Author: LANKA24X7

රත්නපුර අංගම්මන ප්‍රදේශයේ දී නීතිවිරෝධීව එකළස් කළ ජිප් රථයක් සමග සැකකරුවන් තිදෙනෙක් පානදුර වලාන දුෂණ මර්ධන ප්‍රහාරක ඒකක විසින් අත්අඩංගුවට ගෙන තිබේ. සැකකරුවන් අද (29) අධිකරණයට ඉදිරිපත් කිරීමට නියමිතයි.

එකම පවුලේ සිව්දෙනෙකු ඇතුළු අටදෙනෙකු බඹර ප්‍රහාරයකට ලක්ව ඉන් පාසල් සිසුවෙකු ජීවිතක්ෂයට පත්ව ඇතැයි ගම්පොළ, පුස්සැල්ලාව පොලීසිය පවසයි. මෙසේ මිය ගොස් ඇත්තේ පුස්සැල්ලාව බ්ලැක්ෆොරස් වත්තේ පදිංචිව සිටි සස්මිදන් තීරුචෙල්වම් නැමති පාසල් දරුවෙකි. ඔහු පුස්සැල්ලාව හින්දු විද්‍යාලයේ ප්‍රාථමික අංශයේ තුන වසර ඉගෙනුම ලැබීය. දරුවාගේ මව, පියා, සහෝදරයා ඇතුළු අට දෙනෙකු බඹර ප්‍රහාරයට ලක්ව ඉන් හය දෙනකු ගම්පොළ හා වහුගපිටිය රෝහල්වලට ඇතුළත් කොට තිබුණි. සස්මිදන්ගේ සහෝදරයා වන දස්මිදන් සමඟ පාසල නිම වී සිය පියා සමඟ මොවුන් නිවස කරා එමින් සිට ඇත. ගම්පොළ – නුවරඑළිය ප්‍රධාන මාර්ගයේ මොවුන්ගේ නිවස අසල ඇති විශාල මාර ගසක බඹර වද හයක් පමණ බැඳ ඇති අතර ඉන් එක්…

ලංකා ගමනාගමන මණ්ඩලයේ සභාපති රමාල් සිරිවර්ධන මහතා සිය ධූරයෙන් ඉල්ලා අස් වී තිබේ. මාධ්‍ය කළ විමසීමකදී ප්‍රවාහන සහ මහාමාර්ග නියෝජ්‍ය අමාත්‍ය ප්‍රසන්න කුමාර ගුණසේන මහතා පවසා සිටියේ, රමාල් සිරිවර්ධන මහතාගේ ඉල්ලා අස්වීමේ ලිපිය අමාත්‍යංශය වෙත ලැබී ඇති බවය. වත්මන් රජය බලයට පත් වීමෙන් පසු සභාපති ධූරයකින් ඉවත් වූ දෙවන පුද්ගලයා වන්නේ රමාල් සිරිවර්ධන මහතා බව සදහන්ය.

අවිස්සාවේල්ල විද්‍යාල මාවතේ තාවකාලික නවාතැන්පොලක ලැගුම් ගෙන සිටි තරුණයෙකුට තියුණු ආයුධ වලින් පහරදී ඝාතනය කර ඇතැයි අවිස්සාවේල්ල මූලස්ථාන පොලිසිය පවසයි. අවිස්සාවේල්ල මූලස්ථාන පොලිස් ස්ථානයේ උසස් නිලධාරියෙකු සදහන් කළේ ඊයේ රාත්‍රී කාලයේදී හෝ අද අළුයම් කාලයේදී මියගිය තරුණයා සහ එම නවාතැන් පලෙහි ලැගුම්ගෙන සිටින තවත් තරුණයන් පිරිසක් අතර ඇති වූ ආරවුලක් දුර දිග යාමෙන් මෙම ඝාතනය සිදු වන්නට ඇත බවට සැක කරන බවයි. මෙලෙස ඝාතනයට ලක්ව ඇත්තේ සාමිමලේ .සූරියකන්ද වත්ත ප්‍රදේශයේ පදිංචි 24 හැවිරිදි තරුණයෙකි. අවිස්සාවේල්ල ප්‍රදේශයේ ප්‍රදේශයේ වෙළද සැලක රැකියාවක් ලැබීම හේතුවෙන් මියගිය පුද්ගලයා මෙම නවාතැන් පලට මීට මාස දෙකකට පමණ පෙර පැමිණ ඇති බවට අනාවරණය වූ බවද පොලිසිය පවසයි.

