වැඩිමිලට සහල් සහ පානීය ජල බෝතල් අලෙවි කළ වෙළෙඳසැල් කිහිපයක් වැටලීමට පාරිභෝගික කටයුතු පිළිබඳ අධිකාරිය පියවර ගෙන තිබේ.
ඒ අනුව මහනුවර, ත්රිකුණාමලය, ගාල්ල, තංගල්ල, ගිරාඳුරුකෝට්ටේ, හපුතලේ ආදී ස්ථාවල පිහිටි වෙළෙඳසැල් කිහිපයක් එම අධිකාරිය විසින් පසුගිය 24 වැනිදා හදිසි වැටලීමක් සිදු කර තිබේ.
එහිදී කීරි සම්බා සහ අනෙකුත් සහල් අලෙවි කළ යුතු පාලන මිල ඉක්මවා අලෙවි කරන බවට කරුණු අනාවරණය වී ඇති අතර ඒ අනුව අදාළ වෙළෙඳසැල් වෙත නීතිමය පියවර ගැනීමටද පාරිභෝගික කටයුතු පිළිබඳ අධිකාරිය පියවර ගෙන ඇත.