Subscribe to Updates
Get the latest creative news from FooBar about art, design and business.
Author: LANKA24X7
සාධාරණ හා නිදහස් මැතිවරණයක් තුළින් තම අනාගතය හැඩගස්වා ගැනීමට ශ්‍රී ලාංකීය ජනතාව කළ කැපවීම ඉස්මතු වුණා – ඇමරිකානු ජනාධිපති ජෝ බයිඩන් ජනපති අනුරට සුබ පතමින් කියයි
By LANKA24X7
ඇමෙරිකානු එක්සත් ජනපද ජනාධිපති ජෝ බයිඩන් මහතා විසින් ජනාධිපති අනුර කුමාර දිසානායක මහතා වෙත සිය උණුසුම් සුබපැතුම් එක් කර තිබේ. එක්සත් ජනපදය සහ ශ්‍රී ලංකාව අතර පවතින දීර්ඝ කාලීන සබඳතා සිහිපත් කරමින් සමස්ත ඇමෙරිකානු ජනතාව වෙනුවෙන් ජනාධිපති අනුර කුමාර දිසානායක මහතා වෙත සුබපැතුම් එක් කළ ජෝ බයිඩන් මහතා ශ්‍රී ලංකාවේ ප්‍රජාතන්ත්‍රවදය තවදුරටත් තහවුරු කරමින් පසුගිය ජනාධිපතිවරණය සහ පශ්චාත් ජනාධිපතිවරණ සමය ඉතා සාමකාමී අන්දමින් පවත්වා ගැනීම පිළිබඳව ද සිය ප්‍රසාදය පළ කර තිබේ. ඇමෙරිකානු ජනාධිපති බයිඩන් මහතා සිය සුබ පැතුම් පණිවිඩයෙහි මෙසේ සඳහන් කර තිබේ. මෙම මැතිවරණය ශ්‍රී ලංකාවේ ප්‍රජාතන්ත්‍රවාදී ආයතනවල ශක්තිය සහ ප්‍රජාතන්ත්‍රවාදයේ පදනම වන සාමකාමී නිදහස් හා සාධාරණ මැතිවරණයක්…
අන්තර්ජාතික ක්‍රිකට් කවුන්සිලය සැප්තැම්බර් මස හොඳම ක්‍රිකට් ක්‍රීඩකයාට හිමි සම්මානය සඳහා ශ්‍රී ලංකාවේ ක්‍රීඩකයන් දෙදෙනෙක් සහ ඕස්ටේලියානු ක්‍රීඩකයෙක් නිර්දේශ වී ඇති බවට වාර්තාවේ. ටෙස්ට් ලෝක වාර්තා තබා ඩොනල්ඩ් බ්‍රැඩ්මන් හා සම වූ කමිඳු මෙන්ඩිස් සහ දඟ පන්දු යවන ක්‍රීඩක ප්‍රභාත් ජයසූරිය සහ ඕස්ටේලියානු ක්‍රීඩක ට්‍රැවිස් හෙඩ් එලෙස නිර්දේශවී වී ඇත.
ලෙබනනයේ පවතින යුදමය වාතාවරණය සැලකිල්ලට ගනිමින් විදේශ සේවා නියුක්ති කාර්යාංශයේ ලියාපදිංචිය ලබාගැනීම සඳහා ලෙබනනයේ සිටින ශ්‍රී ලාංකිකයින්ට විශේෂ සහන කාලයක් ලබා දී ඇතැයි.ශ්‍රී ලංකා විදේශ සේවා නියුක්ති කාර්යාංශයේ ලියාපදිංචි වී ලෙබනනයට පැමිණ ලියාපදිංචි කාලය ඉක්මවු පසු නැවත එකී ලියාපදිංචිය යාවත්කාලීන නොකර දීර්ඝ කාලීනව රැකියාවල නියුතු වන ශ්‍රී ලාංකික ශ්‍රමිකයන්ට මෙම සහන කාලය හිමි වේ. එම සහන කාලය 2024 ඔක්තෝබර් මස 08 වැනිදා සිට 2025 ජනවාරි මස 08 වැනිදා දක්වා එනම් මාස 03ක කාලයක් සඳහා ක්‍රියාත්මක වේ. එකී කාලය තුළ තානාපති කාර්යාලයට පැමිණ ලියාපදිංචිය කඩිනමින් සිදුකර ගත හැකි බව ශ්‍රී ලංකා විදේශ සේවා නියුක්ති කාර්යාංශ දැනුම්දෙයි. ඒ අනුව, ශ්‍රී ලංකා විදේශ…
මෙවර මහ මැතිවරණය සඳහා ස්වාධීන කණ්ඩායම් සහ දේශපාලන පක්ෂ 33ක් ඊයේ දිනය අවසන් වන විට නාමයෝජනා භාර දී ඇතැයි මැතිවරණ කොමිෂන් සභාව පවසයි. ඒ අනුව දේශපාලන පක්ෂ 17ක් සහ ස්වාධින කණ්ඩායම් 16ක් නාම යෝජනා භාරදී තිබේ.මාතලේ, ගාල්ල, මාතර, කුරුණෑගල සහ බදුල්ල යන දිස්ත්‍රික්කවල මැතිවරණ කොට්ඨාස සඳහා ඊයේ දිනය අවසන් වනතෙක් කිසිදු දේශපාලන පක්ෂයක් හෝ ස්වාධීන කණ්ඩායමක් නාමයෝජනා භාර දී නොතිබු බව එම කොමිෂන් සභාව පවසයි.
