හෙරොයින් කිලෝග්‍රෑමයට අධික ප්‍රමාණයක් සමග සැකකරුවෙකු අත්අඩංගුවට ගැනීමට වලාන දුෂණ මර්දන ප්‍රහාරක ඒකකය කටයුතු කර තිබේ.
ඊයේ (17) උදෑසන කාලයේ දී හංවැල්ල පොලිස් වසමේ බාලගේවත්ත ප්‍රදේශයේ දී වලාන දුෂණ මර්දන ප්‍රහාරක ඒකකයේ නිලධරීන්ට ලද තොරතුරකට අනුව වැටලීමක් කර හෙරොයින් කිලෝග්‍රෑම් 1ක් සහ මිලිග්‍රෑම් 3ක් සමග මත්ද්‍රව්‍ය ජාවාරම් කිරීම සඳහා යොදාගත් බවට සැක කරන ජංගම දුරකථන 3ක් සන්තකයේ තබාගෙන සිටි සැකකරුවෙකු අත්අඩංගුවට ගෙන හංවැල්ල පොලීසියට ඉදිරිපත් කර ඇත.
අත්අඩංගුවට ගත් සැකකරු අවුරුදු 42ක් වූ බ්‍රැන්ඩිගම්පල ප්‍රදේශයේ පදිංචිකරුවෙකි.
මෙම සැකකරු සන්තකයේ තිබී විවිධ බැංකුවලට අයත් බැංකු ගිණුම් පාස්පොත් 5ක් හා ඩෙබිඩ් කාඩ්පත් 4ක් ද පොලීසිය භාරයට ගෙන ඇත.
සැකකරු බන්ධනාගාර ගතව සිටින මත්ද්‍රව්‍ය ජාවාරම්කරුවෙකු විසින් මෙහෙයවනු ලබන ජාවාරම්කරුවෙකුගේ සමීපතමයෙකු බවට විමර්ශනයේදී තොරතුරු අනාවරණය වී ඇත.
සැකකරු සම්බන්ධයෙන් තවදුරටත් හංවැල්ල පොලීසිය වැඩිදුර විමර්ශන සිදුකරනු ලබයි.