Author: LANKA24X7

මාතලේ ලග්ගල මොරගහකන්ද ජලාශයේ නැරඹුම් ස්ථානය අසල අඩි 20 ක පමණ ප්‍රපාතයක තිබී උරයක දමා තිබූ ගිනි අවි උණ්ඩ 1163ක් ඊයේ (12) සොයා ගත් බව නාඋල පොලිසිය පවසයි. මේ දිනවල පවතින වියළි කාලගුණ තත්වය නිසා මොරගහකන්ද ජලාශයේ ජල මට්ටම අඩුව ඇති අතර ජලාශයේ ධීවර කර්මාන්තයේ නියැලුණු පුද්ගලයකු එම ජීව උණ්ඩ සහිත උරය දැක නාවුල පොලිසිය වෙත දැනුම් දී ඇත. එම පණිවිඩයට අනුව ක්‍රියාත්මක වූ නාවුල පොලිස් ස්ථානාධිපති ඇතුළු කණ්ඩායම විසින් අදාළ උණ්ඩ සහිත උරය පොලිස් භාරයට ගෙන තිබේ. මෙම සිද්ධිය සම්බන්ධයෙන් මෙතෙක් සිදුකළ විමර්ශනයේදී අදාළ පතුරම් කවුරුන් විසින් කුමන දිනයක ගෙනවිත් දැමුවේද යන්න පිළිබඳව අනාවරණය වී නොමැත. සොයාගත් උණ්ඩ අතර…

විදේශ ගතව සිටින ශ්‍රී ලාංකිකයන් පසුගිය සැප්තැම්බර් මාසයේදී මෙරටට ඇමෙරිකානු ඩොලර් මිලියන 695.7 ක මුදල් ප්‍රමාණයක් මෙරටට එවා ඇති බවත් එය පසුගිය වසරේ සැප්තැම්බර් මාසයට සාපේක්ෂව සියයට 25.2 ක වර්ධනයක් බවත් ශ්‍රී ලංකා මහ බැංකුව නිකුත් කළ නවතම දත්ත වාර්තාවල දැක්වේ. ඒ අනුව මෙම වසරේ පළමු මාස 9 තුළ විදේශ ගතව සිටින ශ්‍රී ලාංකිකයන් මෙරටට ඇමෙරිකානු ඩොලර් බිලියන 5.81 ක මුදල් ප්‍රමාණයක් ඒවා ඇති බවත් එය පසුගිය වසරේ පළමු මාස 9 ට සාපේක්ෂව සියයට 20 ක වර්ධනයක් බවත් ශ්‍රී ලංකා මහ බැංකුවේ දත්ත වාර්තා පෙන්වා දුන්නේය. පසුගිය වසරේ සැප්තැම්බර් මාසයේදී විදේශගතව සිටින ශ්‍රී ලාංකිකයන් මෙරටට ඇමෙරිකානු ඩොලර් මිලියන 555.6 ක…

ගල්කිස්ස මහේස්ත්‍රාත් අධිකරණයේ සිද්ධියට සම්බන්ධවූ නීතිඥවරයාගේ හැසිරීම ගැන තමා දැඩි ලෙස කනස්සල්ල පළ කරන බව මහජන ආරක්ෂක සහ පාර්ලිමේන්තු කටයුතු අමාත්‍ය ආනන්ද විජේපාල මහතා පැවසීය. ඔහුගේ අශෝභන හැසිරීම අධිකරණයට කළ අපහාසයක් හැටියට සලකන බව පැවසූ අමාත්‍යවරයා රාජකාරියට බාධා කර අධිකරණයට අගෞරවයක් ඇති කරමින් හැසිරුණු එම නීතිඥවරයා සම්බන්ධයෙන්ද ඉදිරි ක්‍රියාමාර්ග ගන්නා බව සඳහන් කළේය. නීතියට උඩින් කිසිවකු හෝ නැතැයිද ඔහු ප්‍රකාශ කළේය. ගල්කිස්ස අධිකරණයේදී නීතිඥවරයකු සමග ඇතිවූ සිද්ධිය සම්බන්ධයෙන් රිමාන්ඩ් බන්ධනාගාර ගත කෙරුණු පොලිස් නිලධාරියාට අගතියක් වෙනවා නම් ඔහු වෙනුවෙන් පෙනී සිටින බවද අමාත්‍යවරයා සඳහන් කළේය. පොලිසිය බාර අමාත්‍යවරයා විදියටත් පොලිස් දෙපාර්තමේන්තුව හැටියටත් ඒ සඳහා අවශ්‍ය මැදිහත්වීම් කරන බවද ඔහු සඳහන්…

