විදේශ ගතව සිටින ශ්‍රී ලාංකිකයන් පසුගිය සැප්තැම්බර් මාසයේදී මෙරටට ඇමෙරිකානු ඩොලර් මිලියන 695.7 ක මුදල් ප්‍රමාණයක් මෙරටට එවා ඇති බවත් එය පසුගිය වසරේ සැප්තැම්බර් මාසයට සාපේක්ෂව සියයට 25.2 ක වර්ධනයක් බවත් ශ්‍රී ලංකා මහ බැංකුව නිකුත් කළ නවතම දත්ත වාර්තාවල දැක්වේ.
ඒ අනුව මෙම වසරේ පළමු මාස 9 තුළ විදේශ ගතව සිටින ශ්‍රී ලාංකිකයන් මෙරටට ඇමෙරිකානු ඩොලර් බිලියන 5.81 ක මුදල් ප්‍රමාණයක් ඒවා ඇති බවත් එය පසුගිය වසරේ පළමු මාස 9 ට සාපේක්ෂව සියයට 20 ක වර්ධනයක් බවත් ශ්‍රී ලංකා මහ බැංකුවේ දත්ත වාර්තා පෙන්වා දුන්නේය.
පසුගිය වසරේ සැප්තැම්බර් මාසයේදී විදේශගතව සිටින ශ්‍රී ලාංකිකයන් මෙරටට ඇමෙරිකානු ඩොලර් මිලියන 555.6 ක සහ පසුගිය වසරේ පළමු මාස 9 දී ඇමෙරිකානු ඩොලර් බිලියන 4.84 මුදල් ප්‍රමාණයක් මෙරටට ඒවා තිබිණි. 2018 වසරින් පසුව වසරක් තුළ ශ්‍රී ලංකාවට ලැබුණු ඉහළ විදේශ ප්‍රේෂණ ප්‍රමාණය පසුගිය වසරේදී මෙරටට ලැබී තිබූ අතර විදේශ ගතව සිටින ශ්‍රී ලාංකිකයන් පසුගිය වසරේදී ඇමෙරිකානු ඩොලර් බිලියන 6.57 ක මුදල් ප්‍රමාණයක් මෙරටට ඒවා තිබුණේය. එය 2023 වසරට සාපේක්ෂව සියයට 10.1 වර්ධනයක් විය.
වත්මන් ප්‍රවණතාව අනුව ශ්‍රී ලංකාවට එම ඉලක්කය මෙම වසරේදී පහසුවෙන් පසුකර යාමට හැකියාව ලැබෙනු ඇතැයි පැවැසෙයි.