බදුල්ල සිට කොළඹ කොටුව බලා ධාවනය වූ අංක 1016 උඩරටමැණිකේ සහ නානුඔය සිට කොළඹ කොටුව බලා ධාවනය වන අංක 1024 දරන ටිකිරිමැණිකේ දුම්රිය න් වල එන්ජින් වල හදිසියේ ඇති වූ කාර්මික දෝශයක් නිසාවෙන් අද (18) උදෑසන එම දුම්රියන් දෙකම අතරමග ඇණහිටිමෙන් උඩරට දුම්රිය මාර්ගයේ බදුල්ල කොළඹ කොටුව අතර දුම්රිය ධාවනය බාධා සිදු වූ බව නාවලපිටිය දුම්රිය පාලක මැදිරිය පවසයි.
බදුල්ල දුම්රිය ස්ථානයෙන් කොළඹ කොටුව බලා අලුයම 5.50 ට ගමන් ආරම්භ කළ අංක 1016 දරන උඩරටමැණිකේ දුම්රිය බදුල්ල සහ හාලිඇල දුම්රිය ස්ථාන අතර අතරමගදී එහි එන්ජිමේ ඇති වූ කාර්මික දෝශයක් නිසාවෙන් ඇණහිටයේය.
පසුව එම දුම්රියේ අනික් එන්ජිම මගින් දුම්රිය යලි බදුල්ල දුම්රිය ස්ථානය කරා ධාවනය කර කාර්මික දෝශයකට ලක්ව තිබූ දුම්රිය එන්ජිම පිළිසකර කර යලි බදුල්ල දුම්රිය ස්ථානයෙන් පැය දෙකක පමණ ප්‍රමාදයකින් අනතුරුව අංක 1016 දරන උඩරටමැණිකේ දුම්රිය පෙරවරු 7.57. ට කොළඹ කොටුව බලා ධාවනය වූ බවත් නාවලපිටිය දුම්රිය පාලක මැදිරිය සඳහන් කළේය.
මේ අතර නානුඔය දුම්රිය ස්ථානයෙන් උදෑසන 6.00ට කොළඹ කොටුව බලා ගමන් ආරම්භ කළ අංක 1024 දරන ටිකිරිමැණිකේ දුම්රියේ එන්ජිම උඩරට දුම්රිය මාර්ගයේ කොටගල සහ තලවාකැලේ දුම්රිය ස්ථාන අතර දුම්රිය මාර්ගයේ දී හදිසි කාර්මික දෝශයකට ලක්ව දුම්රිය අතරමග ඇණහිටි බවද දුම්රිය දෙපාර්තමේන්තුව පැවසීය .
පසුව එම දුම්රිය යලි පිළීසකර කර ප්‍රමාද වී කොළඹ කොටුව බලා ධාවනය කල බවද නාවලපිටිය දුම්රිය පාලක මැදිරියේ ප්‍රකාශයකු සඳහන් කළේය.