවී සිටින බවත් ඔහු මෑතකදී කිසිවෙකුටත්…

සමගි ජන බලවේගය සහ ජාතික ජන බලවේගයේ ආර්ථික කමිටුව සහ පක්ෂ නායකයන් අතර පැවැත්වෙන විවාදය සඳහා දින ලබාදීමට සමගි ජන බලවේගය පියවර ගෙන තිබේ. ඒ අනුව පක්ෂ දෙකේ ආර්ථික කමිටු අතර විවාදය මැයි මස 27ත් 31ත් අතර දිනකත් පක්ෂ නායකයන් අතර විවාදය ජුනි මස 03 ත් 07 ත් අතර දිනකත් ලබාදීමට කටයුතු කර ඇතැයි සමගි ජන බලවේගයේ පාර්ලිමේන්තු මන්ත්‍රී නලින් බණ්ඩාර මහතා ප්‍රකාශ කළේය. මේ බව ජාතික ජන බලවේගයට ලිඛිතව දැනුම් දී ඇතැයිද ඔහු සඳහන් කළේය. මෙම විවාද කටයුතු සඳහා අවශ්‍ය සම්බන්ධීකරණ කටයුතු සිදු කරන ලෙස ශ්‍රී ලංකා නීතිඥ සංගමයෙන් ඉල්ලීමක් කර ඇති බවත් මෙම විවාදයේ ආවරණ කටයුතු සඳහා සියලු…

ඉතාලියේ පැවති ධාවන තරගයකින් සිව්වන ස්ථානය දිනාගැනීමට කෙටිදුර ධාවන ශූර යුපුන් අබේකෝන් ඊයේ (18) සමත්ව තිබේ. ඔහුගේ තරග නිමි කාලය දැක්වුණේ තත්ත්පර 10.21ක් ලෙසය. එම තරගයේ ප්‍රථම ස්ථානය ටෝකියෝ ඔලිම්පික් පදක්කම් ලාබී ජැකොබ් මාර්ෂල් විසින් හිමිකර ගෙන තිබුණි. ඔහුගේ තරග නිමි කාලය දැක්වුණේ තත්ත්පර 10.07ක් ලෙසයි. තත්ත්පර 10.00ට අඩුවෙන් යුපුන් අබේකෝන් එම තරගයට අවසන් කිරීමට හැකිවූයේ නම් පැරිස් ඔලිම්පික් උළෙල සඳහා සුදුසුකම් ලැබීමට ඔහුට හැකිවේ. එහෙත් එම තරගයේ දී ඔහුට එම මට්ටමට පැමිණීමට නොහැකි වූ අතර තවත් තරග කිහිපයක් ඉදිරියේ දී පැවැත්වීමට නියමිත බැවින් එම තරගවලදී ඔහු පැරිස් ඔලිම්පික් උළෙල සඳහා සුදුසුකම් ලබනු ඇති බව විචාරකයින් පවසයි.

15 වන විජයග්‍රාහී සැමරුමට සමගාමීව ශ්‍රී ලංකා යුද හමුදාවේ නිලධාරීන් පිරිසකට උසස්වීම් ලබාදී තිබේ. ජනාධිපතිවරයාගේ උපදෙස් මත එම උසස්වීම් සිදුකර ඇත. ඒ අනුව ශ්‍රී ලංකා යුද හමුදාවේ නිත්‍ය හා ස්වෙච්ඡා බලසේනාවේ නිලධාරීන් 114ක් සහ සෙසුනිලයන් 1,395ක් ඔවුන්ගේ මීළඟ නිලය දක්වා උසස්වීම් ලබාදී ඇත. රණවිරු අනුස්මරණ දිනය යේදී තිබෙන අද (19) සිට බලපැවැත්වෙන පරිදි සියලුම රෙජිමේන්තුවල සාමාජිකයන්ට මෙම උසස්වීම ලබාදීම සිදුකර තිබේ.

ජාතික රණවිරු දින සැමරුම් උත්සවය අද (19) පැවැත්වේ. අග්‍රාමාත්‍ය දිනේෂ් ගුණවර්ධන මහතාගේ ප්‍රධානත්වයෙන් අද පස්වරු 04ට බත්තරමුල්ල පාර්ලිමේන්තු ක්‍රීඩාංගණයේ රණවිරු ස්මාරකය අභියසදී එම උත්සවය පැවැත්වීමට නියමිතය. ඒ හේතුවෙන් විශේෂ රථ වාහන සැලැස්මක් ක්‍රියාත්මක බව පොලීසිය පවසයි. ඒ අනුව පස්වරු 03 සිට රණවිරු දින සැමරුම් උත්සවය අවසන් වන තුරු පොල්දූව හන්දියෙන් සහ කියන්හෑම් හන්දියෙන් පාර්ලිමේන්තු මාර්ගය වසා තැබෙන බව පොලීසිය පවසයි. එම කාලය තුළ විකල්ප මාර්ග භාවිත කරන ලෙස පොලීසිය රියදුරන්ට දැනුම් දෙයි. එම උත්සවය අවසන් වූ වහාම රථ වාහන ගමනාගමනය සඳහා මාර්ගය විවෘත කිරීමට අවශ්‍ය කටයුතු කඩිනමින් සිදුකරන බව පොලීසිය සඳහන් කළේය.