සමගි ජන බලවේගය පක්ෂයේ බටහිර – කොළඹ ප්‍රධාන සංවිධායක ලෙස ශ්‍රී ලංකා කාන්තා ක්‍රිකට් කැඳවුම්කාරිනියක ලෙස කටයුතු කරන අප්සාරි සිංහබාහු තිලකරත්න මහත්මිය පත් කර ඇත.අප්සාරි තිලකරත්න මහත්මිය සමඟ ඇයගේ සැමියා වන ශ්‍රී ලංකා ක්‍රිකට් කණ්ඩායම නියෝජනය කළ හිටපු ක්‍රිකට් ක්‍රීඩක හෂාන් තිලකරත්න මහතා පසුගිය ජනාධිපතිවරණයේදී විපක්ෂ නායක සජිත් ප්‍රේමදාස මහතාට සහාය පළ කිරීම සඳහා සමගි ජන බලවේගය සමඟ එක් වූහ.
කෙසේ හෝ පාර්ලිමේන්තුවට පැමිණීම තමන්ගේ එකම අභිප්‍රාය කරගත් අවස්ථාවාදී පිරිස් කිසිදු ප්‍රතිපත්ති රාමුවක් නැතිව විවිධ සන්ධාන ගොඩනඟමින් ඇති බවත් මේ රටේ ජනතාව එවැනි සන්ධානවලට නොරැවටෙන බවත් ශ්‍රී ලංකා පොදුජන පෙරමුණේ ලේකම් නීතිඥ සාගර කාරියවසම් මහතා ඊයේ (4දා) පැවසීය. ශ්‍රී ලංකා පොදුජන පෙරමුණ නිශ්චිත වැඩපිළිවෙළක් සහ ප්‍රතිපත්ති මාලාවක් යටතේ එළැඹෙන මහ මැතිවරණයට අභිමානයෙන් යුතුව මුහුණ දෙන බවත් ඊට අවශ්‍ය ශක්තිය තම පක්ෂය සහ ක්‍රියාකාරීන් සතුව තිබෙන බවත් හෙතෙම වැඩිදුරටත් සඳහන් කළේය. ශ්‍රී ලංකා පොදුජන පෙරමුණ කවුරුන් හෝ සමග සන්ධානගත වන්නේ නම් එසේ වන්නේ නිශ්චිත ප්‍රතිපත්තිමය එකඟතාවයක් මත පමණක් යැයිද සාගර කාරියවසම් මහතා වැඩිදුරටත් කීවේය. ඉදිරි මහ මැතිවරණයට අදාළව පොදුජන පෙරමුණේ නාම…
දේශපාලන බලපෑම් මත යට ගැසූ සහ පසෙක තැබූ මහත් ආන්දෝලනයට තුඩුදී තිබූ අපරාධ සිද්ධීන් 07ක් සම්බන්ධයෙන් වැඩබලන පොලිස්පති නීතිඥ ප්‍රියන්ත වීරසූරිය මහතාගේ නියෝග මත අපරාධ පරීක්‍ෂණ දෙපාර්තමේන්තුව විමර්ශන ආරම්භ කර ඇත. මහජන ආරක්‍ෂක අමාත්‍යාංශ ලේකම් විශ්‍රාමික ජ්‍යෙෂ්ඨ නියෝජ්‍ය පොලිස්පති රවී සෙනෙවිරත්න මහතාගේ ප්‍රධානත්වයෙන් පොලිස් මූලස්ථානයේදී පෙරේදා (03 දා) විශේෂ සාකච්ඡාවක් පැවැති අතර එහිදී මෙම යට ගැසූ අපරාධ සම්බන්ධයෙන් සාකච්ඡා කර තිබේ. මෙම විශේෂ සාකච්ඡාවට වැඩබලන පොලිස්පති ප්‍රියන්ත වීරසූරිය මහතා මෙන්ම අපරාධ පරීක්‍ෂණ දෙපාර්තමේන්තුවේ උසස් නිලධාරීහු කීප දෙනෙක්ම සහභාගි වූහ. යහපාලන ආණ්ඩුව සමයේ සිදු වූ පාස්කු ප්‍රහාර සිද්ධිය සම්බන්ධයෙන් විමර්ශන කටයුතු අවසන් කර ඊට සම්බන්ධ සැකකරුවන් තරාතිරම නොබලා අත්අඩංගුවට ගන්නා ලෙස…
