පාපැදියෙන් රට වටා කිලෝ මීටර් 1400 ක පමණවූ දිගු ගමනක යෙදුණු දිරිය දියණිය දිවුලපිටිය මාබොදලේ පදිංචි ප්‍රතිනි සමරදිවාකර සිය සංචාරයේ දොළොස් වන දවස අවසානයේ ඊයේ 23 සන්ධ්‍යාවේ මීගමුව වෙරළ තීරයෙ තම ගමන ආරම්භ කළ ස්ථානයෙන්ම සිය ජයග්‍රාහී සවාරිය කරනු ලැබුවාය .
33 හැවිරිදි වියේ පසු වන කැළනිය විශ්ව විද්‍යාලයේ උපාධිධාරිනියක් වන ඇය පසුගිය 12 වැනිදා අලුයම 5.30 ට මීගමුව බන්ධනාගාරය අසලින් සිය ගමන ආරම්භ කළාය.
එදින ඇගේ ගමනාන්තය වූයේ කිලෝ මීටර් 155 ක දුර ගෙවමින් පුත්තලම නගරය ඔස්සේ නොච්චියාගමය.
එතැන් සිට මන්නාරම, යාපනය, මිරිසුවිල්, මුලතිව්, ත්‍රිකුණාමලය, මඩකලපුව, ආරුගම්බේ, බුත්තල, අම්බලන්තොට, ගාල්ල, ඇගේ පැපැදි ගමනේ නවාතැන් පලවල් වූයේය.
ගාල්ලෙන් පිටත්වූ ඇය පස්වරුවේ මීගමුව බන්ධනාලගාරය අසලින් සිය ගමන නිමා කළේ පුරා දින දොළහක් තිස්සේ තමන් රට වටා ගෙන ගිය පාපැදිය ඔසවා ඊට ගෞරව කරමිනි.
අනතුරුව සිය නිවසට එන ගමනේ ගම්වාසීහු ඇය පිලිගත්තේ මහත් හරසරිනි. සුප්‍රකට පාපැදි සූරයකු මෙන්ම ජාතික පාපැදි සංගමයේ සාමාජිකයකද වන බාලචන්ද්‍රන් මහතා අතින් කුසලානයක් ලබා ගන්නට ප්‍රතිනි වාසනාවන්තවූවාය.