ලොරි රථයක පටවා තිබූ දැව කඳන් පුද්ගලයෙකු මතට වැටීමෙන් ඔහු මියගොස් තිබේ.
අනතුර සිදුවී තිබුණේ ඊයේ (11) උදෑසන අඹගස්දෝව සපුගොල්ල ප්‍රදේශයේදීය.
අදාළ සිද්ධියෙන් බරපතළ තුවාල ලැබූ එම පුද්ගලයා ඌවපරණගම රෝහලට ඇතුළත් කිරීමෙන් අනතුරුව වැඩිදුර ප්‍රතිකාර සඳහා වැලිමඩ රෝහලට ඇතුළත් කෙරුණු අතර එහි ප්‍රතිකාර ලබමින් සිටියදී මියගොස් ඇත.
මියගොස් ඇත්තේ 46 හැවිරිදි වැලිමඩ ප්‍රදේශයේ පදිංචිකරුවෙකි.
දැව පැටවූ ලොරි රථයේ පිටුපස රෝදය කාණුවකට වැටීම හේතුවෙන් ලොරි රථයේ තිබූ දැව කඳන් ඉවත් කර රථය මාර්ගයට ගැනීමට යෑමේදී මෙම අනතුර සිදුවී ඇත.