Author: LANKA24X7

පහ ශ්‍රේණිය ශිෂ්‍යත්ව විභාගයේ පළමු ප්‍රශ්න පත්‍රයේ ප්‍රශ්න කිහිපයක් පිටවීමේ සිද්ධිය සම්බන්ධයෙන් තවදුරටත් අපරාධ පරීක්ෂණ දෙපාර්තමේන්තුව හරහා විමර්ශන සිදුකරන බව අධ්‍යාපන අමාත්‍යාංශය පවසයි. එම විමර්ශනවල කරුණු සලකා බලා ශිෂ්‍යත්ව විභාගය නැවත පවත්වනවාද නැද්ද යන්න සම්බන්ධයෙන් කඩිනමින් තීරණයක් ගන්නා බවද විමර්ශනවලින් අනතුරුව සාධාරණ විසඳුමකට එළඹෙන බවද අධ්‍යාපන ලේකම් තිලකා ජයසුන්දර මහත්මිය කියා සිටියාය.

පොලිස් දෙපාර්තමේන්තුවේ ජ්‍යෙෂ්ඨතම නිලධාරීන් රැසකගේ තනතුරුවල මාරුවීමක් ඉදිරි දිනවලදී සිදුවීමට නියමිතව ඇති බව පොලිස් මූලස්ථාන ආරංචි මාර්ග පවසයි. මේ අතර වැඩබලන පොලිස්පතිවරයකු ද පත් කිරීමට නියමිතව ඇති බව එම ආාරංචි මාර්ග කියා සිටියේය. ඒ සඳහා ජ්‍යෙෂ්ඨ නියෝජ්‍ය පොලිස්පතිවරුන් වන ලලිත් පතිනායක සහ ප්‍රියන්ත වීරසූරිය මහත්වරුන්ගේ නම් යෝජනා වී තිබෙන බව පොලිස් මූලස්ථානය පවසයි. ඉකුත් රජයේ දේශපාලන අවශ්‍යතාවන් මත පත්කර සිටි උසස් නිලධාරීන් කීපදෙනකුට ඉතිරි දිනවලදී එම තනතුරුවලින් ඉවත් කර ඒ සඳහා දක්ෂ පළපුරුදු නිලධාරීන් පත් කිරීමට නියමිතව ඇති බවද පොලිස් ආරංචි මාර්ග වැඩිදුරටත් කියා සිටියි. නීතිය හා සාමය පිළිබඳ අමාත්‍යාංශයේ ලේකම් විශ්‍රාමික ජ්‍යෙෂ්ඨ නියෝජ්‍ය පොලිස්පති රවී සෙනෙවිරත්න මහතාගේ උපදෙස් මත…

විභාග දෙපාර්තමේන්තුවේ විභාග වංචා හා ප්‍රශ්න පත්‍ර පිටවීමේ සිද්ධි දිගින් දිගටම සිදු වෙනවා. මේ නිසා නව අධ්‍යාපන ඇමැති යටතේ විභාග දෙපාර්තමේන්තුව පූර්ව ප්‍රතිසංවිධානයකට යා යුතු යැයි ලංකා ගුරු සංගමයේ ප්‍රධාන ලේකම් ජෝශප් ස්ටාලින් මාධ්‍යට පසුගිය (24දා) පැවසීය. විභාග දෙපාර්තමේන්තුව පූර්ව ප්‍රතිසංවිධානයකට නොගියහොත් දරුවන් මානසිකව පීඩාවට පත්වන බවද හෙතෙම කියා සිටියේය. තවදුරටත් කතා කළ ජෝශප් ස්ටාලින් මහතා මෙසේ ද කීය. විභාග දෙපාර්තමේන්තුවේ පසුගිය කාලයේ තිබූ දුර්වලකම් නිසා විභාග වංචා, ප්‍රශ්න පත්‍ර පිටවීම් සිදුවුණා. මේ නිසා බොහෝ දරුවන් පීඩාවට පත්වුණා. විභාග වංචා කරපු අය ලැයිස්තුගත කරලා තියෙනවා. නමුත් ඒ අයට දඬුවමක් නැහැ. විභාග පනත සංවර්ධනය කරලා නැහැ. එයත් සංවර්ධනය කළ යුතුයි. මේ…