2004/10/09 හා 2004/12/01 කාලය අතරතුරදී ශ්‍රී ලාංකික පුරවැසියකු නොවන බව දැන දැනම හා සිය නම ඩයනා ගමගේ ලෙස නීත්‍යානුකූලව සංශෝධනය කර නොතිබියදීත් ඩයනා ගමගේ ලෙස ජාතික හැඳුනුම්පත ලබාගැනීමට කූට ලේඛන ඉදිරිපත් කර පුද්ගලයන් ලියාපදිංචි කිරීමේ දෙපාර්තමේන්තුවේ ජනරාල්වරයා ඇතුළු නිලධාරීන් රැවටීම ඇතුළු චෝදනා තුනක් යටතේ හිටපු රාජ්‍ය ඇමතිනි ඩයනා ගමගේ මහත්මියට එරෙහිව පවරා ඇති නඩුවේ වැඩිදුර පූර්ව නඩු විභාග සම්මන්ත්‍රණය ලබන නොවැම්බර් 4 වැනිදා දක්වා කල්තැබීමට කොළඹ මහාධිකරණ විනිසුරු මංජුල තිලකරත්න මහතා ඊයේ (04දා) නියෝග කළේය. එම විත්තිකාරියට එරෙහිව ගොනු කර ඇති චෝදනා සනාථ කිරීම සඳහා නීතිපතිවරයා විසින් අධිකරණයට ඉදිරිපත් කර ඇති සම්පූර්ණ ලේඛන ගොනුව එදින විවෘත අධිකරණය හමුවට ඉදිරපත් කිරීමට…
හිටපු සෞඛ්‍ය ඇමති කෙහෙළිය රඹුක්වැල්ල මහතාගේ හා ඔහුගේ බිරිඳ කුසුම් ප්‍රියදර්ශනී ඈපා වීහේන, එම යුවලගේ දියණියන් තිදෙනා හා බෑණනුවන් නමින් බැංකු කීපයක පවත්වාගෙන යන රුපියල් මිලියන 97කට අධික වටිනාකමකින් යුත් ස්ථාවර තැන්පතු ගිණුම් 16ක් හා ජීවිත රක්ෂණ ඔප්පු අත්හිටුවමින් නිකුත් කර තිබූ තහනම් නියෝගය තවදුරටත් මාස තුනක කාලයකට, එනම් ලබන ජනවාරි 4 වැනිදා දක්වා දීර්ඝ කිරීමට කොළඹ මහාධිකරණය ඊයේ (04දා) නියෝග කළේය. එකි බැංකු ගිණුම් සම්බන්ධව විමර්ශන සිදුකිරීමේදී සැකසහිත බවක් පෙනී යන්නේ යැයි පෙන්වාදෙමින් අල්ලස් හෝ දූෂණ විමර්ශන කොමිෂන් සභාව ලිඛිතව කළ ඉල්ලීමක් සලකා බැලූ මහාධිකරණ විනිසුරු මංජුල තිලකරත්න මහතා පසුගිය ජූලි 4 වැනිදා මුල්වරට එකී අත්හිටුවීමේ නියෝගය නිකුත් කර…
මැතිවරණ කොමිෂන් සභාව විසින් ස්වාධීන අපේක්‍ෂකයන් සඳහා ඉදිරිපත් කර තිබෙන ඡන්ද සලකුණු (ලාංඡන) යම් අපේක්‍ෂකයකු විසින් ලබානොගෙන ඔහු විසින් කිසියම් සලකුණක් ඇඳ එය ලබාදෙන ලෙස ඉල්ලීම් කළහොත් එම ලකුණ ලබාදීමට සලකා බැලීමට මැතිවරණ කොමිසමට හැකි බව මැතිවරණ කොමිසමේ සභාපති ආර්. එම්. එල්. ඒ. රත්නායක මහතා ‘දිවයින’ට ඊයේ (03දා) පැවසීය. යම් අපේක්‍ෂකයකු ජනාධිපතිවරණයේදී මැතිවරණ කොමිසම විසින් ලබාදී තිබූ ඡන්ද සලකුණක් (ලාංඡනයක්) මහා මැතිවරණයටත් ඉල්ලා සිටින්නේ නම් එය ලබාදීමේ හැකියාව කොමිසමට පවතින බවද රත්නායක මහතා කීය.