ඉංගිරිය රයිගම්වත්ත පහළ කොටස ප්‍රදේශයේ දි හක්කා පටස් එකක් පිපිරීමෙන් කුඩා දරුවෙකු බරපතල තුවාල ලබා රෝහල් ගත කළ බව ඉංගිරිය පොලිසිය කියයි
රෝහල් ගත කර ඇත්තෙ වයස අවුරුදු හයක දරුවකු බව පොලිසිය සඳහන් කරයි
එම පිපිරීමෙන් වයස අවුරුදු තුනක සහ හතක තවත් දරු දෙනෙක් සුළු තුවාල ලබා ඇතත් ඔවුන්ට රෝහල් ගතවීමට තරම් තත්ත්වයක් නොමැති බව පොලිස් ආරංචි මාර්ග සඳහන් කරයි
කුඩා දරුවන් පිරිස හක්ක පටස් එකක් බව නොදැන එමගින් සෙල්ලම් කරමින් සිටියදී එකවරම පුපුරා යාමෙන් මෙම අනතුර සිදුවී ඇති බව පොලිස් විමර්ශනවලදී අනාවරණය වී ඇත
බරපතල තුවාල ලද දරුවා ඉංගිරිය දිසා රෝහල වෙත ඇතුලත් කිරීමෙන් අනතුරුව මූලික ප්‍රතිකාර ලබා දී වැඩිදුර ප්‍රතිකාර සඳහා හොරණ මූලික රෝහල වෙත ඇතුලත් කර ඇත
එම දරුවාගේ දකුණු ඇහැට, දකුණු කම්මුලට හා දකුණු උරහිසට බරපතල තුවාල සිදුවී ඇතැයි රෝහල් ප්‍රකාශකයකු පැවසීය
කුඩා දරුවන් වෙත හක්කපටස් එක ලැබුණ ආකාරය සම්බන්ධයෙන් පැති කිහිපයක් ඔස්සේ විමර්ශන සිදු කරන බව පොලිසිය කියයි
පානදුර අපරාධ පරීක්ෂණාගාරයේ නිලධාරීන් ද පරීක්ෂණ පැවැත්වීමට නියමිතය
ඉංගිරිය පොලිසියේ ස්ථානාධිපති ප්‍රධාන පොලිස් පරික්ෂක වසන්ත චන්ද්‍රලාල් මහතාගේ උපදෙස් මත පරීක්ෂණ පැවැත්වේ