අධිකරණයට අපහාස කිරීමේ චෝදනාව මත ආගමන විගමන පාලක එච්. ඉලුක්පිටිය මහතා රක්ෂිත බන්ධනාගාරගත කිරීමට ශ්‍රේෂ්ඨාධිකරණය නියෝග කර තිබේ. විද්‍යුත් විසා නිකුත් කිරීමේ ක්‍රියාවලිය පුද්ගලික සමාගම් දෙකකට පැවරීමට ගෙන තිබූ තීරණයට එරෙහිව නිකුත් කළ අතුරු තහනම් නියෝග ක්‍රියාත්මක කිරීම පැහැර හැරීම තුළින් අධිකරණයට අපහාසයක් සිදු කළේ යැයි ඔහුට එරෙහිව චෝදනා එල්ලවී තිබුණි. අදාළ අඩුව අද (25) කැඳවු අවස්ථාවේ ආගමන විගමන පාලකවරයාට එරෙහිව චෝදනා පත්‍ර කියවා දීමෙන් අනතුරුව ඔහු රක්ෂිත බන්ධනාගාරගත කරන ලෙස අධිකරණය නියෝග කර ඇත. අදාළ පෙත්සම යළි ජනවාරි මස 22 වනදා කැඳවීමට නියමිතය.

නව ජනමාධ්‍ය අමාත්‍යවරයා ලෙස පත් වූ විජිත හේරත් මහතා අද (25) උදෑසන ජනමාධ්‍ය අමාත්‍යංශයේදී සිය ධූරයේ රාජකාරී ආරම්භ කළේය. ජනමාධ්‍ය අමාත්‍යංශයට අමතරව බුද්ධ ශාසන, ආගමික සහ සංස්කෘතික කටයුතු, ජාතික ඒකාබද්ධතා සමාජ ආරක්ෂණ,ප්‍රවාහන, මහා මාර්ග, වරාය සහ සිවිල් ගුවන් සේවා අමාත්‍යංශය, මහජන ආරක්ෂක අමාත්‍යාංශය, විදේශ කටයුතු අමාත්‍යාංශවල කැබිනට් අමාත්‍යවරයා වන්නේ ද විජිත හේරත් මහතායි.

ජනාධිපති අනුර දිසානායක මහතා අද (25) ජාතිය අමතමින් රටේ ආර්ථික තත්ත්වය මෙන්ම ඉදිරි සැලසුම් සම්බන්ධයෙන් ප්‍රකාශ කිරීමට නියමිතව තිබේ. රටේ ආර්ථිකය ස්ථාවර කිරීමේ ක්‍රියාවලිය ඇතුළු ආර්ථිකයට බලපාන කරුණු රාශියක් සම්බන්ධයෙන් මෙහිදී ජනාධිපතිවරයා ප්‍රකාශ කරනු ඇතැයි රජයේ ආරංචි මාර්ග සඳහන් කරයි. ජනපති අද පස්වරු 7.30ට ජාතිය අමතයි.

මැතිවරණ වියදම් නියාමන පනත යටතේ ඒ සම්බන්ධයෙන් පැමිණිලි ලබා ගැනීම සඳහා අනු කමිටුවක් පිහිටුවන ලෙස මැතිවරණ කොමිෂන් සභාවෙන් දැනුම් දී ඇතැයි කළුතර දිස්ත්‍රික් මැතිවරණ ආරවුල් නිරාකරණ කිරීමේ මධ්‍යස්ථානය සඳහන් කරයි. ජනාධිපතිවරණයේ ඡන්ද ප්‍රතිඵල ප්‍රකාශයට පත් කළ දින සිට ඉදිරි දින 60 ක කාලයක් බලපැවැත්වෙන පරිදි එම අනුකමිටුව සහකාර තේරීම් භාර නිලධාරී ශානක ත්‍රිමාන මහතාගේ අධීක්ෂණය යටතේ පිහිටුවීමට නියමිතය 2023 අංක තුන දරන මැතිවරණ වියදම් නියාමනය කිරීමේ පනත යටතේ අනුකමිටුව පිහිටුවනු ඇතැයි එම මධ්‍යස්ථානය වැඩිදුරටත් සඳහන් කරයි

