ආරක්ෂක මාණ්ඩලික ප්‍රධානී ජෙනරාල් ශවේන්ද්‍ර සිල්වා මහතා (1) දා සිට විශ්‍රාම යාමට නිමිතව ඇති බව ආරක්ෂක අමාත්‍යාංශය පවසයි.
2022 වසරේ ජූනි 1 වැනිදා සිට ජනරාල් ශවේන්ද්‍ර සිල්වා මහතා 8 වැනි ආරක්ෂක මාණ්ඩලික ප්‍රධානී තනතුරට පත්වූ අතර 41 වසරක යුද හමුදාවට නොමැකෙන සේවයක් ඉටු කරනු ලැබීය.
ජනරාල් ශවේන්ද්‍ර සිල්වා මහතා යුද හමුදා ඉතිහාසයේ 23 වැනි හමුදාපතිවරයා ලෙස ද කටයුතු අතර ජනරාල් නිලයෙන් යුද හමුදාපතිවරයා ලෙසත් ආරක්ෂක මාණ්ඩලික ප්‍රධානීවරයා ලෙසත් කටයුතු කළ එකම නිලධාරියා ද විය.
දෙවන ලුතිතන්වරයකු ලෙස යුද හමුදා සේවයට එක්වන ශවේන්ද්‍ර සිල්වා මහතා මාණ්ඩලික, උපදේශන, අණදෙන සහ රාජ්‍ය තාන්ත්‍රික යන අංශවල කැපී පෙනෙන පත්වීම් ආවරණය කරමහින් ක්‍රමයෙන් උසස්වීම්වලට හිමිකම් කීය.
උතුරු නැගෙනහිර යුද සමයේ 58 වැනි සේනාංකය මෙහෙයවීම තුළින් ත්‍රස්තවාදීන්ට එරෙහි යුද්ධය සාර්ථක ජයග්‍රහණයක් කරා රැගෙනයාමට හැකිවිය.
එමෙන්ම ඔහු ගජබා බළකාය, කමාන්ඩෝ බළකාය සහ විශේෂ බළකාය කර්නල් සේනාවිධායක ලෙසද, 58 වැනි බලකායේ සේනාංකාධිපතිවරයා ලෙස ද කටයුතු කරමින් වන්නි මානුෂීය මෙහෙයුම 2009 වසරේදී ජයග්‍රහණය කරා රැගෙන එමින් ලංකාවට සාමය ගෙනදීමට දායකවූ යුද හමුදා නායකයකු ලෙස හැදින්විය හැකිය.
උතුරු නැගෙනහිර යුද්ධයෙන් අනතුරුව යුද හමුදාවේ ජනරාල් නිලයට උසස්වීම ලැබූ ලාබාලතමයා වූ ශවේන්ද්‍ර සිල්වා මහතාය.
2010 වසරේදී ජනරාල් ශවේන්ද්‍ර සිල්වා මහතා සක්‍රීය සේවයේ ඇමෙරිකාවේ නිව්යෝර්ක් හි එක්සත් ජාතීන්ගේ ශ්‍රී ලංකාවේ තානාපති සහ නියෝජ්‍ය නිත්‍ය නියෝජිතයා ලෙස ද කටයුතු කළේය.
2019 වසරේ ඇති වූ කොරෝනා වසංගතය මර්දනය කිරීම සදහා ඇති කළ කොවිඩ් මර්දන ඒකකයේ ප්‍රධානියා ලෙසත් ,හරිත ව්‍යාපෘතියේ ප්‍රධානියා ලෙසත්, යුද හමුදාවේ පදක්කම් 20 ක් ලබාගනිමින් දැනට වැඩිම පදක්කම් ලාභියා ලෙසත් ජෙනරාල් ශවේන්ද්‍ර සිල්වා මහතා යුද හමුදාවේ කීර්තියක් දිනාගෙන ඇත.