විදුලි සංදේශ නියාමන කොමිසමේ අනුමැතියක් නොමැති ජංගම දුරකථන සෙවීම සහ භාවිතය වළක්වාලීමට නව මෘදුකාංගයක් හඳුන්වා දෙන බව විදුලි සංදේශ නියාමන කොමිෂන් සභාව පවසයි. ඉදිරියේදී විදුලි සංදේශ නියාමන කොමිෂන් සභාවේ අනුමැතියෙන් තොර කිසිඳු ජංගම දුරකථනයක් මිලදී නොගන්නා ලෙස ද එම කොමිෂන් සභාව ජනතාවගෙන් ඉල්ලීමක් කරයි. විදුලි සංදේශ නියාමන කොමිෂන් සභාවේ අධ්‍යක්ෂ ජනරාල් බන්දුල හේරත් මහතා, “අප ආයතනයේ අනුමැතිය නොමැති කිසිම ජංගම දුරකථනයක් මිලදී නොගන්නා ලෙස මහජනතාවගෙන් කාරුණිකව ඉල්ලා සිටිනවා. එවැනි අනුමැතිය නොමැති දුරකථන භාවිත කිරීම වළක්වාලීමට අප විසින් නව ස්වයංක්‍රීය පද්ධතියක් ක්‍රියාත්මක කිරීම නුදුරේදීම සිදු කරනවා.” “අනවසර ජංගම දුරකථන නිසා මේ වනවිට අප සමාජයේ සිදුවී ඇති අනීතික ක්‍රියා අවම කර රටේ…

පසුගිය රජය කාලයේ කෘෂි අංශයේ රැකියාව සඳහා ඊශ්‍රායලයට ගිය පිරිසෙන් සියයට අසූවක් පමණ සේවා ස්ථාන වලින් පැන ගොස් ඇතැයි විදේශ සේවා නියුක්ති කාර්යංශයේ සභාපති කෝෂල වික්‍රමසිංහ මහතා පැවසීය. සුදුසුකම් නොමැතිව දේශපාලන හිතවත් කම් මත ඊශ්‍රායලයට ගිය මෙම පිරිස් ගොවි බිම් වල වැඩ කිරීමට නොහැකි වීම නිසා සේවා ස්ථාන වලින් පැනගොස් විවිධ ස්ථාන වල සේවය කරන බවට තොරතුරු ලැබී තිබෙන්නේ යැයිද සභාපතිවරයා සඳහන් කළේය. ඊශ්‍රායල් රාජ්‍යයේ කෘෂි අංශයේ රැකියා අවස්ථාවන් විශාල ප්‍රමාණයක් ශ්‍රී ලංකාවට ලබා දී තිබියදී දේශපාලනඥයන් විසින් නුසුදුසු පුද්ගලයින් ඊට යොමු කොට එම රැකියා ක්ෂේත්‍රය විනාශ කළ බවද කෝෂල වික්‍රමසිංහ මහතා කීය. දේශපාලන හිතවත්කම් මත නොව සුදුස්සාට සුදුසු තැන…

ඉදිරි අයවැයෙන් ට්‍රිලියන 1.35ක් රජයේ ආයෝජන ප්‍රාග්ධන වියදම් ලෙස වෙන් කිරීමට අපේක්ෂා කරන බව ජනාධිපති අනුර කුමාර දිසානායක මහතා පැවසීය. එය මෑත කාලයේ රජයක් ප්‍රාග්ධන වියදම් සඳහා වැය කරන විශාලම මුදල වන බවද ජනාධිපතිවරයාා කීය. ජනාධිපතිවරයා මේ බව කීවේ ඊයේ (28) පස්වරුවේ කොළඹ ෂැංග්‍රිලා හෝටලයේ පැවති 2025 ආර්ථික සමුළුව අමතමිනි. “ආර්ථික පරිවර්තනය” මැයෙන් ලංකා වාණිජ මණ්ඩලය විසින් මෙම සමුළුව සංවිධානය කර තිබිණි. දේශපාලන ස්ථාවරත්වය, ණය ප්‍රතිව්‍යුහගත කිරීම සහ ස්වෛරීත්ව ණය ශ්‍රේණිගත කිරීම ඉහළ දැමීම පාදක කරගෙන අග්නිදිග ආසියාවේ පරිවර්තනයක් සඳහා ශ්‍රී ලංකාව සූදානම් කිරීම මෙම සමුළුවේ අරමුණයි. එමෙන්ම 2025 වසරේ සමස්ත ආර්ථික ප්‍රගතියක් ඇති කිරීම මෙමඟින් අපේක්ෂා කෙරේ. මෙහිදී අදහස්…

