බදුල්ල බණ්ඩාරපුර ජයගම කලුගල්පිටිය බදුලු සිරිගම රඹුක්පොත ප්‍රදේශයට ජාතික ජල සම්පාදන හා ජලපවහන මණ්ඩලය ඊ (12) ජලය ලබා නොදිම නිසාවෙන් ඌව වෙල්ලස්ස විශ්වවිද්‍යාලයේ සරසවි සිසුන් මෙන්ම ජනතාව දැඩි අපහසුතාවට පත්වූහ.
හදිසියේ ම මෙසේ ජලය නොමැති නිසාවෙන් ඌව වෙල්ලස්ස විශ්වවිද්‍යාලයේ නේවාසිකාගාර වල සරසවි සිසුන් මෙන්ම ඒ අවට ජනතාව ජලය සොයා මංමාවත් දිගේ මෙන්ම බදුල්ල රබුක්පොත ඔයට, දියඇලි ,ලිං සොයා යන අයුරු දක්නට ලැබිණි .
මේ සම්බන්ධයෙන් සිදු කළ විමසීමකදී ජාතික ජලසම්පාදන මණ්ඩලයේ ප්‍රකාශයෙක් සදහන් කලේ ජාතික ජල සම්පාදන මණ්ඩලයේ බංඩාරපුර ජල පිරිපහදුවට ජලය ලබා දෙන බදුල්ල කුමාරසිංහ මාවතේ පිහිටි ජල පිරිපහදුවේ යන්ත්‍රයක හදිසි කාර්මික දෝශයක් ඇති වූ බවත් , එය පිළිසකර කිරිමේ කටයුතු සිදු කරන බවය.
එය පිලිසකර කිරිමෙන් අනතුරුව ජලය බෙදාහැරීමේ කටයුතු සිදු කරන බවත් , නිශ්චිත වේලාවක් පැවසීය නොහැකි බවද සදහන් කළේය .