සිරි දළදා වන්දනාවට සහභාගි වන බැතිමතුන් සදහා කොළඹ කොටුව හා මහනුවර අතර ක්‍රියාත්මක කළ විශේෂ දුම්රිය සේවා අද (24) සිට නැවත දැනුම් දෙන තුරු නතර කිරීමට දුම්රිය දෙපාර්තමේන්තුව තීරණය කර තිබේ.
පොලීසියේ ඉල්ලීම පරිදි මෙම තීරණය ගෙන ඇතැයි දෙපාර්තමේන්තුව පවසයි.
සිරි දළදා වන්දනාව වෙනුවෙන් පසුගිය 18 දා සිට කොටුව හා මහනුවර අතර විශේෂ දුම්රිය ගමන් වාර හයක් ක්‍රියාත්මක කෙරුණු අතර එම විශේෂ දුම්රිය ලබන 28 දක්වා ක්‍රියාත්මක කිරීමට කලින් තීරණය කර තිබුණි.