Author: LANKA24X7

මෝදර ලෙල්ලම ප්‍රදේශයේදී ඉකුත් 16 වනදා යතුරුපැදියකින් පැමිණි නාඳුනන පුද්ගලයන් දෙදෙනෙකු තවත් පුද්ගලයෙකුට වෙඩිතබා තිබුණි. එලෙස මනුෂ්‍ය ඝාතනයක් සිදුකිරීමට තැත් කිරීමේ අපරාධය සම්බන්ධයෙන් මෝදර පොලීසිය සහ කොළඹ අපරාධ කොට්ඨාසය විමර්ශන පැවැත්විය. ඒ අනුව මෙම අපරාධය සඳහා ආධාර අනුබල දුන් සැකකරුවන් දෙදෙනෙකු ඊයේ (22) සවස අත්අඩංගුවට ගෙන තිබේ. ඒ සේදවත්ත පළු පාලම අසලදී සහ පර්ගියුෂන් පාර ප්‍රදේශයේදීය. ඔවුන් 16 සහ 21 හැවිරිදි වියේ පසුවන තරුණයින් දෙදෙනෙකි. පොලීසිය වැඩිදුරටත් සඳහන් කළේ එක් සැකකරුවෙක් සතුව තිබී අයිස් මත්ද්‍රව්‍ය ග්‍රෑම් 4යි මිලිග්‍රෑම් 451ක් සොයාගෙන ඇති බවය.

ඇමෙරිකාවේ නාසා ආයතනය, ‘ඉන්ටුයිටිව් මැෂීන්ස්’ නමැති පෞද්ගලික තාක්ෂණ සමාගම සමඟ එක් වී නිපදවා, සඳට යැවූ රොබෝ චන්ද්‍ර යානය, සඳට පතිත කෙරුණි. ඇමෙරිකාවේ නාසා ආයතනය මැදිහත් වී, මේ අයුරින් සඳට යානයක් ගොඩබෑම කළේ ඇපලෝ චන්ද්‍ර මෙහෙයුම් අවසන් වී, වසර 52 කට පසුවය. ඇමෙරිකාවේ නාසා ආයතනය පෞද්ගලික අංශය සමඟ එක් වී, සඳට රොබෝ යානයක් පතිත කරන පළමු අවස්ථාව මෙයයි. පෞද්ගලික අංශය සමඟ අත්වැල් බැඳ ගනිමින්, නාසා ආයතනය නව චන්ද්‍ර ගවේෂණ වැඩසටහන් මාලාවක් ආරම්භ කර ඇති අතර, ඒවා නම් කෙරෙන්නේ, ‘කමර්ෂල් ලූනා පේලෝඩ් සර්විසස්’ නමිනි. කෙටියෙන් මෙම මෙහෙයුම් හැඳින්වෙන්නේ ‘ක්ලිප්ස්’ යනුවෙනි. ‘පෙරිග්‍රීන්’ යනුවෙන් නම් කළ එම චන්ද්‍ර යානය සඳට කඩා වැටුණු අතර එම…

පොදු ව්‍යාපාර පිළිබඳ පාර්ලිමේන්තු කාරක සභාව( කෝප් කමිටුව ) සහ රාජ්‍ය ගිණුම් පිළිබඳ පාර්ලිමේන්තු කාරක සභාව (කෝපා කමිටුව) ඇතුළු පාර්ලිමේන්තු කාරක සභා 24 ක් සඳහා පත් කෙරුණු සාමාජික මන්ත්‍රී නාමාවලිය නියෝජ්‍ය කතානායක අජිත් රාජපක්ෂ මහතා පාර්ලිමේන්තුවට ඊයේ (22) ඉදිරිපත් කළේය. නව වැනි පාර්ලිමේන්තුවේ පස්වැනි සභා වාරයේ පොදු ව්‍යාපාර පිළිබඳ පාර්ලිමේන්තු කාරක සභාවේ ( කෝප් කමිටුව) සාමාජික මන්ත්‍රී ලේඛනයට එම කමිටුවේ හිටපු සභාපති මහාචාර්ය රංජිත් බණ්ඩාර මහතාගේ නමද ඇතුළත් වීම විශේෂත්වයකි. නව වැනි පාර්ලිමේන්තුවේ සිවුවැනි සභා වාරයේ පොදු ව්‍යාපාර පිළිබඳ පාර්ලිමේන්තු කාරක සභාවේ සභාපතිවරයා ලෙස කටයුතු කළ මහාචාර්ය රංජිත් බණ්ඩාර මහතාට ශ්‍රී ලංකා ක්‍රිකට් ආයතනය සම්බන්ධ විමර්ශනවලදී කටයුතු කළ ආකාරය සම්බන්ධයෙන්…

