අනුරාධපුර අධ්‍යාපන කලාපයේ පාසල් 28 ක අධ්‍යාපන පොදු සහතික සාමන්‍ය පෙළ අධ්‍යාපනය ලබන පාසල් සිසුන් වෙනුවෙන් ගණිතය විෂය සදහා පැවැත්විමට යෝජිතව තිබු ගණිත කදවුරැ නොපවත්වා කුඨ ලේඛණ ඉදිරිපත් කරමින් රැපියල් ලක්ෂ හයකට අධික මුදලක් අවභාවිතා කිරිම සම්බන්ධයෙන් අනුරාධපුර කලාප අධ්‍යාපන අධ්‍යක්ෂවරියකට විරුද්ධව උතුරැ මැද පළාතේ ප්‍රධාන ලේකම් වරුණ සමරදිවාකාර මහතා විනය පරික්ෂණයක් ආරම්භ කළේය.
මේ සම්බන්ධයෙන් චෝදනා පහක් සහිත චෝදනා පත්‍රයක් උතුරු මැද පළාතේ ප්‍රධාන ලේකම් වරුණ සමරදිවාකාර මහතා විසින් අංක NCP/CS/ED/15/111/2/40 හා 2024.07.16 දිනැති ආවරණ ලිපිය සමග අනුරාධපුර කලාප අධ්‍යාපන අධ්‍යක්ෂවරියකට විරුද්ධව ගොණු කොට තිබේ.
අනුරාධපුර අධ්‍යාපන කලාපයේ පාසල් 28 ක මධ්‍යස්ථාන 30 කදි අධ්‍යාපන පොදු සහතික සාමන්‍ය පෙළ අධ්‍යාපනය ලබන පාසල් සිසුන් වෙනුවෙන් ගණිතය විෂයේ ප්‍රතිඵල ඉහළ නැංවිමේ අරමුණින් නවීකරණ ව්‍යාපාතියේ යටතේ 2022.10.17 දින සිට 2022.10.26 දින දක්වා ගණිත කදවුරු පැවැත්විමට පළාත් අධ්‍යාපන අමාත්‍යාංශය මගින් සැළසුම් කෙට තිබුණි.
එහෙත් සැළසුම් කළ පරිදි අදාල කාල සිමාව තුළ මෙම ගණිත කදවුරු පාසල් 14 ක පමණක් පවත්වා අනෙක් පාසල් 14 කද පැවැත්වු බවට ව්‍යාජ ලේඛන ඉදරිපත් කොට මුදල් අවභාවිතා කිරිම බරපතල වරදක් බවද ප්‍රධාන ලේකම්වරයා විසින් කලාප අධ්‍යාපන අධ්‍යක්ෂකවරියට යවන ලද චෝදනා පත්‍රයේ සදහන්ය.
මෙම ගණිත කදවුර පැවැත්විම සදහා අවශ්‍යව තිබු කාර්ය පත්‍රික මුද්‍රණය කළ බවට ව්‍යාජ බිල්පත් ඉදිරිපත් කොට රුපියල් එක්ලක්ෂ විසිපන්දහසක මුදලක්ද අවභාවිතා කොට ඇති බවටත් ප්‍රධාන ලේකම්වරයාගේ චෝදනා පත්‍රයේ සදහන් කොට තිබේ.
මීට අමතරව මෙම ගණිත කදවුරු පැවැත්වමට සම්පත් දායකත්වය ලබාදුන් ගුරුවරුන්ට හා අධික්ෂණ නිලධාරින්ට දිමනා ලබාදුන් බවට ව්‍යාජ ලේඛණ ඉදිරිපත් කොට ඇති බවත් ප්‍රධාන ලේකම්වරයාගේ චෝදනා පත්‍රයේ සදහන්ය.