යුධ හමුදා බුද්ධි අංශ නිලධාරීන්ට ලද තොරතුරකට අනුව කේරල ගංජා කිලෝ 3 ග්‍රෑම් 530 ක් සමඟ වයස අවුරුදු 40 ක පුද්ගලයෙකු මූන්දම්පිඩ්ඩි, මන්නාරම ප්‍රදේශයේදී ඊයේ (24) දින මන්නාරම විශේෂ කාර්ය බලකා නිළධාරීන් හා එක්ව සිදුකරන ලද මෙහෙයුමකදී අත්අඩංගුවට ගෙන ඇති බවට වාර්තාවේ. සැකකරු සම්බන්ධයෙන් ඉදිරි විමර්ශන කටයුතු සිදු කිරීම සඳහා ඉලුප්පුකඩවායි පොලිස් ස්ථානය වෙත බාරදී ඇති බවට වාර්තාවේ.

පියාගේ තුරුලේ නිදාගෙන සිටි 5 හැවිරිදි දැරියක් පැහැරගෙන ගොස් අපයෝජනය කිරීමට සූදානම් වෙද්දී මවගේ විමසිලිමත්භාවයත් සමග දැරිය අත්හැර දමා පලා ගොස් සිටියදී සොයා ගත් බව පිළියන්දල පොලිසිය කියයි. නිවසේ ඉදිරිපස ජනේලයේ ආවරණයට යොදා තිබූ රෙද්ද ඉවත් කර නිවස ඇතුළු වී පියා සමඟ සාලයේ නිදා සිටි දැරිය ඔසවාගෙන පුරන් කුඹුරු වෙල්යායේ තාප්පයක් අසලට රැගෙන ගොස් තිබූ බව පොලිස් විමර්ශනවලදී අනාවරණය වී ඇත. දැරියගේ මවට සාලය දෙසින් යම් ශබ්දයක් ඇසි විමසිලිමත් වි බලද්දි සැමියා අසල නිදා සිටි දරුවා එහි නොමැති බව දැක කලබලයට පත්ව මහ හයියෙන් කෑ ගසා සැමියා අවදිකර තිබූ බව පොලිසිය කියයි. පසුව සොයා බලද්දී නිවසට මදක් ඈතින් දරුවා කෑගසන…

රටේ පැවති දූෂිත, දුර්දාන්ත, අකාර්යක්ෂම හා අදූරදර්ශි රාජ්‍ය පාලනය වෙනුවට ගොඩනගන්නට බලාපොරොත්තු වූ රට පිලිබඳව තවමත් සිහින දකින බව ෆීල්ඩ් මාර්ෂල් සරත් ෆොන්සේකා මහතා නව අග්‍රාමාත්‍යවරියට සහ කැබිනට් මණ්ඩලයට සුබ පැතුම් පළ කරමින් පවසයි. බහුතර ජනතා පරමාධිපත්‍යයෙන් තේරී පත් වූ ජනාධිපති අනුර කුමාර දිසානායක මහතාට හිමිවූ ජන වරම අනුව දිවුරුම් දුන් අග්‍රාමාත්‍යවරිය ප්‍රමුඛ නව අමාත්‍ය මණ්ඩලයට මාගේ උණුසුම් සුබ පැතුම් එක් කරමි යනුවෙන් සරත් ෆොන්සේකා මහතා ෆේස්බුක් සටහනක් තබමින් පවසයි. දුෂණයෙන් තොර විනය ගරුක රටක් හා ස්ථාවර ආර්ථිකයක් වෙනුවෙන් මම තවමත් තිර අදිටනින් යුතුව කැපවී කටයුතු කරමින් සිටිමි. මේ රටේ අති බහුතර ජනතාවගේද ප්‍රාර්ථනය එයයි යනුවෙන් ද ෆොන්සේකා මහතා කියයි.