උඩරට දුම්රිය මාර්ගයේ බණ්ඩාරවෙල හීල්ඔය දුම්රිය ස්ථාන අතර දුම්රිය මාර්ගයේ දී කොළඹ කොටුව සිට බදුල්ල බලා ධාවනය වෙමින් තිබූ සීඝ්‍රග්‍රාමි දුම්රිය පිලීපැනිමට ලක් වීමෙන් අඩාලව පැවති බදුල්ල කොළඹ කොටුව අතර දුම්රිය ධාවනය අද (15) පෙරවරුවේ සිට යථා තත්ත්වය ට පත්කළ බව නාවලපිටිය දුම්රිය පාලක මැදිරිය පවසයි .
මේ අනුව අද (15) අලුයම 5.45 ට බදුල්ල සිට කොළඹ කොටුව බලා ධාවනය වීමට නියමිතව තිබූ අංක 1016 දරන උඩරට මැණිකේ දුම්රිය පෙරවරු 7.33 ට බදුල්ල සිට කොළඹ කොටුව බලා ගමන් ආරම්භ කළ බවද එහි ප්‍රකාශයකු කීය .
බදුල්ල සිට කොළඹ කොටුව බලා ධාවනය වන අනෙකුන් දුම්රිය න් සාමාන්‍ය පරදි ධාවනය වන බවත් , ඊයේ (14) රාත්‍රි බදුල්ල සිට කොළඹ කොටුව බලා ධාවනය වීමට නියමිතව තිබූ අංක 1046 දරන රාත්‍රි තැපැල් දුම්රිය අද (15) උදෑසන බදුල්ල සිට කොළඹ කොටුව බලා ධාවනය කරවන බවද දුම්රිය දෙපාර්තමේන්තුව සදහන් කළේය .