Author: LANKA24X7

පෞද්ගලික උපකාරක පංතියකට ගොස් මව සමග නිවෙස බලා යමින් සිටි සිසුවියක ඇගේ පෙම්වතා බව කියන තරුණයකු මවට පහරදී සිසුවිය පැහැරගත් බවට පැමිණිල්ලක් ඉදිරිපත් කළ බව මතුගම පොලිසිය පවසයි. සිසුවිය හොරණ ප්‍රදේශයේ පාසලක ඉගෙනුම ලබන බවත්, ඇය සමග මතුගම ප්‍රදේශයේ පෞද්ගලික උපකාරක පංතියකට ගොස් එමින් සිටීයදී තවත් පුද්ගලයකු සමග ත්‍රිරෝද රථයකින් පැමිණි සැකකරු දියණියගේ අතින් ඇද ත්‍රීරෝද රථයට නංවාගෙන ගිය බව මව පොලිසිය කියා ඇත එම අවස්ථාවේ පැමිණිලිකාරිය ද ත්‍රිරෝද රථයට නැගීමට උත්සාහ දරා ඇති අතර , සැකකරු ඇයට පා පහරක් එල්ලකර පලාගොස් ඇති බව ද ඇය කළ පැමිණිල්ලේ වැඩිදුරටත් සදහන්වන බව පොලිසිය කියයි. සැකකරු සහ පැහැරගැනීමට යොදාගත් ත්‍රීරෝද රථයද හදුනාගෙන…

පාර්ලිමේන්තුවේදී සම්මත කරන ලද 2024 මුදල් වර්ෂය සදහා වන විසර්ජන පනත් කෙටුම්පතට කථානායක මහින්ද යාපා අබේවර්ධන මහතා ඊයේ සිය සහතිකය සටහන් කළේය. එසේම පසුගිය 11 වැනිදා පාර්ලිමේන්තුවේදී සම්මත කළ එකතු කළ අගය මත බදු (සංශෝධන) සහ මුදල් පනත් කෙටුම්පත්වලට ද කථානායකවරයා සිය සහතිකය සටහන් කර තිබේ. ඒ අනුව 2023 අංක 32 දරන එකතු කළ අගය මත බදු (සංශෝධන) පනත, 2023 අංක 33 දරන මුදල් පනත සහ 2023 අංක 34 දරන විසර්ජන පනත ලෙස මෙම පනත් කෙටුම්පත් බලාත්මක වේ.

කහවත්ත වැල්ලඳුර නිවසක් තුළ කාන්තාවක් කපා කොටා මරා දමා ඇතැයි කහවත්ත පොලීසිය සඳහන් කරයි. මෙසේ මරා දමා ඇත්තේ වැල්ලඳුර වෙලේවත්ත පදිංචි ව සිටි ජයසුන්දර මුදියන්සේලාගේ විනීතා ජයසුන්දර නැමති 71 හැවිරිදි තිදරු මවකි. දියණිය සමඟ නිවසේ රැඳී සිට ඇති අතර දියණිය වැඩ ඇරී නිවසට පැමිණෙන විට මව කැපුම් තුවාල සහිතව වැටී සිටි බැවින් පොලිසිය ට දැනුම් ද ඇත. ඒ අනුව ක්‍රියාත්මක වූ කහවත්ත පොලීසිය වහාම පරීක්ෂණ ආරම්භ කර ඇති බව කහවත්ත පොලිස් ස්ථානාධිපති ප්‍රධාන පොලිස් පරීක්ෂක කරුණාරත්න මහතා පැවසීය.

කොල්ලුපිටියේ සුපිරි හෝටලයකදී රුපියල් හත් කෝටි අසූහත් ලක්ෂ පනස් දහසක් සමඟ අත් අඩංගුවට ගත් සැකකරුවන් අට දෙනා එක් එක් සැකකරුට රුපියල් ලක්ෂ 10 බැගින් වූ ශරීර ඇප මත නිදහස් කිරීමට කොටුව මහේස්ත්‍රාත් තිළිණ ගමගේ මහතා ඊයේ(13) නියෝග කළේය. එම මුදල් ළඟ තබාගෙන සිටි සැකකරුවන් සේවය කළ සමාගමේ අධ්‍යක්ෂකවරයා 9 වැනි සැකකරු ලෙස නම් කිරීමට මහේස්ත්‍රාත් තිළිණ ගමගේ මහතා අවසර ලබා දුන් අතර 9 වැනි සැකකරුද ලක්ෂ 10 ක ශරීර ඇපයක් මත නිදහස් කිරීමට මහේස්ත්‍රාත් තිළිණ ගමගේ මහතා නියෝග කළේය. එසේම 9 වැනි සැකකරුට ප්‍රකාශයක් ලබා දීම සඳහා අපරාධ පරීක්ෂණ දෙපාර්තමේන්තුවේ පෙනී සිටින ලෙසද මහේස්ත්‍රාත් තිළිණ ගමගේ මහතා නියෝග කළේය. නඩු…