වත්මන් පාලකයන් ඡන්දය නොතැබීමට කටයුතු කළහොත් ඊට ඉඩ දෙන්න එපා යැයි තිබ්බටුවේ ශ්‍රී සිද්ධාර්ත සුමංගල මල්වතු පාර්ශවයේ මහනායක හිමියෝ ඊයේ පැවැසූහ. මහා නා හිමියන් ඒ බව කියා සිටියේ සමගි වනිතා බලවේගයේ සාමාජිකාවන් පිිරිසක් මල්වතු මහ නා හිමියන් බැහැදුටු අවස්ථාවේදීය. එහිදී මහනාහිමියෝ මෙසේ ද පැවැසූහ. සෑම දේශපාලන පක්ෂයකම කාන්තාවන් දේශපාලනික වශයෙන් ක්‍රියාශීලව සිටීම සතුටට කරුණක් . එදා එක්සත් ජාතික පක්ෂයට මහනුවර තිබූ බලය දැන් නැතිවී තිබෙන බවක් පෙනෙන්නට තිබෙනව. මේ අවස්ථාවේදී සියලු දෙනා අමාරුවෙන් සිටින අවස්ථාවක්. රටේ ආර්ථිකය වැටී තිබෙන අවස්ථාවක අප සියලු දෙනා එකම ආකාරයෙන් සිටිය යුතුයි. එක් අයෙක් එක් විදිහකටත් තවත් අයෙක් තවත් විදියකටත් සිටීම සඳහා මාසික වැටුප වෙනස්…

ශ්‍රී පාද වන්දනාවේ යන නඩයක් රැගත් බසයක් නානුඔය රැදැල්ල කෙටි මාර්ගයේදී අනතුරට ලක් වීමෙන් එහි ගමන් ගත් 20 දෙනකු පමණ තුවාල ලබා ඇතැයි පොලිසිය කියයි. බර වාහන ඇතුළු වීම තහනම් කර ඇති නානුඔය රැදැල්ල කෙටි මාර්ගයේ ගමන් කරමින් සිටියදී වේගය පාලනය කර ගැනීමට නොහැකිව මාර්ගය හරහා පෙරළීමෙන් මෙම අනතුර සිදුව ඇතැයි ද පොලිසිය පවසයි. බස් රථය අනතුරට ලක්වන අවස්ථාවේදී එහි තිස් දෙනෙකුගෙන් යුතු පිරිසක් ගමන් කර ඇතැයි ද පොලිසිය පවසයයි. අනතුරින් තුවාල ලැබුවන් යානුඔය පොලිසිය හා ගම්වාසින් එක්වී නුවරඑළේ දිස්ත්‍රික් මහ රෝහල වෙතට ප්‍රතිකාර සඳහා යොමු කිරීමේ කටයුතු සිදු කිරීමට කටයුතු කළේය. තුවාල ලැබුවත්ට වඩිනම් ප්‍රතිකාර ලබාදීමට නුවරඑළියේ මහ රෝහල්…

