අතීතයේ සිද්ධ වුණ දේවල් ගැන කතා කරමින් කාලය අපතේ යැවීම අපරාධයක් බව අධ්‍යාපන, උසස් අධ්‍යාපන හා වෘත්තීය අධ්‍යාපන අමාත්‍ය, අග්‍රාමාත්‍ය ආචාර්ය හරිනි අමරසූරිය මෙනවිය පැවසුවාය.
අදාල කාර්ය කොතනින් හෝ පටන් ගැනීම ඉතාම වැදගත් බව කී අග්‍රාමාත්‍යවරිය පසුගිය රජයන් වලදී බොහෝ රජයේ ආයතන වල තීන්දු තීරණවලට හේතුව දේශපාලන අධිකාරීයේ බලපෑම බව සඳහන් කළාය.
2026 සිට ක්‍රියාත්මක කිරීමට නියමිත අධ්‍යාපන ප්‍රතිසංස්කරණ පිළිබඳව විදුහල්පති සහ ගුරු සංගම් සමග බත්තරමුල්ල ඉසුරුපාය අධ්‍යාපන අමාත්‍යංශයේ පැවති සාකච්ඡාවකදී අග්‍රාමාත්‍යවරිය මේ බව ප්‍රකාශ කළාය.
මෙම සාකච්ඡාවට අධ්‍යාපන අමාත්‍යංශ ලේකම් නාලක කලුවැව, ජාතික අධ්‍යාපන ආයතනයේ අධ්‍යක්ෂ ජනරාල් මංජුලා විදානපතිරණ, ජාතික අධ්‍යාපන කොමිසමේ සභාපති මහාචාර්ය සරත් ආනන්ද මහත්ම මහත්මීහු විදුහල්පති සහ ගුරු සංගම්වල සාමාජිකයෝ මීට සහභාගී වූහ.