ලබන වසර ( 2024) සඳහා වන අයවැය ලේඛනය ( අයවැය විසර්ජන පනත් කෙටුම්පත) වැඩි ඡන්ද 41 කින් පාර්ලිමේන්තුවේදී ඊයේ (13) පස්වරුවේ සංශෝධන සහිතව සම්මත විය. පනත් කෙටුම්පතට පක්ෂව ඡන්ද 122 ක් ලැබුණු අතර ඊට විරුද්ධව ලැබුණේ ඡන්ද 81 ක් පමණි. ශ්‍රී ලංකා පොදු ජන පෙරමුණේ මන්ත්‍රීවරු, එක්සත් ජාතික පක්ෂයේ වජිර අබේවර්ධන සහ සමග ජන බලවේගයේ සිට ආණ්ඩුවට එක්වූ හරීන් ප්‍රනාන්දු සහ මනූෂ නානායක්කාර යන මහත්වරු අයවැයට පක්ෂව ඡන්දය ප්‍රකාශ කළහ. අයවැයට විරුද්ධව ඡන්දය ප්‍රකාශ කළේ සමගි ජන බලවේගය, ජාතික ජන බලවේගය, නිදහස් ජනතා සන්ධානය සහ දෙමළ ජාතික සන්ධානය යන දේශපාලන පක්ෂවල මන්ත්‍රීවරු වෙති. හිටපු ක්‍රීඩා අමාත්‍ය රොෂාන් රණසිංහ මහතා අයවැයට…

මාස තුනකට කලින් ගෙන්වන ලද මිනිස් පාරිභොජනයට නුසුදුසු ලොකු ලූනු කන්ටේනර් තුනකට සීදූව, ලියනගේමුල්ල සෙන්තෝමස් පාරේ පිහිටි භාණ්ඩ රදවා තැබීමේ ගුඳමේදී සීල් තැබීය. කටුනායක සීදූව නගර සභාවේ ප්‍රධාන මහජන සෞඛ්‍ය පරීක්ෂක එච්.පී.පී.මනිල් සෝමතිලක මහතාට ලැබුණ තොරතුරකට අනුව ඒ මහතා ඇතුලු මහජන සෞඛ්‍ය පරීක්ෂක කණ්ඩායම ඊයේ ( 13) පස්වරුවේ එලෙස ලොකු ලූනු කිලෝ 20,000ක් පමණ අඩංගු කන්ටේනර් තුනකට සීල් තැබීය. ලැබුණ තෙරතුරු අනුව කණ්ඩායම විසින් ස්ථානීය පරීක්ෂණයක් සිදුකිරීමේදී කන්ටේනර් තුනක බහාලූ නරක්වී, පැලවී ඇති, ගඳගහන ලොකු ලූනූ සේවකයින් යොදවා පිරිසිදු කරමින් පැල වූ ලූනු කපා ඉවත්කර නැවත අලෙවිය සඳහා තේරීමක් සිදුකරමින් පැවැති බවද ඒම නිලධාරීහු කියති. ලූනු කන්ටේනර් තුන බාරව සිටි…

බිත්තර හා කුකුළු මස් මිල සතියක් ඇතුලත පාලනය කිරීමට පියවර නොගතහොත් රජය ඊට මුහුණදීම සඳහා පියවර දෙකක් ගන්නා බව කෘෂිකර්ම සහ වැවිදි කර්මාන්ත අමාත්‍ය මහින්ද අමරවීර මහතා පැවසීය. ඒ අනුව වහා ක්‍රියාත්මක වන පරිදි ඉදිරි මාස තුනකට අවශ්‍ය බිත්තර ආනයනය කිරීමට රජයේ අවධානය යොමු වී ඇති අතර බිත්තර සඳහා පාලන මිලක් පැනවීමට ද පාරිභෝගික ආරක්ෂණ අධිකාරිය යටතේ පියවර ගන්නා බව අමාත්‍යවරයා සඳහන් කළේය. මේ වනවිට දේශීය වෙළෙදපොලේ කුකුළු මස් හා බිත්තර මිල ඉහල යාම සාධාරණීකරණය කළ හැකි කිසිදු හේතුවක් කුකුළු පාලනය ආශ්‍රිත නිෂ්පාදන කර්මාන්තකරුවන්ට ඉදිරිපත් කිරීමට නොහැකිව ඇතැයි කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතා සඳහන් කළේය. බිත්තරයක් සදහා…

