ආණ්ඩුව රට ‘ක්ලීන්’ කරනවා නම් පළමුවෙන්ම ප්‍රධාන පොරොන්දුවක් වූ වංචා, දූෂණ සහ අක්‍රමිකතා පිළිබඳ ගැටලුව ‘ක්ලීන්’ කළ යුතු බවත් ඉන්දියාව සහ ශ්‍රී ලංකාව අතර වැඩියෙන් ගෙවීමට සිදුව ඇති රුපියල් කෝටි 300 ක් වැඩිපුර ගෙවීම පිළිබඳ ප්‍රශ්නය ‘ක්ලීන්’ කළ යුතු බවත් හිටපු අමාත්‍ය ආචාර්ය බන්දුල ගුණවර්ධන මහතා ඊයේ (6) පැවසීය.
ආචාර්ය බන්දුල ගුණවර්ධන මහතාගේ නුගේගොඩ පිහිටි නිවසේදී විශේෂ මාධ්‍ය හමුවක් පවත්වමින් එසේ කීය.
විවිධ දේවල් මඩේ ඔබමින් සංදර්ශන පවත්වනවා වෙනුවට එක් එක් කරුණු නිෂ්චිත වශයෙන් රටට ඉදිරිපත් කර නිමකළ යුතු බවත් ඒ සඳහා අවශ්‍ය සම්පූර්ණ බලය ජනතාව ආණ්ඩුවට දී ඇති බවත් ඒ මහතා සඳහන් කළේය.
ජනතාව වර්තමාන ආණ්ඩුවට තුණෙන් දෙකක බගයක් සහිත පාර්ලිමේන්තුවක් දී තිබීම නිසා ඕනෑම නීතියක් වෙනස්කිරීමේ හැකියාව තිබෙන බව කී බන්දුල ගුණවර්ධන මහතා චීනයත් ශ්‍රී ලංකාව අතරින් ශ්‍රී ලංකාව ඉන්දියාවෙන් ක්ලීන් කර පෙන්වන ලෙස අභියෝග කරන බව ද වැඩි දුරටත් සඳහන් කළේය.