මහියංගණය ප්‍රදේශයේ ඇඟළුම් කර්මාන්ත ශාලාවක ඊයේ (30) රාත්‍රී වැඩමුරයේ සේවය කළ සේවිකාවන් 25 දෙනකු පමණ පිරිසක් හදිසි අසාත්මිකතාවයක් හේතුවෙන් මහියංගණය මූලික රෝහලට ඇතුළත් කෙරුණු බව පොලිසිය පවසයි.
මහියංගනය ගැමුණුපුර පිහිටි ඇඟළුම් ශාලාවේ සේවය කරන සේවිකාවන් පිරිසක් මෙසේ රෝහල්ගත කර ඇති අතර මෙම අසාත්මිකතාවයට හේතුව ඔවුනට ලබාදුන් ආහාරවල ගැටලුවක් බවට සැකකෙරේ.
කර්මාන්ත ශාලාවේ නිෂ්පාදන කටයුතු මේ වන වන විට තාවකාලිකව නවතා දමා ඇති අතර මහියංගණය මහජන සෞඛ්‍ය පරීක්ෂක කාර්යාලය සහ මහියංගණය පොලිස් ස්ථානය මගින් සිද්ධිය පිළිබඳ වැඩිදුර විමර්ශන කටයුතු සිදුකරනු ලබයි.