මනුෂ්‍ය ඝාතන දෙකක් සම්බන්ධයෙන් චෝදනා ලද පුද්ගලයකුගේ වැල්ලම්පිටිය වේරගොඩ කැලණිතිස්සගම නිවස වටලා සිදු කළ සෝදිසි මෙහෙයුමකදී සඟවා තිබූ තියුණු ආයුධ තොගයක් සමඟ අත්අඩංගුවට ගත් බව කොළඹ අපරාධ කොට්ඨාසය කියයි.
එම නිවස තුළ සඟවා තිබූ කඩු දෙකක් සහ මන්නා පිහියක් පොලිස් භාරයට ගෙන ඇත.
අත්අඩංගුවට ගත් සැකකරුගෙන් සිදු කරන ලද ප්‍රශ්න කිරීමේදී තියුණු ආයුධ ළඟ තබා ගැනීම සම්බන්ධයෙන් සාධාරණ පිළිගත හැකි කරුණක් ඉදිරිපත් කිරීමට සැකකරු අපොහොසත් වු බව පොලිසිය සඳහන් කරයි.
අත්අඩංගුවට ගත් සැකකරු ගෑන්ඩ්පාස් පොලිස් වසමේ මනුෂ්‍ය ඝාතන දෙකකට සෘජුවම සම්බන්ධව රිමාන්ඞ් භාරයට පත්ව ඇප මත සිටින්නෙක් බව පොලිසිය සඳහන් කරයි.
මහා පරිමාණ මත්ද්‍රව්‍ය ජාවාරම්කරුවෙක් වන විදේශ ගතව සිටින කසුන් නැමැත්තාගේ සමීපතමයෙක්ද වන සැකකරු අපරාධ රැසකට සම්බන්ධ පුද්ගලයෙක් බවත් පොලිසිය කියයි