ජනතා මුදල් රුපියල් කෝටි දාහකට අධික මුදලක් වංචා කළේ යැයි කියන කුරුණෑගල “රයිඩ් ටූ ත්‍රී ෆ්‍රීඩම්” (Ride to Three Freedom) නොහොත් R3F පිරමීඩාකාර සමාගමේ අධ්‍යක්ෂක මණ්ඩලයේ විදෙස් ගමන් තහනම් කිරීමට කොළඹ ප්‍රධාන මහේස්ත්‍රාත් ප්‍රසන්න අල්විස් මහතා ඊයේ (22) නියෝග කළේය. “R3F”සමාගමේ මෘදුකාංගය (ඇප් එක) නිර්මාණය කළ ඉරුගල් බණ්ඩාර,නාගොල්ලාගම පදිංචි සමාගමේ ප්‍රධාන විධායක අධ්‍යක්ෂ මධුසංක අත්තනායක,වෙළඳ කළමනාකාර අයි.එම්. අජන්ත,අධ්‍යක්ෂ මණ්ඩලයේ සාමාජිකයින් වන හෝමාගම නිමලරත්න ජයසිංහ,කුලියාපිටියේ ඩී.පී රෝහිනි ,හා ඩබ්ලිව් එම් නිමල් ශාන්ත සැකකරුවන්ට මෙම විදෙස් ගමන් තහනම නිකුත් කළ ප්‍රධාන මහේස්ත්‍රාත්වරයා ඔවුන්ගේ දුරකථන දත්ත වාර්තා වහාම කැඳවන ලෙසට පරිගණක හදිසි ප්‍රතිචාර සංසදයට නියෝග කරමින් දන්වා සිටියේය. අපරාධ පරීක්ෂණ දෙපාර්තමේන්තුවේ මූල්‍ය අපරාධ…

මෙරට සිදුවූ දරුණු ඝණයේ අපරාධවලට සහ මත්ද්‍රව්‍ය ජාවාරමට සම්බන්ධ යැයි සැකකරන පුද්ගලයන් 13 ක් ඇතුළු ශ්‍රී ලාංකකියන් 20 කට අධික සංඛ්‍යාවක් ඩුබායිහිදී අත්අඩංගුවට ගෙන ඇති බවත් එම සැකකරුවන් අතර පසුගියදා බෙලිඅත්තේදී සිදුවූ සමූහ ඝාතනයේ සැකරුවන් ද සිටින බවත් එක්සක් අරාබි එමිර් රාජ්‍ය ආරක්‍ෂක අංශ ආරංචි මාර්ග සඳහන් කරයි. ඩුබායිහි රාත්‍රී සමාජ ශාලාවක පසුගිය (21) රාත්‍රී සිදුවූ ගැටුමකදී ඩුබායි පොලිසිය අදාල පිරිස අත්අඩංගුවට ගෙන ඇති බවත් එම පිරිස මේ වන විට ඩුබායිහි රැඳවුම් මධ්‍යස්ථානයක රදවා සිටින බවත් එම ආරංචි මාර්ග වැඩි දුරටත් සඳහන් කළේය. මෙම සිද්ධිය පිළිබඳව පොලිස් මාධ්‍ය ප්‍රකාශක නියෝජ්‍ය පොලිස්පති නිහාල් තල්දූව මහතාගෙන් කළ විමසුමකදී පැවසුවේ එවැනි සිද්ධියක් නිල…

උණ්ඩ සහ ගිනි අවියක් සම්බන්ධයෙන් යුද හමුදා සෙබළකු හා පිය පුතු දෙපළක අතර ඇති වූ බහින් බස්වීමක් දුරදිග යාමෙන් කඩු පහර කා තුවාල ලැබූ විශ්‍රාමික සෙබළාගේ නිවසේ තිබී උණ්ඩ 46ක් සමග එම සෙබළා අත්අඩංගුවට ගත් බව බඩල්ගම පොලිසිය කියයි. කටාන කෝංගොඩවත්තේ පිහිටි යුද හමුදා සෙබළාගේ නිවසක් අසල වළදමා උණ්ඩ හා ටී පනස් හය ගිනි අවියක මැගසිනයක් සෙයාගන ඇත. මෙසේ අත්අඩංගුවට පත් වී ඇත්තේ පනස් හැවිරිදි විශ්‍රාමික යුද හමුදා සෙබළෙකි . විශ්‍රාමික සෙබලාගේ අසල්වැසි නිවසක වෙසෙන පියකු හා පුතා ඔහුගේ නිවසට පැමිණ බැන තර්ජනය කර සෙබලාගේ වම් අතට කඩු පහරක් එල්ල කිරීමෙන් තුවාල ලබා ඇත තුවාල ලැබූ හිටපු හමුදා සෙබළා සිද්ධිය…