බේරුවල මාගල්කන්ද ප්‍රදේශයේ දි දුම්රිය මාර්ගයට පස් කන්දක් කඩාවැටීමෙන් මුහුදු බඩ දුම්රිය මාර්ගයේ ගමනාගමනයට බාධා එල්ලවී තිබේ. අද අළුයම 3.15 ට අලුත්ගම සිට මරදාන බලා ධාවනය වූ මන්දගාමි දුම්රිය මෙම පස් කන්ද මතින් ගමන් කිරීමේදී දුම්රිය නතර කිරීමට සිදුව ඇත . ප්‍රදේශවාසින්ගේ සහයෙන් පස් ඉවත් කර දුම්රිය ධාවනය යලි යතා තත්ත්වයට පත්කරමින් සිටී. ඒ අනුව එක් දුම්රිය මාර්ගයක් පවතින මාගල්කන්ද ප්‍රදේශයෙන් දුම්රිය ධාවනය මුළුමනින්ම අවහිර වී ඇත.

බස්නාහිර, සබරමුව, දකුණු සහ වයම පළාත්වලත් මන්නාරම දිස්ත්‍රික්කයෙත් විටින් විට වැසි හෝ ගිගුරුම් සහිත වැසි ඇති වන බව කාලගුන විද්‍යා දෙපාර්තමේන්තුව කියයි. සෙසු ප්‍රදේශවලට පස්වරු 1.00 පමණ පසු වැසි හෝ ගිගුරුම් සහිත වැසි ඇති වේ. බස්නාහිර, සබරගමුව, මධ්‍යම දකුණ සහ ඌව පළාත්වල ඇතැම් ස්ථානවලට මිලි මීටර් 75ට වැඩි තරමක තද වැසි ඇති වේ.

සිය පුත්‍රයාට පිස්තෝලයකින් වෙඩි තැබීමට උත්සහා කළ පියෙකු ආරච්චිකට්ටුව පොලීසිය විසින් අත්අඩංගුවට ගෙන ඇත. පිස්තෝලයක් අතැතිව පුද්ගලයෙකු සිටින බවට ආරච්චිකට්ටුව පොලිසියට ලද දුරකතන ඇමතුමකට අනුව සිදු කළ පරීක්ෂාවකදී අදාළ පුද්ගලයා පිස්තෝලය ද සමග අත්අඩංගුවට ගෙන තිබේ. අත්අඩංගුවට ගත් පුද්ගලයා මීට වසර තිස් පහකට පමණ පෙර සිය පවුල අතහැර වෙනත් ප්‍රදේශයකට පදිංචියට ගොස් ඇති අතර ඒ වන විට ඔහුගේ පුත්‍රයාට වයස අවුරුදු හතරක් වන බව වාර්තා වේ. වෙඩි තැබීමට උත්සහා කළ හේතුව මෙතෙක් අනාවරණය වී නොමැත. පොලීසිය විසින් සිය භාරයට ගත් අදාළ පිස්තෝලය මෙරට නිෂ්පාදිත ගිනිඅවියක් වන අතර එය මිට වසර 15කට පමණ පෙර ආරච්චිකට්ටුව ප්‍රදේශයේ සිටි දාමරිකයෙකු විසින් තමාට ලබා…

නාරම්මල අලහිටියාව ප්‍රදේශයේදී අද (12) සිදුවූ රිය අනතුරකින් පුද්ගලයින් දෙදෙනෙකු ජීවිතක්ෂයට පත්ව තිබේ. ලොරි රථයක් රියදුරුට පාලනය කර ගැනීමට නොහැකිව දුරකතන කණුවක ගැටී පෙරළී යාමෙන් මෙම අනතුර සිදුව ඇති බව පොලිසිය සදහන් කළේය. අනතුරින් ලොරි රථයේ පිටුපස ගමන් ගත් පුද්ගලයින් දෙදෙනෙකු එම ලොරි රථයටම යටවී තුවාල ලබා ඇති අතර ඔවුන් ප්‍රථිකාර සඳහා නාරම්ල රෝහලට ඇතුළත් කිරීමෙන් පසුව මෙලෙස මියගොස් තිබේ. මියගොස් ඇත්තේ 26 හැවිරිදි සහ 29 හැවිරිදි වයස්වල පසුවන වවුනියාව සහ නෙදුන්කේනි ප්‍රදේශවල පදිංචිව සිටි තරුණයින් දෙදෙනෙකි. අනතුර සම්බන්ධයෙන් ලොරි රථයේ රියදුරු අත්අඩංගුවට ගෙන ඇති අතර නාරම්මල පොලීසිය සිද්ධිය සම්බන්ධයෙන් වැඩිදුර විමර්ශන සිදු කරයි.

