දඹුල්ල ආර්ථික මධ්‍යස්ථානයේ මේ දිනවල එළවළු මිල පහල බැස ඇතැත් මාතලේ දිස්ත්‍රික්කයේ සිල්ලර එළවළු වෙළදසැල්වල එළවළු මිල සීඝ්‍ර ලෙස වැඩිකර අලෙවි කරන බවට පාරිභෝගිකයෝ චෝදනා කරති.
පසුගිය සතියේ සිට දඹුල්ල ආර්ථික මධ්‍යස්ථානයේ එළවළු කිලෝවක තොග මිල පැවතියේ පහත පරිදිය.
ගෝවා 110.00- 120.00 අතර,බෝංචි 250.00 – 320.00 අතර,නෝකොල් 40.00 – 65.00 අතර,කැකිරි 40.00 – 65.00 අතර, වැටකොළු 100.00 – 120.00 අතර,කරවිල 200.00 – 300.00 අතර,වම්බොටු 80.00 – 130.00 අතර,අමු මිරිස් 300.00 – 350.00 අතර ආදි වශයෙනි.
සමස්ථයක් ලෙස ගත් කල එළවලු සියල්ලේ තොග මිල වෙනදාට වඩා සැලකිය යුතු අන්දමින් පත බැස ඇති බව දඹුල්ල ආර්ථික මධ්‍යස්ථානය නිකුත් කරන දෛනික මිල දර්ශනයේ සදහන් වෙයි.
එවැනි පසුබිමක මාතලේ දිස්ත්‍රික්කයේ සිල්ලර එළවළු වෙළදසැල් වල එළවළු කිලෝවක සිල්ලර මිල රුපියල් 300.00, 400.00, 500.00 වැනි මිල ගනන් යටතේ අලවි කරන බවට පාරිභෝගිකයෝ චෝදනා කරති.
ප්‍රවාහන හා සෙසු වියදම් එක්කල ද එවැනි අධික මිලගනන් යටතේ සිල්ලර වෙළදුන් එලවළු අලවි කිරිම යුක්තිසහගත නොවන බව පාරිභෝගිකයින් කියා සිටිති.