මත්ද්‍රව්‍ය නිවාරණ කමිටු පිහිටුවිමට සියලු රාජ්‍ය ආයතන වෙත චක්‍රලේඛයක් නිකුත් කරන බව ම මහජන ආරක්ෂක සහ පාර්ලිමේන්තු කටයුතු පිළිබඳ අමාත්‍ය ආනන්ද විජේපාල මහතා ඊයේ කළුතර දී පැවසිය.
සියලු ආයතන ප්‍රධානින් සිය ආයතන මත්ද්‍රව්‍ය වලින් තොර කලාප බවට පත්කිරීමට කටයුතු කළ යුතුය . එය ඔවුන්ගේ වගකිම වාර්තා වෙලා තියෙනවා ඇතැම් රාජ්‍ය ආයතනවල මත්ද්‍රව්‍යවලට ගොදුරු වූ පිරිස් ඉන්නවා කියල.
මත්ද්‍රව්‍ය වලට ගොදුරු වූ පිරිස් ඉන්නවා නම් ඔවුන් පුනරුත්ථාපන කිරිම මෙන්ම ජාවාරම් කරුවන් සිටීනම් විනය ක්‍රියාමාර්ග ගෙන පොලිසියට භාරදිය යුතුයි.
හෙට දිනයේ අධ්‍යාපන ලේකම්වරයා හරහා සියලු පාසල් විශ්ව විද්‍යාල සහ සියලු අධ්‍යාපන ආයතනවලට මෙවැනි මත්ද්‍රව්‍ය නිවාරණ කමිටු පිහිටුවන්න කියල චක්‍රලේඛයක් නිකුත් කරනවා.
මේවා සම්ප්‍රදායික කමිටුවෙන්න බෑ විදුහල්පති හෝ ආයතන ප්‍රධානියා වගබලා ගන්න ඕන තමන්ගේ ආයතනය මත්ද්‍රව්‍ය වලින් තොර කලාපයක් බවට.
උදෑසන රැස්වීමේ මේ ගැන කතාකරන්න ඕන . කමිටු හදන්න ඕන. ගුරුවරුන් ශිෂ්‍ය නායක නායිකාවන් එක්ව සක්‍රීය කමිටු හදල පාසල තුල ස්ථාපිත කරන්න අවශ්‍යයි.
පාසල් දරුවන් මත්ද්‍රව්‍ය භාවිතයට ඇබ්බැහි වෙලා තියෙනවා. ඉහලම පාසලේ සිට ගම්බද පාසල් වල දක්වා දරුවන් මේ මත්ද්‍රව්‍යවලට ඇබ්බැහිවී ඇති බවට තොරතුරු වාර්තා වෙලා තියෙනවා .
අපි පාසල් වල මේ වනතුරු වැටලීම් කරල නෑ. පොලිස්පති වරයාට කියන්න ඕන අවශ්‍ය නම් පොලිස් සුනඛයන් දෙන්නම් පාසල්වලට මත්ද්‍රව්‍ය පැමිණෙන මාර්ග වල වැටලීම් කරන්න කියල.ඒ නිසා ජනාධිපති ලේකම් වරයාට උපදෙස් දුන්නා චක්‍රලේඛයක් නිකුත් කරන්න කියලා සමාජ සවිබල ගැන්වීමේ ලේකම් වරයා වෙත මේ වනවිට ලියාපදිංචි වී ඇති රාජ්‍ය නොවන සංවිධාන 1200 ක් වෙත මේ උපදෙස් දෙන්න කියල.