පළාත් පාලන ඡන්ද විමසීම සඳහා සංධානතව තරඟ කිරීමට ශ්‍රී ලංකා පොදුජන පෙරමුණ හා එක්සත් ජාතික පක්ෂය සූදානමින් සිටින බව කැබිනට් ප්‍රකාශක අමාත්‍ය ආචාර්ය බන්දුල ගුණවර්ධන පවසනවා.
නව සංධානය යටතේ නාම යෝජනා මණ්ඩල පත් කිරීමේ කටයුතු මේ වන විට ක්‍රියාත්මක වෙමින් පවතින බවයි අමාත්‍යවරයා කියා සිටියේ.
පළාත් පාලන ඡන්දය කල් දැමීමේ සූදානමක් පවතින්නේදැයි අද පැවති කැබිනට් තීරණ දැනුම් දීමේ මාධ්‍ය හමුවේදී මාධ්‍යවේදියෙකු යොමු කළ ප්‍රශ්නයකට පිළිතුරු දෙමින් අමාත්‍යවරයා මේ බව කියා සිටියා.