විපක්ෂයේ පක්ෂ වල එකතුව සාර්ථකව ඉදිරියට යමින් පවතින බව එක්සත් ජාතික පක්ෂ සභාපති වජිර අබේවර්ධන මහතා පැවසීය. පළාත් පාලන මැතිවරණයේ සිටම සියලු දේශපාලන පක්ෂ එකට එකතු වෙමින් ක්‍රියා කරමින් සිටින බව කී අබේවර්ධන මහතා ඒ ක්‍රියාදාමය මේ වනවිට ඉතාමත් සාර්ථකව ඉදිරියට යන බව සඳහන් කළේය. වඩාත් පුළුල් ක්‍රියාදාමයකින් මැතිවරණයට මුහුණ දීම සඳහා මේ වැඩපිළිවෙල ඉදිරියට ගෙන යන බවද අබේවර්ධන මහතා කීය. එක්සත් ජාතික පක්ෂ සභාපති වජිර අබේවර්ධන මහතා මේ බව කීවේ ගාල්ල උළුවිටිකේ එක්සත් ජාතික පක්ෂ දිස්ත්‍රික් කාර්යාලයේ පැවැති මාධ්‍ය හමුවකදීය.

151 වන ලෝක තැපැල් දිනයට සමගාමීව ශ්‍රී ලංකා තැපැල් දෙපාර්තමේන්තුවේ ඇල්ල තැපැල් කාර්යාලයේ සංචාරක නිවාසය සහ මුද්දර කාර්යාංශ කවුළුව විවෘත කිරීම සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතාගේ ප්‍රධානත්වයෙන් සිදු කෙරිණි. මෙම ව්‍යාපෘති ද්විත්වයම තැපැල් දෙපාර්තමේන්තුවට අදායම් උත්පාදනය කිරීමේ ව්‍යාපෘති වන අතර, මෙම ව්‍යාපෘති මගින් තැපැල් දෙපාර්තමේන්තුවේ අදායම් තත්ත්වය ඉහළ නංවාලීම ප්‍රමුඛ අරමුණ විය. ශ්‍රී ලංකා තැපෑල මෙරට සංචාරක ව්‍යාපාරය වර්ධනයට දායකත්වය සැපයීමක් ලෙස ද මෙම ව්‍යාපෘති හදුන්වා දිය හැකි බව සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා මෙහිදී කීය. අභියෝගාත්මක අනාගතයකට ශක්තිමත්ව මුහුණ දීමට නව්‍යකරණය හා බැදුණු ධනාත්මක පරිවර්තනයක් අවශ්‍ය බව ද අමාත්‍යවරයා සඳහන් කළේය. සංචාරක නිවහනේ…

හෝර්ටන් ජාතික වන උද්‍යානයේ නෙළු වසන්තය නැරඹීමට පැමිණෙන්නේ නම් ජාතික උද්‍යානයේ පවතින නිතී රීති අනුව කටයුතු කළ යුතු බව හෝර්ටන්තැන්න ජාතික උද්‍යාන භාරකාර සිසිර රත්නායක මහතා පැවසිය. සිසර රත්නායක මහතා ඒ බැව් කියා සිටියේ වසර 12 පසු මෙවර නෙළු මල් වර්ග හතරක් එකට පිපී ඇති බවත්, එය නැරඹීම සදහා සති අන්තයේ සහ නිවාඩු දිනවල අධික සංචාරකයන් පිරිසක් සහ වැඩි රථවහන ප්‍රමාණයක් හෝර්ටන්තැන්න ජාතික උද්‍යානය පැමිණෙන බවයි. එසේ එන ඇතැම් පිරිස් ජාතික උද්‍යානයක නීති රීතිවලට පටහැනිව කටයුතු කර ඇති බවත්, එම පිරිස සදහා නීතිය ක්‍රියාත්මක කිරිමට කටයුතු කල බවත් සිසිර රත්නායක මහතා වැඩිදුරටත් පැවසීය.