මිරිහාන මාදිවෙල වෙල්සිරිපුර ප්‍රදේශයේ ත්‍රිරෝද රථ අලුත් වැඩියා කරන ආයතනයක් ආසන්න මාර්ගයේ කාණුවක් තුළ සැක සහිත අයුරින් මියගිය පුද්ගලයෙකුගේ මළ සිරුරක් හමු වූ බව මිරිහාන මූලස්ථාන පොලිසිය කියයි.
මෙලෙස මියගොස් ඇත්තේ කෝට්ටේ මාදිවෙල ප්‍රගතිපුර පදිංචිව සිටි ගී කියන ගේ මනෝජ් ප්‍රියන්ත සිල්වා 55 යන ත්‍රිරෝද රථ රියදුරකු බව හඳුනාගෙන ඇතැයි පොලසිය පවසයි.
මළ සිරුර කාණුව තුළ මුනින් අතට වැටී තිබූ බවත් ඔහු පැදවූ ත්‍රී රෝද රථයද එම ස්ථානයේ තිබූ බවත් පොලිසිය සඳහන් කරයි.
මියගිය පුද්ගලයාගේ බිරිඳ සහ දරුවන් පැමිණ මළ සිරුර හඳුනාගත් බවත් පොලිස් නිලධාරියකු පැවසීය.