මහරගම අපේක්ෂා රෝහලේ ප්‍රතිකාර ලබන පිළිකා ආසාදිත කුඩා දරුවන්ට විකිරණ ප්‍රතිකාර කටයුතු සිදුකරන යන්ත්‍රය පෙබරවාරි 29 වනදා සිට අක්‍රීය වී ඇති බව රජයේ විකිරණ විද්‍යා තාක්ෂණවේදීන්ගේ සංගමය පවසයි.
ඒ සඳහා භාවිත කරන “ලීනියර් ඇක්සලරේටර් යන්ත්‍රය” පෙබරවාරි 29 වනදා බිඳ වැටී ඇති අතර එය මේ වනතෙක් යථා තත්ත්වයට පත්කර නොමැති බව එම සංගමයේ සභාපති චානක ධර්මවික්‍රම පැවසීය.
ඒ හේතුවෙන් දිනකට කුඩා දරුවන් 10 – 15 අතර ප්‍රමාණයක ප්‍රතිකාර කළ නොහැකි තත්ත්වයක් උද්ගතවී ඇති බව සඳහන් ය.
පිළිකා රෝගියෙකුට පෞද්ගලික රෝහලකින් මෙම පිළිකා ප්‍රතිකාරක ලබාගැනීමට රුපියල් ලක්ෂ 7 – 17ත් අතර මුදලක් වැය කිරීමට සිදුවෙන බවද ඔහු පැවසීය.