වාහන ගමනාගමනය සීමාකර තිබූ ඇල්ල – පස්සර මාර්ගය මේ වනවිට වාහන ගමනාගමනය සඳහා විවෘතව ඇති බව වාර්තා වෙයි. නායගොස් තිබූ පස් ඉවත් කිරීමට මාර්ග සංවර්ධන අධිකාරියේ සේවකයින් කටයුතු කර ඇති බව වාර්තා වේ. .

කලවාන කුකුළේ ගංගාවට පැන්නේ යැයි කියන දැරියක් එම ප්‍රදේශයේ තරුණයකු ගඟට පැන දිවි බේර ගෙන ඇති බව කලවාන පොලිසිය පැවසීය . මෙම දැරිය කලවාන දුනුමාගලවත්ත ප්‍රදේශයේ පදිංචි දැරියක බවත් සිය නිවසින් අමනාපයක් නිසා ඇය මෙලෙස කුකුළේ ගංඟාවට පැන දිවි අහිමි කර ගැනීමට උත්සහා කර ඇති බව කලවාන පොලිසිය පැවසීය . කලවාන මතුගම ප්‍රධාන මාර්ගයේ පිහිටි කුකුළේ ගග පාලම මතින් ගඟට පනින අයුරු දුටු තරුණයා තම දිවිය ගැන ද නොතකා ගඟට පැන දැරිය බේරාගෙන ඇත. මේ දිනවල පවතින වර්ෂාපතනය නි කුකුළේ ගගේ ජල මට්ටම ඉහළ ගොස් ඇත. දැරිය ප්‍රශ්න කිරීම සදහා කලවාන පොලිසිය මගින් අත්අඩංගුවට ගෙන තිබේ .

ගම්පහ ,ඉහළ යාගොඩ ප්‍රදේශයේ විදුලි ට්‍රාන්ස්ෆෝමරයක් අසල වැටී සිටි නාදුනන පුද්ගලයකුගේ මළ සිරුරක් පොලීසිය සොයාගෙන ඇත. වයස අවුරුදු 30 ක් පමණ වන බවට සැක කෙරෙන මෙම පුද්ගලයා සතුව අනන්‍යතාවය තහවුරු කරගැනීම පිණිස වූ කිසිවක් නොවන බවත් රෙදි බෑගයක් සහ බෙහෙත් වර්ග කිහිපයක් පමණක් තිබූ බවත් පොලීසිය පවසයි. මෙම පුද්ගලයා විදුලි රැහැන් කැපීමට ගොස් විදුලි සැර වැදී මෙලෙස ජීවිතක්ෂයට පත්ව වූවාදැයි යන්න සම්බන්ධයෙන් පොලීසිය පරීක්ෂණ සිදු කරයි.

ස්ථීරයෙන්ම එන්නේ ජනාධිපතිවරණය නොව මහ මැතිවරණය බවත් ලබන 14 හෝ 15 පාර්ලිමේන්තුව අනිවාර්යයෙන්ම විසුරුවන බවත් රුසියාවේ හිටපු ශ්‍රී ලංකා තානාපති උදයංග වීරතුංග මහතා පැවසීය. අගමැති අපේක්ෂකයා ලෙස ඉදිරිපත් වන්නේ ව්‍යවසායක ධම්මික පෙරේරා මහතා බවද සඳහන් කළේය. මේ සම්බන්ධයෙන් ජනාධිපතිවරයා සමග එකඟත්වයට පැමිණ අවසන් බව සඳහන් කළ වීරතුංග මහතා ජනාධිපතිවරණයට පෙර මහ මැතිවරණය පැවැත්වීමට ඇති කරගෙන ඇති එකඟතාව දන්නේ ශ්‍රී ලංකා පොදු ජන පෙරමුණේ එක් අයකු පමණක් බවද ඔහු කීවේය. ජනාධිපතිවරණයට රනිල් වික්‍රමසිංහ මහතා ස්ථිර වශයෙන්ම ඉදිරිපත් නොවන බවද උදයංග වීරතුංග මහතා ප්‍රකාශ කළේය. ඔහු මෙසේ පැවසුවේ පෞද්ගලික රූපවාහිනී නාලිකාවක් සමඟ සංවාදයක නිරත වෙමිනි.

මැතිවරණ කාල සීමාවක සිය හිතවතුන්ට මත්පැන් බලපත්‍ර ලබා දුන් පුද්ගලයන්ට එරෙහිව මේ වසර අවසන් වීමට පෙර දැඩි ක්‍රියාමාර්ග ගන්නා බව විපක්ෂ නායක සජිත් ප්‍රේමදාස මහතා පැවසීය. එම බලපත්‍ර තමා බලයට පත් වූ වහාම අහෝසි කරන බවද ඔහු කීවේය. පසුගිය කාලයේදී මත්පැන් බලපත්‍ර දෙසීයකට වැඩි සංඛ්‍යාවක් ලබා දී ඇතැයි සුරාබදු ආරංචි මාර්ග සඳහන් කරයි.