රට තුළ ඖෂධ හිඟයක් ඇතිවීමට ප්‍රධාන හේතුවක් ඖෂධ නියාමන අධිකාරීයට බලපෑම් කරන ඇතැම් විශේෂඥයින් ඉන්දියන් ඖෂධ විරෝධයක් නිර්මාණය කිරීම සහ සෞඛ්‍ය ඇමතිවරයා අනවශ්‍ය ඉන්දීය පක්ෂපාතීත්වයක් පෙන්වීම බව සෞඛ්‍ය වෘත්තීයවේදීන්ගේ විද්වත් සංගමයේ සභාපති රවී කුමුදේෂ් මහතා පැවසීය.
ඖෂධවල තත්වය පිළිඳව වගකීම කිසිසේත්ම සෞඛ්‍ය ඇමතිවරයාට හෝ සෞඛ්‍ය අමාත්‍යාංශයට බාරගත නොහැකි අතර එය සම්පූර්ණයෙන්ම ඖෂධ නියාමන අධිකාරීයේ වගකීමක් බව කී කුමුදේෂ් මහතා අධිකාරියේ තාක්ෂණික මතය හසුරවන ඇතැම් විශේෂඥයින්, තාක්ෂණික තීරණවලට වඩා පෞද්ගලික තීරණ මත කටයුතු කිරීමෙන් අඩු මිලට ගත හැකි ඖෂධ හා ප්‍රතික්‍රීයක ලබා ගැනීමට බාධාවක් නිර්මාණය වී ඇති බව ද සඟන් කළේය.
ලියාපදිංචිය නොකල ඖෂධයක වගකීම සෞඛ්‍ය ඇමතිවරයාට, අමාත්‍යාංශයට හෝ මොනම ආකාරයක විශේෂඥ වෛද්‍යවරයෙකුට හෝ වෙනත් කිසිවෙකුට හෝ භාරගත නොහැකි අතර පෞද්ගලික අවශ්‍යතා මත පාර්ශව දෙකම සෞඛ්‍ය සේවාව අමාරුවේ දමමින් සිටින බවත් රවී කුමුදේෂ් මහතා වැඩි දුරටත් කීය.