ජනාධිපතිවරණයේ ප්‍රචාරණ රැස්වීමකට ගොස් මත්පැන් පානය කර නිවසට පැමිණෙමින් සිටි කීපදෙනෙකු අතර ඇතිවුණු ආරවුලක් දුර දිග යාමෙන් එක් පුද්ගලයෙකුට මොට යුධයකින් පහරදීම හේතුවෙන් තුවාල ලබා රෝහල් ගත කර සිටියදී මියගොස් ඇතැයි විල්ගමුව පොලිසිය පවසයි.
මෙසේ මියගොස් ඇත්තේ ආර්.ජී. පුෂ්පදේව (68) නැමැත්තකු බව පොලිසිය පවසයි.
මරණ කරු සහ සැකකරුවන් ජනාධිපතිවරණයේ ප්‍රචාරක රැස්වීමකට සහභාගි වී නිවෙස් බලා පැමිණෙමින් සිටියදී මත්පැන් පානය කර ඇති බව පොලිස් විමර්ශනවලදී අනාවරණය වී ඇත.
එහිදී මරණකරු සහ සැකකරුවන් අතර ඇති වූ ආරවුලක් මත පේර කනත්ත බස් නැවතුම්පොළ අසලදී සැකකරුවන් විසින් මරණ කරුට මොට යුධයකින් පහරදී ඇති අතර එහිදී තුවාල ලැබූ පුද්ගලයා රෝහල් ගත කළ ප්‍රතිකාර ලබමින් සිටියදී මියගොස් ඇතැයි පොලිසිය පවසයි.
සිද්ධිය සම්බන්ධයෙන් සැකකරුවන් දෙදෙනෙකු අත්අඩංගුවට ගෙන ඇති අතර අත්අඩංගුවට ගත් සැකකරුවන් අවුරුදු 30 හා 36 වයස්වල පසුවන විල්ගමුව ප්‍රදේශයේ පදිංචිකරුවන් බව පොලීසිය කියයි.ෙ අත්අඩංගුවට ගත් සැකකරුවන් අධිකරණයට ඉදිරිපත් කිරීමට නියමිතව තිබුණි. විල්ගමුව පොලිසිය වැඩිදුර විමර්ශන සිදු කරයි.