ඇමරිකා එක්සත් ජනපදයේ ශ්‍රී ලංකා තානාපතිනිය වන ජූලි චං මහත්මිය සහ කාන්තා හා ළමා කටයුතු පිළිබඳ අමාත්‍ය සරෝජා සාවිත්‍රි පෝල්රාජ් මහත්මිය අතර හමුවක් කාන්තා හා ළමා කටයුතු අමාත්‍යාංශයේදී ඊයේ (28) පැවැත්විණි. ශ්‍රී ලාංකීය කාන්තාව සහ ඇය මුහුණ දෙන අභියෝග පිළිබඳ මෙන්ම ශ්‍රී ලංකාව සහ ඇමරිකා එක්සත් ජනපදය අතර අන්‍යෝන්‍ය සහයෝගීතාවය වර්ධනය කරගැනීම පිළිබඳවත් මෙහිදී සාකච්ඡාවට ලක්විය. කාන්තා හා ළමා කටයුතු පිළිබඳ නියෝජ්‍ය අමාත්‍ය වෛද්‍ය නාමල් සුදර්ශන මහතා ද මේ අවස්ථාවට සහභාගි විය.

නිල්වලා ගඟ සංරක්ෂණ හා සංවර්ධනයටත් නිල්වලා ගඟ ආශ්‍රිතව නිරතුරුව පවතින ගංවතුර තත්වයට කඩිනම් විසඳුම් සෙවීමත් වෙනුවෙන් කර්මාන්ත සහ ව්‍යවසායකත්ව සංවර්ධන අමාත්‍ය සුනිල් හඳුන්නෙත්ති මහතා නිල්වලා ගගේ නිරීක්ෂණ චාරිකාවකට සහභාගී විය. මාතර දිස්ත්‍රික් සම්බන්ධීකරණ කමිටුවේදී ගත් තීරණයකට අනුව මෙම සංචාරය සිදු කෙරිණි. ගංවතුර ගැටළුවට තාක්ෂණික කමිටුව හරහා ඉක්මන් විසදුම් සෙවීම,නිල්වලා ගඟ භාණ්ඩ මගී ප්‍රවාහනයට යොදා ගැනීම, නිල්වලා ගඟ ආශ්‍රිතව සංචාරක කර්මාන්තය දියුණු කිරීම හා නිල්වලා ගඟ අකුරැස්ස හරහා සිංහරාජය දක්වා සංචාරක ගමනාන්තය සකස් කිරීම, නිල්වලා ගඟ ඉවුරු ඛාදනය වැලක්වීමට පියවර ගැනීම, ගඟෙහි ඇති කුණු හා අපද්‍රව්‍ය ඉක්මනින් ඉවත් කිරීම යන කරුණු පිළිබඳව මෙම සංචාරයේ දී අවධානය යොමු විය.

ශ්‍රී ලංකා නිදහස් පක්ෂය, සර්වජන බලය සහ රනිල් වික්‍රමසිංහ මහතාට සහාය පළ කිරීමට ඉදිරිපත් වූ ශ්‍රී ලංකා පොදු ජන පෙරමුණේ මන්ත්‍රී කණ්ඩාය ෙමි පිරිසක් ඉදිරි පළාත් පාලන මැතිවරණයේදී එක්ව තරග කිරීමේ සූදානමක් පවතින බව වාර්තාවේ. මෙම පක්ෂ තුනේ නියෝජිතයන් කොළඹ ඩාර්ලි පාරේ ශ්‍රී ලංකා නිදහස් පක්ෂ මූලස්ථානයේදී පෙරේදා (27) සවස හමුවී මේ සම්බන්ධයෙන් සාකච්ඡා පවත්වා ඇතැයි එහි ආරංචි මාර්ගවලින් පැවැසේ. නිමල් සිරිපාල ද සිල්වා, මහින්ද අමරවීර, අනුර ප්‍රියදර්ශන යාපා, දුමින්ද දිසානායක ලසන්ත අලගියවන්න යන හිටපු මන්ත්‍රීවරුන් ශ්‍රී ලංකා නිදහස් පක්ෂය වෙනුවෙන් ද ශ්‍රී ලංකා පොදු ජන පෙරමුණෙන් ඉවත්ව ගිය කණ්ඩායම වෙනුවෙන් ප්‍රමිත බණ්ඩාර තෙන්නකෝන් මහතා ඇතුළු පිරිසක් ද සර්ව ජන…