වෛරසය ආසාදනය වු බවට සැක පුද්ගලයින් දෙදෙනා IDH රෝහලට

0
46

කොරෝනා වෛරසය ආසාදනය වී ඇති බවට වන සැකය මත කන්දකාඩු නිරෝධායන මධ්‍යස්ථානයේ සිටි පුද්ගලයෙකු සහ සෝමාවතිය වන්දනාවේ නිරත වූ පුද්ගලයෙකු පොළොන්නරුව රෝහලට අද(12) ඇතුළත් කෙරුණි.

රෝහල් අධ්‍යක්ෂ වෛද්‍ය සම්පත් ඉන්දික කුමාර මහතා පැවසුවේ ඔවුන් දෙදෙනා අංගොඩ ජාතික බෝවන රෝග විද්‍යාතන වෙත මාරුකර යැවීමට පියවර ගන්නා බවයි.

ඉතාලියේ සිට පැමිණ කන්දකාඩු නිරෝධායනය මධ්‍යස්ථානයේ සිට පොළොන්නරුව රෝහල වෙත ඇතුළත් කළ පුද්ගලයා 43 හැවිරිදි කඩවත ප්‍රදේශයේ පදංචිකරුවෙක්.

මේ අතර නිරෝධායන කාලසීමාව ආරම්භයට පෙර ඉතාලියේ සිට මෙරටට පැමිණ සෝමාවතිය වන්දනාවේ පැමිණ රෝගාතුර වූ පුද්ගලයෙකුද කොරෝනා වෛරසය ආසාදනය වී ඇතැයි සැකපිට අද පොලොන්නරුව රෝහලට ඇතුලත් කළේය.

ඔහු පනස් හැවිරිදි හෝමාගම පදිංචිකරුවෙක්.

පොළොන්නරුව රෝහල් අධ්‍යක්ෂ වෛද්‍ය සම්පත් ඉන්දික කුමාර මහතා පැවසුවේ ඔවුන් දෙදෙනා අංගොඩ ජාතික බෝවන රෝග විද්‍යාතන වෙත මාරුකර යැවීමට පියවර ගන්නා බවයි.

මේ අතර කොරෝනා වෛරසය ආසාදනය වූ බවට මෙරටදී හඳුනාගත් පළමු ශ්‍රී ලාංකිකයා‍ තවදුරටත් අංගොඩ ජාතික බෝවන රෝග විද්‍යාතනයේ ප්‍රතිකාර ලබයි.

මේ අතර කොරෝනා වෛරසය වැළඳී ඇති බවට සැකකෙරෙන පුද්ගලයින් 19 දෙනෙකු මේ වන විට දිවයිනේ රෝහල් කිහිපයක ප්‍රතිකාර ලබන බව වසංගත රෝග විද්‍යා අංශය පවසයි.