කන්ද උඩරට ප්‍රදේශවල මහජනතාව ඉවතලන කැලි කසල ප්ලාස්ටික් අපද්‍රව හා කෘමිනාශක ඇසුරුම් බොහොමයක් මේ වන විට නාවුල බෝවතැන්න ජලාශයේ තම්පත්ව තිබීම නිසා ජලය පරිබෝජනය කරන රජරට ප්‍රදේශවල මහජනතාවට දැඩි සෞඛ්‍ය තර්ජනයකට ලක්වීමේ අවදානමක් තිබෙන බව බෝතැන්න ජලාශභාර ඉංජිනේරු බුද්ධික මහේෂ් නවරත්න මහතා පවසයි.
මේ දිනවල කන්ද උඩරට ප්‍රදේශවලට ඇද හැලෙන වර්ෂාවත් සමඟි විශාල කුණු කසල තොගයක් බෝව තැන්න ජලාශයේ තැන්පත්ව තිබේ.
නාඋල ප්‍රාදේශීය ලේකම් කොට්ඨාසයේ රාජ්‍ය ආයතන වන ප්‍රාදේශීය ලේකම් කාර්යාලය , නාවුල පොලිසිය , නාවුල ප්‍රාදේශීය සභාව බෝතැන්න කාර්යභාරය කාර්යාලය මහවැලි නිලධාරීන් එක්ව රජරටට මෙම කුණු කසල ගලා යෑම වැළැක්වීම සඳහා ඒවා ඉවත් කිරීමේ ශ්‍රම දානයක් සිදු කිරීමට කටයුතු යොදා ඇත.