කිසිදු ලේඛනයක් ඉදිරිපත් නොකර ජංගම දුරකථනය ඔස්සේ මාර්ගගත ක්‍රමයට ණය ලබාගෙන නොගෙවා පැහැර හැරි පුද්ගලයන් සියයකට අධික පිරිසකට එරෙහිව ඔන්ලයින් සමාගම් මගින් කොළඹ දිසා අධිකරණයේ නඩු පැවරීය.
කොළඹ 07,OnCredit online සමාගම විසින් කොළඹ ,ගම්පහ,කළුතර, හම්බන්තොට, ගාල්ල, මාතර,බෙලිඅත්ත,අවිස්සාවේල්ල, කෑගල්ල ,මාවනැල්ල පොළොන්නරුව ,හඟුරන්කෙත, මන්නාරම, පුත්තලම, ඇතුළු දිවයිනේ විවිධ ප්‍රදේශවල පදිංචි පුද්ගලයන් සියයකට අධික පිරිසකට එරෙහිව මෙම නඩු පවරා ඇත.
විත්තිකරුවන්ට සැප්තැම්බර් 13 හා නොවැම්බර් 11 දිනවල අධිකරණයේ පෙනී සිට කරුණු දක්වන ලෙසට කොළඹ අතිරේක දිසා විනිසුරු අරුණ වික්‍රමසිංහ මහතා නොතීසි නිකුත් කරමින් දන්වා සිටියේය.
කිසිදු සුරැකුමක් ඉදිරිපත් නොකර ජංගම දුරකථන ඇප් එකක් සහ වෙබ් අඩවිය මගින් ණය මුදල් ලබා ගෙන හිතා මතා ගෙවීම් පැහැර හැරි පදිංචි පුද්ගලයන්ට එරෙහි නඩු කැඳවූ අවස්ථාවේදී මෙම නොතිසි නිකුත් කළේය.
මාර්ගත ක්‍රමය ඔස්සේ රුපියල් ලක්ෂ 02 වඩා අඩු ණය ලබාගෙන නියමිත පරිදි නොගෙවීම සම්බන්ධයෙන් 2022 අංක 33 දරණ සුළු හිමිකම් කාර්ය පටිපාටිය ප්‍රකාරව මෙම නඩු පවරා ඇත.