දිවයින පුරා පවතින අයහපත් කාලගුණ තත්වය හේතුවෙන් පළාත් පහක පවුල් 3200 කට අයත් පුද්ගලයින් 10968 දෙනෙකු පීඩාවට පත්ව ඇති බව ආපදා කළමණාකරණ මධ්‍යස්ථානය කියයි.
ඒ අනුව වයඹ පළාතේ පවුල් 609 ක පුද්ගලයින් 2213දෙනෙකු සබරගමුව පළාතේ පවුල් 17 කට අයත් පුද්ගලයින් 68 දෙනෙකු, නැගෙනහිර පළාතේ පවුල් 863 ක අයත් පුද්ගලයින් 3052 ක් උතුරු පළාතේ පවුල් 1708 කට අයත් පුද්ගලයින් 5625 ක් ඌව පළාතේ පවුල් තුනකට අයත් පුද්ගලයින් 10 ක් වශයෙන් පළාත් පහක පවුල් 3200 ක පුද්ගලයින් 10968 ක් පීඩාවට පත්ව තිබේ.
ඔවුන් අතරින් අවතැන් වු පවුල් 849 කට අයත් පුද්ගලයින් 2796 දෙනෙකු ආරක්ෂිත ස්ථානවල රඳවා ඇති බවත් ආපදා කළමණාකරණ මධ්‍යස්ථානය තව දුරටත් කියයි.