රත්මලාන ප්‍රදේශයේ ඉඩමක් සහ නිවෙසක් 3,40,00000 මිලදී ගැනීම සම්බන්ධයෙන් මුදල් විශුද්ධිකරණ පනත යටතේ අත්අඩංගුවට ගත් හිටපු ජනපති මහින්ද රාජපක්ෂ මහතාගේ පුත් යෝෂිත රාජපක්ෂ මහතා ලබන 27 වැනි දා තෙක් රිමාන්ඩ් බාරයේ තබන්නැයි අලුත්කඩේ අංක 5 අතිරේක මහේස්ත්‍රාත් පවිත්‍රා සංජීවනී මහත්මිය අද සවස නියෝග කළාය.
සැකකරු ලබන 27 වැනි දා අධිකරණයට ඉදිරිපත් කරන ලෙස එදින විමර්ෂණවල ප්‍රගතිය අධිකරණයට දන්වන ලෙස ද මහේස්ත්‍රාත්වරිය නියෝග කළාය.
නීතිපතිවරයාගේ උපදෙස් මත අපරාධ පරීක්ෂණ දෙපාර්තමේන්තුව සැකකාර යෝජිත රාජපක්ෂ අද පෙරවරුවේ බෙලිඅත්තේ අධිවේගි පිවිසුම අසලදී අත්අඩංගුවට ගෙන ඇත.
එම ඉඩම මිලදී ගැනීම සඳහා මුදල් ලැබුණු ආකාරය පැහැදිලි ලෙස තහවුරු කිරීමට නොහැකිවීම නිසා යෝෂිත රාජපක්ෂ අත්අඩංගුවට ගත්තේය.