පෑලියගොඩ මධ්‍යම මත්ස්‍ය වෙළද සංකීර්ණයට කැට අයිස් සැපයීමේ ටෙන්ඩරය ගත් සමාගම ව්‍යාජ ආයතනයක නමක් ඉදිරිපත් කරමින් එම ටෙන්ඩරය ලබාගෙන ඇතැයි ධීවර අමාත්‍යංශයේ ලේකම් නිශාන්ත වික්‍රමසිංහ මහතාට පැමිණිල්ලක් ලැබී ඇතැයි එම අමාත්‍යාංශයේ උසස් නිලධාරියෙක් පැවසීය.
පෑලියගොඩ මධ්‍යම මත්ස්‍ය තොග වෙළද සංකීර්ණයට පෞද්ගලික සැපයුම්කරුවන්ගෙන් අයිස් ගැනීමට 2021 වසරේ අප්‍රේල් මාසයේ ටෙන්ඩර් කැඳවූ බවත් ඒ සදහා ලංසු ඉදිරිපත් කළ සමාගම් හතරෙන් සමාගමක් තෝරාගත් බවත් එම නිලධාරියා කීය.
තෝරාගත් එම සමාගම දෛනිකව කිලෝග්‍රෑම් පනහ ප්‍රමාණයේ කැට අයිස් 6800 ක් සැපයිය හැකි යැයි වෙන්ප්පුව ප්‍රදේශයේ සමාගමක නමකින් ප්‍රකාශ කර තිබූ බවත් එම ස්ථානයේ එවැනි සමාගමක් නොමැති බවට පැමිණිල්ලේ සඳහන්ව ඇති බවත් එම නිලධාරියා පැවසීය.