බීමත්ව අශෝභන ලෙස හම්බන්තොට නගරයේ හැසුරුණු පුද්ගලයෙක් අත් අඩංගුවට ගැනීමට ගිය හම්බන්තොට පොලිසියේ නිළධාරීන්ට අඩන්තේට්ටම් කළ පුද්ගලයින් නව දෙනෙකු අත් අඩංගුවට ගත් බව හම්බන්තොට මූලස්ථාන පොලිසිය කියයි.
ඊයේ (28) දින හම්බන්තොට සති පොල පැවැති අවස්ථාවේ දි බස් නැවතුම්පල ඉදිරිපිට පුද්ගලයෙක් බිමත් කමින් නගරයේ අශෝභන ලෙස හැසිරෙන බවට 119 දුරකතන ඇමැතුමක් ලැබි ඇති හෙයින් අදාළ පුද්ගලයා අත් අඩංගුවට ගැනීමට හම්බන්තොට මූලස්ථාන පොලීසියේ නිළධාරීන් එම ස්ථානයට ගොස් ඇත.
බීමත්කමින් සිටි පුද්ගලයා අත් අඩංගුවට ගැනිමට කටයුතු කිරීමේ දි අවට සිටි පුද්ගලයින් පිරිසක් පොලිස් නිළධාරින්ගෙ රාජකාරියට බාධාවන සේ අත් අඩංගුවට ගත් පුද්ගලයා පොලිසියෙන් මුදවා ගැනීමට කළහකාරි ලෙස හැසිරී ඇති බව හම්බන්තොට මූලස්ථාන පොලිසියේ වැඩබලන ස්ථානාධිපති ප්‍රධාන පොලිස් පරීක්ෂක ප්‍රසන්න කුමාර රණවීර මහතා කීය.
කළහකාරී ලෙස හැසුරුනු පුද්ගලයින් සමග පොලිස් නිළධාරින් පොර බැදීමේ දි පොලිස් පරීක්ෂක වරයෙකුට සීරීම් තුවාල සිදුවී ඇත.