යාපනය දිස්ත්‍රික්කය තුල මේ වන විට සීග්‍රයෙන් මී උණ වෛරසය පැතිරෙමින් පවතින බව උතුරු පලාත් සෞඛ්‍ය අධ්‍යක්ෂක කාර්යාලය මගින් පෙන්වා දෙයි.
මේවන විට රෝගීන් 89 දෙනෙකු නිශ්චිතව හඳුනාගෙන ඇතැයිද , හඳුනා නොගත් රෝගීන්ද තවත් උතුරු පලාතේ රෝහල්හි ප්‍රතිකාර ලබමින් සිටිය හැකි බවටද සෞඛ්‍ය කාර්යාලය කියයි.
ගෙවී ගිය මාසයකට ආසන්න කාලය තුලදී මී උණ රෝගීන් 89 දෙනා හඳුනාගත් අතරම මේ වන විටත් පේදුරුතුඩුව රෝහලේ රෝගීන් 21 දෙනෙකු සහ යපනය ශික්ෂණ රෝහලේ රෝගීන් 11 දෙනෙකු නේවාසිකව ප්‍රතිකාර ලබන අතරම ගෙවී ගිය පැය 24 ක කාලය තුලදී පේදුරුතුඩුව රෝහලට මී උණ වැළඳුනු රෝගීන් 9 දෙනෙකු සහ යපනය රෝහලට රෝගීන් 4 දෙනෙකු ඇතුලු වී ප්‍රතිකාර ලබමින් සිටින බවටද වාර්ථා පෙන්වා දෙයි.
මේ අතර මී උණ වෛරසය වැලක්වීම සඳහා ධීවර කර්මාන්තයේ යෙදෙන මිරිදිය කරදිය සියලු ධීවරයින්ට මෙන්ම , ගොවීන්ට, නගරසභා මෙන්ම ප්‍රාදේශීය සභා සනීපාරක්ෂක සේවකයින්ටද ඖෂධ මෙන්ම ප්‍රතිජීවක එන්නත් ලබාදීමේ වැඩසටහනක් ආරම්භ කර තිබේ.