රුපියල් ලක්ෂ පනහක් පමණ වටිනාකමකින් යුත් දුර්ලභ ගණයේ වාලම්පූරියක් අලෙවි කිරීමට රැගෙන යමින් සිටි පුද්ගලයකු අත්අඩංගුවට ගත්බව බේරුවල පොලිසිය පවසයි.
මෙසේ අත්අඩංගුවට ගෙන ඇත්තේ මොරොන්තුඩුව, දෙල්දූව ප්‍රදේශයේ පදිංචි 26 හැවිරිදි පුද්ගලයකු බව පොලිසිය කීය.
ගුවන් හමුදා බුද්ධි අංශ නිලධාරීන්ට ලද තොරතුරක් මත බේරුවල පොලිසියේ දූෂණ මර්දන අංශ ස්ථානාධිපති උප පොලිස් පරීක්ෂක කසුන් පතිරණ මහතා ඇතුළු පොලිස් කණ්ඩායමක් බේරුවල ප්‍රදේශයේ ප්‍රසිද්ධ දේවස්ථානයක් ආසන්නයේදී සැකකරු පරීක්ෂා කොට වාලම්පූරිය සමග අත්අඩංගුවට ගත්බව පොලිසිය කීය.