ශ්‍රී ලංකා බලධාරීන් තීරණාත්මක ප්‍රතිපත්තිමය ක්‍රියාමාර්ග ගැනීමේදී සහ ඔවුන්ගේ ප්‍රධාන ණය හිමියන්ගෙන් මූල්‍ය සහතික ලබා ගැනීමේදී ලබා ඇති ප්‍රගතිය සාදරයෙන් පිළිගන්නා බව ජාත්‍යන්තර මූල්‍ය අරමුදලෙ කළමණාකරණ අධ්‍යක්ෂිකා ක්‍රිස්ටලිනා ජෝර්ජියෝවා මහත්මිය පවසයි.
සිය ට්විටර් ගිණුමෙන් ඇය පවසන්නේ චීනය, ඉන්දියාව සහ පැරිස් සමාජය යන ණය හිමියන්ගෙන් මූල්‍ය සහතික ලබා ගැනීමේදී ශ්‍රී ලංකාව ප්‍රගතියක් ලබාගෙන ඇති බවයි.
ඒ අනුව විස්තීර්ණ මූල්‍ය පහසුකම් වැඩසටහන ජාත්‍යන්තර මූල්‍ය අරමුදලේ මීළඟ අධ්‍යක්ෂ මණ්ඩල රැස්වීම පැවැත්වෙන මාර්තු 20දා ඉදිරිපත් කිරිමට කටයුතු කරන බවත් ඇය සිය ට්විටර් ගිණුමෙන් පවසයි.