කඩවත – දවටගහවත්ත ප්‍රදේශයේදී ඊයේ (18) සිදු කළ වෙඩි තැබීමක් හේතුවෙන් පුද්ගලයෙකු රාගම රෝහල වෙත ඇතුලත් කර තිබෙනවා.
අදාළ පුද්ගලයා වයස අවුරුදු 50 ක් වූ සූරියපාළුව, කඩවත ප්‍රදේශයේ පදිංචිකරුවෙක්.
ඔහු නිවස අසල මාර්ගයේ රැඳි සිටිය දී ඔහුගේ වැඩිමහල් සහෝදරයෙකු හා පුත්‍රයා සමඟ පැමිණි තවත් පුද්ගලයෙකු මෙසේ වෙඩි තබා එම ගිනි අවියෙන් ම අදාළ පුද්ගලයාට හා ඔහුගේ බිරිඳට පහර දී තිබෙන බවයි වාර්තා වන්නේ
ඉඩම් ආරවුලක් හේතුවෙන් මෙම වෙඩි තැබීම කර ඇති බවයි මූලික පොලිස් විමර්ශනවල දී අනාවරණය වී තිබෙනවා.
අපරාධය සඳහා පැමිණි සැකකරුවන් තිදෙනා, වෙඩි තැබීම සඳහා යොදා ගත් රයිෆල් වර්ගයේ ගිනි අවිය සහ සැකකරුවන් පැමිණි ත්‍රිරෝද රථය අත්අඩංගුවට ගත් බවයි පොලිසිය සඳහන් කළේ.
සැකකරුවන් අවුරුදු 56, 20 සහ 25 වයස්වල පසුවන ගනේමුල්ල සහ යක්කල ප්‍රදේශවල පදිංචිකරුවන්.
ඔවුන් අද (19) අද මහර මහේස්ත්‍රාත් අධිකරණය වෙත ඉදිරිපත් කිරීමට නියමිතයි.