ශ්‍රී ලංකා පොදුජන පෙරමුණ ආණ්ඩුවේ කොටස්කාරයො වුවත් ඉල්ලීම් කළාට ඒවා නොලැබෙන බවත් ඒ නිසා මාධ්‍ය හරහා හරි තේරුම් කර දෙන බවත් පාර්ලිමේන්තු මන්ත්‍රී එස්. එම්. චන්ද්‍රසේන මහතා ඊයේ (22) පැවසීය. තමා ගොවිජන සේවා හා කෘෂිකාර්මික කටයුතු පිළිබඳව ඇමතිවරයා ලෙස කටයුතු කළ කාලයේ මහින්ද රාජපක්ෂ ජනාධිපතිතුමා පොහොර සහනාධාරය දුන් බව ද ඒ මහතා කීය. පාර්ලිමේන්තු මන්ත්‍රී එස්.එම්.චන්ද්‍රසේන මහතා බත්තරමුල්ල, නෙළුම් මාවතේ පිහිටි ශ්‍රී ලංකා පොදුජන පෙරමුණ පක්ෂ මූලස්ථානයේ ඊයේ (22) පැවති මාධ්‍ය හමුවේදී එසේ පැවසීය. කූට වෙළෙන්දෝ වී අස්වැන්න නෙළන අවස්ථාවේදී ඉතාම අඩු මිලකට මිලදී ගැනීමට සූදානම් වන බැවින් රජය හැකි ඉක්මණින් වී මිලදීගැනීමට මැදිහත්විය යුතු බව පාර්ලිමේන්තු මන්ත්‍රී එස්. එම්.…

ජනාධිපතිවරයා ගොඩනගාගෙන ඇති ව්‍යවස්ථාපිත ආඥාදායකත්වයට නැවතීමේ තිත තැබීම සඳහා ජනාධිපතිවරණය පැවැත්විය හැකි ආසන්න දිනතම දිනයේ ජනාධිපතිවරණ පවත්වන්නැයි මැතිවරණ කොමිසමෙන් ඉල්ලා සිටින බව නිදහස් ජනතා සභාවේ විධායක සභික පාර්ලිමේන්තු මන්ත්‍රී ඩලස් අලහප්පෙරුම මහතා ඊයේ (22) පැවසීය. “මැතිවරණ කොමිසමේ කොමසාරිස්වරුණි ජනාධිපතිවරණය හැකි ඉක්මණින් පවත්වනු මැනවි” යැයි ද ඩලස් අලහප්පෙරුම මහතා ඉල්ලා සිටියේය. පාර්ලිමේන්තු මන්ත්‍රී ඩලස් අලහප්පෙරුම මහතා නිදහස් ජනතා සභා මාධ්‍ය හමුවේදී අද එසේ පැවසීය. වර්තමාන ජනාධිපති රනිල් වික්‍රමසිංහ මහතා ව්‍යවස්ථාපිත ආඥාදායකත්වයක් රට තුළ නිර්මාණය කර ඇති බවත් එහි ප්‍රතිපළයක් ලෙස ව්‍යවස්ථාවට පටහැනි ක්‍රියාවන් රැසක් ක්‍රියාත්මක වන බවත් ඩලස් අලහප්පෙරුම මහතා කීය. ජනාධිපතිවරයා ආරූඩ කරගෙන සිටින එම ආඥාදායකත්වයේ ප්‍රතිඵලයක් ලෙස පළාත් සභා…