පාසල් දරුවන්ට අභ්‍යාස පොත් රජයේ මුද්‍රණ දෙපාර්තමේන්තුවෙන් සහන මිල ගණන් යටතේ ලබාදීමේ වැඩපිළිවෙළක් ක්‍රියාත්මක කරන බව ජනමාධ්‍ය රාජ්‍ය මාධ්‍ය ශාන්ත බණ්ඩාර මහතා පාර්ලිමේන්තුවේදී ඊයේ (13) පැවසීය. පාසල්වල විදුහල්පතිවරුන්ට එම ඇණවුම් ඉදිරිපත් කළ හැකි බවද ඔහු සඳහන් කළේය. රාජ්‍ය අමාත්‍යවරයා මෙසේ පැවසුවේ මුලසුනේ අවසර ඇතිව ප්‍රකාශයක් කරමිනි.

ලංකා සතොසට නිකුත් කරන ආනයනය බිත්තර ප්‍රමාණය ඊයේ (13) සිට ලක්ෂ 20 දක්වා වැඩි කළ බව රාජ්‍ය වාණිජ විවිධ නීතිගත සංස්ථාවේ සභාපති ආසිරි වලිසුන්දර මහතා පැවසීය. මෙතෙක් සතොසට නිකුත් කරනු ලැබුවේ බිත්තර ලක්ෂ 10 බැගින් බවත් පැවසූ සභාපති ආසිරි මහතා දේශීය බිත්තර මිල ඉහළ යෑම පාලනය කිරීමත් නත්තල් සමයේ ජනතාවට අවශ්‍ය බිත්තර හිගයකින් තොරව ලබා ගැනීමට හැකි වන පරිදි සතොසට නිකුත් කරන බිත්තර ප්‍රමාණය වැඩි කළ බවද කීය. මේ මාසයේදී ඉන්දියාවෙන් බිත්තර ලක්ෂ 300 ක් ආනයනය කිරීමට රාජ්‍ය වාණිජ විවිධ නීතිගත සංස්ථාවට අවසර ලැබී තිබෙන බවත් පසුගිය (12) බිත්තර ලක්ෂ 100 ක් ලැබුණු බවත් සභාපති පැවසීය. මේ වනවිට ආනයනික බිත්තර…

අධිවේගී මාර්ගවලට අනුයුක්තව සිටින පොලිස් විශේෂ කාර්ය බළකා නිලධාරීන් 175 දෙනා ඒ ස්ථානවලින් ඉවත් කරන බව මහජන ආරක්ෂක අමාත්‍ය ටිරාන් අලස් මහතා පාර්ලිමේන්තුවේදී ඊයේ (13) පැවසීය. පොලිස් විශේෂ කාර්ය බලකාය අධිවේගී මාර්ගවල කරන ලොකු දෙයක් නැති බවද ඔහු සඳහන් කළේය. මහජන ආරක්ෂක අමාත්‍යවරයා මෙසේ පැවසුවේ විපක්ෂ නායක සජිත් ප්‍රේමදාස මහතා මේ සම්බන්ධයෙන් මතු කළ ප්‍රශ්නයකට පිළිතුරු දෙමිනි. විශේෂ කාර්ය බළකාය අධිවේගී මාර්ගයේ කරන එකම දේ අනතුරක් වුණොත් ගින්නක් ඇතිවුණොත් කටයුතු කිරීම පමණක් බවත් පසුගිය වසරේදී පොලිස් විශේෂ කාර්ය බලකාය යොදවා ඇත්තේ සිද්ධි එකසිය හැට හතරකට පමණක් බවත් අමාත්‍යවරයා පැවසීය. ඕනෑම රටක ගිනි නිවීම සහ ගලවා ගැනීම කරන්නේ ගිනි නිවන හමුදාව…